Полные или частичные строительные работы и публичные работы (Грузия - Тендер #44050874)

ქვაბუტილიზატორი #11-ის და #12-ის შეკეთებისა და ტექნიკური სამუშაოების სახელმწიფო შესყიდვა

P&ID Drawings განისაზღვრება - დანართი N1-ის შესაბამისად.

სარქველების და შედუღების დეტალური ინფორმაცია განისაზღვრება - დანართი N2.1-ის შესაბამისად.

ახალი სარქველის ნახაზი (დაბალის წნევის და სადრენაჟო ხაზები) განისაზღვრება - დანართი N2.2-ის შესაბამისად.

ტექნიკური დავალება განისაზღვრება - დანართი N3-ის შესაბამისად.

1.4.1. სამუშაოების შესრულების ვადა: ხელშეკრულების გაფორმებიდან არაუგვიანეს 2023 წლის 31 აგვისტოს ჩათვლით;

1.4.2. მიმწოდებლის მიერ შემსყიდველისათვის საბოლოო ანგარიშები ტესტირებებისა (PT/UT) და შეკეთების სამუშაოების შესახებ წარდგენილ უნდა იქნას მომსახურების დასრულებიდან არაუგვიანეს 5 კალენდარული დღის ვადაში, მაგრამ არაუგვიანეს 2023 წლის 5 სექტემბრისა.

1.5.1. სამუშაოს შესრულებას უზრუნველყოფს მიმწოდებელი საკუთარი ხარჯებით (საქართველოს კანონდმებლობით განსაზღვრული ყველა სახის გადასახადის ჩათვლით).
1.5.2. სამუშაოს შესრულების ადგილი: ქ. გარდაბანი, დ. აღმაშენებლის 2ბ.

1.6.1. მიმწოდებლის მიერ შესრულებულ სამუშაოზე უნდა ