Столовые и общественное питание (Грузия - Тендер #44050887)

საკვებით მომსახურება

ელექტრონული ტენდერი გამოცხადებულია იმ მიზნით, რომ საჯარო სამართლის იურიდიულმა პირმა – ზურაბ ჟვანიას სახელობის სახელმწიფო ადმინისტრირების სკოლამ, შეისყიდოს კვების მომსახურება შემდეგი პირობებით:
ა) შესყიდვის ობიექტის აღწერა:
შესყიდვის ობიექტია სსიპ ზურაბ ჟვანიას სახელობის სახელმწიფო ადმინისტრირების სკოლისათვის (შემდგომში – „ძირითადი მომხმარებლები“, ერთდროულად არაუმეტეს 90 ადამიანისა) კვება თანდართული პრეისკურანტით(დანართი N1) შექმნილი მენიუს მიხედვით;
ბ) შესყიდვის ობიექტის სავარაუდო ღირებულება – 150000 ლარი;
გ) შესყიდვის ობიექტის მიწოდების ვადები – პერიოდულად, ხელშეკრულების გაფორმებიდან, 2023 წლის 31 დეკემბრამდე ან იმ დღემდე, როცა ფაქტობრივად მიწოდებული მომსახურების ღირებულება გაუტოლდება შესყიდვის ობიექტის ხელშეკრულებაში დაფიქსირებული ღირებულებას, თუ ეს მოხდება 2023 წლის 31 დეკემბრამდე, პერიოდის განმავლობაში ყოველდღიურად, დასვენებისა და უქმე დღეების ჩათვლით; მომსახურების მიწოდების კონკრეტული პერიოდები. გრაფიკები და მენიუ დაზუსტდება სსიპ ზურაბ ჟვანიას სახელობის სახელმწიფო ადმინისტრირების სკოლის გეგმების მიხედვით და ეცნობება მიმწოდებელს არაუგვიანეს 1 კვირისა მომსახურების მიწოდების შესაბამისი პერიოდის დაწყებამდე.
დ) შესყიდვის ობიექტის მიწოდების პირობები: მიმწოდებელმა ქუთაისში უნდა უზრუნველყოს მზა საკვების მიწოდება მომხმარებელთათვის შემსყიდველის შენობის კვების ბლოკში. კვების ბლოკის სამზარეულო აღჭურვილია შესაბამისი მოწყობილობით (გაზქურა, ღუმელი, სამაცივრო დანადგარები და ა.შ.), ხოლო სასადილო დარბაზი – საჭირო ავეჯით, ჭურჭლით და სხვა ინვენტარით. მიმწოდებელი ვალდებულია, მოუაროს ამ ქონებას – იქონიოს დაუზიანებლად, უდანაკარგოდ და სუფთად მომსახურების მიწოდების მთელ პერიოდში. თუ მომსახურების მიწოდების პერიოდში ამ ქონებიდან რაიმე დაზიანდება, მიმწოდებელი ვალდებულია, საკუთარი ხარჯით აღადგინოს დაზიანება. თუ იგი ამას არ გააკეთებს, შემსყიდველი უფლებამოსილია, თავისი ხარჯით აღადგინოს დაზიანება და ასანაზღაურებელი თანხიდან დაუკავოს მიმწოდებელს დაზიანების აღდგენაზე გაწეული ხარჯის ორმაგი ოდენობა. ჭურჭლის ან სხვა ნივთის დაკარგვის ან ისეთი დაზიანების შემთხვევაში, როცა მისი აღდგენა შეუძლებელია, მიმწოდებელი საკუთარი ხარჯებით ჩაანაცვლებს იდენტური ნივთით.
დ.1) შენობის კვების ბლოკის გარეთ საკვების მოწოდებისას ყველა საჭირო ინვენტარი (მაგიდა, ჭურჭელი და ა.შ.), მომსახურე პერსონალი და საჭირო მატერიალური საშუალებები უნდა უზრუნველყოს მიმწოდებელმა.
ე) სალათები, ცომეული (გარდა პურის, ფუნთუშის და ნამცხვრებისა) და ცხელი კერძები უნდა მომზადდეს ადგილზე, გარდა კვების ბლოკის გარეთ მოწოდებული მომსახურებისა. ჭურჭლის რეცხვა, კვების ბლოკის დაგვა–დასუფთავება და საყოფაცხოვრებო ნარჩენების შეგროვება–გატანა მიმწოდებელმა უნდა უზრუნველყოს თვითონ. მომსახურების მიწოდების პერიოდში მოხმარებული ელექტროენერგიის, ბუნებრივი აირისა და წყლის ღირებულებას მიმწოდებელს დაუკავებს შემსყიდველი მისთვის ასანაზღაურებელი თანხიდან შესაბამისი მრიცხველების ჩვენების მიხედვით.
ვ) აკრძალულია კვების ბლოკში ვინმეს კვება, გარდა ძირითადი მომხმარებელების და შენობაში მყოფი ადამიანებისა. ამისათვის კვების ბლოკიდან ქუჩაში გამავალი კარი მუდმივად დაკეტილი უნდა იყოს. მიმწოდებელმა, მომსახურების მიწოდების პერიოდში, საუზმის, სადილისა და ვახშმის მიწოდებისას უნდა უზრუნველყოს კვების ბლოკში როგორც ძირითადი მომხმარებლების, ასევე შემსყიდველის შენობაში მყოფი სხვა ადამიანების („სხვა მომხმარებლები“) კვება. სატენდერო დოკუმენტაციის დანართში მოცემული პრეისკურანტის და წინასწარ დამტკიცებული მენიუს განუხრელი დაცვა აუცილებელია. მიმწოდებელს არა აქვს უფლება, რეალიზაციაში ჰქონდეს სხვა ისეთი კერძები, რომლებიც არაა გათვალისწინებული პრეისკურანტით.
ზ) ანგარიშსწორება: ძირითად მომხმარებლებს უზრუნველყოფს შემსყიდველი, ხოლო სხვა მომხმარებლებს, ასევე ძირითად მომხმარებლებთან წინასწარ შეთანხმებული მენიუს ფარგლებს გარეთ თვითონ მომთხოვნი პირი – ნაღდი ფულით, რისთვისაც გამანაწილებელი დახლის ბოლოს უნდა განათავსოს მოლარის სამუშაო ადგილი, აღჭურვილი მოქმედი კანონმდებლობის შესაბამისად რეგისტრირებული სალარო აპარატით.
თ) მომსახურე პერსონალს უნდა ეცვას უნიფორმა და ეხუროს ქუდი.
ი) პრეისკურანტის კერძების რეალიზაცია ყველა მომხმარებელზე უნდა მოხდეს იმ ფასებით, რომლებიც განსაზღვრულია სახელმწიფო შესყიდვის ხელშეკრულებაში დაფიქსირებული კერძების ფასების ცხრილით. მიმწოდებელმა კვების დროს უნდა უზრუნველყოს საკვების მიწოდება მომხმარებელთათვის „სწრაფი კვების“ რეჟიმში, რაც გულისხმობს შემდეგს:
– ცივი კერძები, ულუფებად დაფასოებული შესაბამის ჭურჭელში (ყველანაირი ცივი კერძი, პურ–ფუნთუშეულის, ცომეულის, ყველისა და კარაქის გარდა, ასევე ჭიქებში დაფასოებული რძის პროდუქტები და ცივი კერძები ჰერმეტულად თავგადაკრული უნდა იყოს სპეციალური საკვები პოლიეთილენის(კანონმდებლობის შესაბამისი) აპკით )დალაგებულია გამანაწილებელ დახლზე, მომხმარებელი თვითონ აკეთებს არჩევანს ამათგან და გადააქვს თავის ლანგარზე,
– იგივე წესით იღებს მომხმარებელი დახლიდან გამოსაყენებელ ჭურჭელს, სუფრის ხელსაწყოებსა და ხელსახოც ქაღალდს,
– ცხელ კერძებსა და სასმელებს მიმწოდებელს, მისივე არჩევანით, უმზადებს ულუფად და აწვდის დახლიდან შემსყიდველის პერსონალი,
– გათავისუფლებულ ლანგარს მომხმარებელი თვითონ აბრუნებს გამანაწილებელი დახლის დასაწყისში, გამოყენებულ ჭურჭელს კი მაგიდიდან ალაგებს მიმწოდებლის პერსონალი.
კ) მიმწოდებელმა მომსახურების მიწოდების პერიოდში, უნდა უზრუნველყოს კვების ბლოკის ყოველდღიური (დასვენებისა და უქმე დღეების ჩათვლით) ფუნქციონირება 08:00–დან 21:00 საათამდე დასაშვები შესვენებებით დღის განმავლობაში: 10:30–12:30 სთ., 15:30–17:00 სთ. (დაზუსტდებაშემსყიდველთან).
ლ) შესყიდვის ობიექტის მიწოდების ადგილი: შემსყიდველის ადგილსამყოფელი – ქუთაისი, ნიკეას ქუჩა, 13; და ნებისმიერი სხვა ადგილი საქართველოს ტერიტორიაზე (მოთხოვნის შესაბამისად)
მ) ანგარიშსწორების პირობები და ვადები: შემსყიდველი აუნაზღაურებს მიმწოდებელს გაწეული მომსახურების ღირებულებას ყოველთვიურად, საანგარიშო თვის განმავლობაში მის მიერ მოთხოვნილი და ფაქტობრივად გაცემული კერძების ღირებულების შესაბამისად. კერძების გაცემა დასტურდება მიღება–ჩაბარების აქტით, რომელიც გაფორმდება საანგარიშოს მომდევნო თვის პირველ სამუშაო დღეს (2022 წლის დეკემბერში გაწეული მომსახურების მიღება–ჩაბარების აქტი გაფორმდება 2023 წლის 31 დეკემბრამდე). მიღება–ჩაბარების აქტის გაფორმებისთანავე მიმწოდებელმა უნდა გადასცეს შემსყიდველს ზედნადები ან/და შესაბამისი ანგარიშ–ფაქტურა (თუ მიმწოდებელი დღგ-ს გადამხდელია). შემსყიდველი აანაზღაურებს მიმწოდებლის მიერ მოთხოვნის შესაბამისად ფაქტობრივად გაწეული მომსახურების (მიწოდებული კერძების) ღირებულებას შესაბამისი ზედნადების ან/და ანგარიშ–ფაქტურის წარმოდგენიდან ათი დღის ვადაში საბანკო ანგარიშზე (რომელიც მითითებულია სახელმწიფო შესყიდვის ხელშეკრულებაში) თანხის გადარიცხვის გზით.
ნ) მიმწოდებლის გამოცდილება: მიმწოდებელი უნდა იყოს ინდივიდუალური მეწარმე ან იურიდიული პირი. მიმდინარე და ბოლო სამი წლის 2020-2021-2022 წლის განმავლობაში განხორციელებული ქონდეს ანალოგიური კვებითი მომსახურეობა. ადამიანს, რომელიც იმუშავებს შეფ–მზარეულად მიმწოდებელთან, უნდა გააჩნდეს მზარეულად ან მეკონდიტრედ მუშაობის, სულ ცოტა, 1 წლიანი გამოცდილება, რაც უნდა დასტურდებოდეს შესაბამისი შრომითი ხელშეკრულებებით ან ცნობებით დამსაქმებლებისაგან.
ო) მიმწოდებელმა საკუთარი ხარჯებით ხელშეკრულების გაფორმებიდან 1 თვეში უნდა შეიმუშაოს და დანერგოს (HACCP) საფრთხეების ანალიზისა და კრიტიკული საკონტროლი წერტილების მართვის გეგმა სასურსათო ჯაჭვში.

პერიოდულად, ხელშეკრულების გაფორმებიდან, 2023 წლის 31 დეკემბრამდე ან იმ დღემდე, როცა ფაქტობრივად მიწოდებული მომსახურების ღირებულება გაუტოლდება შესყიდვის ობიექტის ხელშეკრულებაში დაფიქსირებული ღირებულებას, თუ ეს მოხდება 2023 წლის დეკემბრამდე, პერიოდის განმავლობაში ყოველდღიურად, დასვენებისა და უქმე დღეების ჩათვლით; მომსახურების მიწოდების კონკრეტული პერიოდები და გრაფიკები დაზუსტდება სსიპ ზურაბ ჟვანიას სახელობის სახელმწიფო ადმინისტრირების სკოლის სასწავლო გეგმების მიხედვით და ეცნობება მიმწოდებელს არაუგვიანეს 1 კვირისა მომსახურების მიწოდების შესაბამისი პერიოდის დაწყებამდე

ქუთაისი, ნიკეას ქუჩა N13 და ნებისმიერი სხვა ადგილი საქართველოს ტერიტორიაზე (მოთხოვნის შესაბამისად).

პრეტენდენტს უნდა გააჩნდეს მიმდინარე და 2020-2021-2022 წლის განმავლობაში განხორციელებული ანალოგიური კვებითი მომსახურეობის გამოცდილება არანაკლებ 150000 ლარის ოდენობის.
ერთიანი ელექტრონული სისტემის საშუალებით წარმოდგენილი უნდა იქნეს: კვების მომსახურების შესრულების დამადასტურებელი დოკუმენტების ასლები, როგორიცაა: „მიღება-ჩაბარების აქტები“, „ანგარიშ-ფაქტურები“, „ზედნადებები“ ან/და ორმხრივად დადასტურებული სხვა დოკუმენტაცია. თუ პრეტენდენტს გამოცდილება გააჩნია სახელმწიფო ორგანიზაციებთან უნდა წარმოადგინოს გამოცდილების დამადასტურებელი ცხრილი სადაც მითითებული იქნება შესაბამისი CMR, SPA ან/და NAT ნომრები.
(დანართი N2-ის შესაბამისად)

ინფორმაცია იმ ადამიანის შესახებ, რომელიც იმუშავებს მასთან შეფ–მზარეულად დანართ N3–ის შესაბამისად.
ადამიანს, რომელიც იმუშავებს შეფ–მზარეულად მიმწოდებელთან, უნდა გააჩნდეს მზარეულად ან მეკონდიტრედ მუშაობის, სულ ცოტა, 1 წლიანი გამოცდილება, რაც უნდა დასტურდებოდეს შესაბამისი შრომითი ხელშეკრულებებით ან ცნობებით დამსაქმებლებისაგან.

სისტემაში ელექტრონულად უნდა აიტვირთოს შემდეგი საბუთები:
ა) ფასების ცხრილი დანართი N1–ის შესაბამისად,
ბ) ინფორმაცია იმ ადამიანის შესახებ, რომელიც იმუშავებს მასთან შეფ–მზარეულად დანართ N3–ის შესაბამისად (უნდა წარმოადგინოს ასევე ცნობა ან ხელშეკრულება, შეფ–მზარეულად მუშაობის თაობაზე).
გ) ინფორმაცია განხორციელებული ანალოგიური კვებითი მომსახურეობის გამოცდილების თაობაზე 2.2.1 პუნქტის შესაბამისად.

ფასების ცხრილი წარმოდგენილი უნდა იქნეს შემდეგი წესის დაცვით:
ა)პრეისკურანტი წარმოდგენილი უნდა იქნეს დანართი N1 შესაბამისად;
ბ) პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში;
გ)პრეტენდენტი პროპორციულად უნდა აკლებდეს ფასს;
დ)სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ე)დაბალფასიანი პრეტენდენტის მიერ წარმოდგენილ პირვანდელ და საბოლოო ფასებს შორის სხვაობა სატენდერო კომისიის მიერ გამოანგარიშდება პროცენტულად, რომლის მიხედვითაც დაევალება პრეტენდენტს წარმოადგინოს კორექტირებული პრეისკურანტები ზემოაღნიშნული პროცენტული მაჩვენებლის პროპორციულად თითოეული მომსახურებისა და საქონლისათვის.
ვ)დანართი №1–ის ფორმებში პრეტენდენტის მიერ მითითებული საქონლისა და მომსახურების ერთეულის ფასები, არ უნდა აღემატებოდეს შემსყიდველის მიერ მითითებულ სავარაუდო ერთეულის ფასებს.
ზ) ერთეულის ფასები უნდა გაფასდეს მეასედებამდე არითმეტიკული პრინციპით.
თ) წარმოდგენილი დოკუმენტაცია უნდა იყოს კვალიფიციური ელექტრონული ხელმოწერით ან/და დოკუმენტების კვალიფიციური ელექტრონული შტამპით დამოწმებული, იმ შემთხვევაში, როდესაც შემსყიდველი ორგანიზაცია ითხოვს დანართ დოკუმენტებს, რომლებიც გაცემულია მესამე პირის მიერ ან რომელზეც მიმწოდებლის გარდა შესრულებულია სხვა პირის ხელმოწერა, დამოწმებული ასლების ატვირთვას, ასეთი დოკუმენტის ელექტრონულ ვერსიაზე საჭიროა მისი ხელმომწერი პირ(ებ)ის კვალიფიციური ხელმოწერა ან/და კვალიფიციური შტამპი. თუ ამა თუ იმ მიზეზის გამო ასეთი ელექტრონული დოკუმენტი ვერ მოწმდება შესაბამისი პირის კვალიფიციური ელექტრონული ხელმოწერით ან/და შტამპით, ამ შემთხვევაში, პრეტენდენტმა სისტემაში უნდა ატვირთოს მატერიალური დოკუმენტის სანოტარო წესით დამოწმებულ ელექტრონული ასლი.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაციის მოთხოვნის შემთხვევაში, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით (შემსყიდველის მოთხოვნიდან არაუგვიანეს 1 სამუშაო დღის ვადაში), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
ექსპერტიზის ან აუდიტორის დასკვნის წარმოდგენის შემთხვევაში, წარმოდგენილი უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი (სერთიფიკატი და სხვა) ან სახელმწიფოს მიერ აღიარებული სხვა დამადასტურებული დოკუმენტი. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექპერტო დასკვნის წარმოდგენა.
მიმწოდებლის მიერ შესყიდვის ობიექტის სავარაუდო ღირებულებაზე 20%ით ან მეტით დაბალი ფასის წარმოდგენისას, ფასწარმოქმნის ადეკვატურობის დასადასტურებლად, შემსყიდველი უფლებამოსილია ჩაატაროს ალტერნატიული ექსპერტიზა, რომელსაც მიენიჭება უპირატესობა სატენდერო კომისიის მიერ გადაწყვეტილების მიღებისას.
შენიშვნა: პრედენდენტმა უნდა გაითვალისწინოს, რომ ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

შემსყიდველსა და მიმწოდებელს შორის გაფორმებული მიღება-ჩაბარების აქტის საფუძველზე. ანგარიშსწორება განხორციელდება ეტაპობრივად, ფაქტიურად მიღებული მომსახურების შესაბამისად.
წარმოდგენილი საანგარისშსწორებო დოკუმენტაცია.

ანგარიშსწორება განხორციელდება მიღება-ჩაბარების აქტის გაფორმებიდან 10 კალენდარული დღის განმავლობაში

ტარიელ ცერცვაძე, 591939480, ta.tsertsvadze@zspa.ge

- დაზუსტებას არ ექვემდებარება პრეტენდენტის ტექნიკური დოკუმენტაცია, თუ არ არის ან განუფასებლადაა წარმოდგენილი ფასების ცხრილი.

- ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

- დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

- ატვირთული ყველა დოკუმენტი ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

- პრედენდენტს არა აქვს უფლება წარმოადგინოს ალტერნატიული სატენდერო წინადადება.

- სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის ( მათ შორის ტრანსპორტირების ხარჯის გათვალისიწნებით) გათვალისწინებით.

- წარმოდგენილი დოკუმენტაცია უნდა იყოს კვალიფიციური ელექტრონული ხელმოწერით ან/და დოკუმენტების კვალიფიციური ელექტრონული შტამპით დამოწმებული, იმ შემთხვევაში, როდესაც შემსყიდველი ორგანიზაცია ითხოვს დანართ დოკუმენტებს, რომლებიც გაცემულია მესამე პირის მიერ ან რომელზეც მიმწოდებლის გარდა შესრულებულია სხვა პირის ხელმოწერა, დამოწმებული ასლების ატვირთვას, ასეთი დოკუმენტის ელექტრონულ ვერსიაზე საჭიროა მისი ხელმომწერი პირ(ებ)ის კვალიფიციური ხელმოწერა ან/და კვალიფიციური შტამპი. თუ ამა თუ იმ მიზეზის გამო ასეთი ელექტრონული დოკუმენტი ვერ მოწმდება შესაბამისი პირის კვალიფიციური ელექტრონული ხელმოწერით ან/და შტამპით, ამ შემთხვევაში, პრეტენდენტმა სისტემაში უნდა ატვირთოს მატერიალური დოკუმენტის სანოტარო წესით დამოწმებულ ელექტრონული ასლი.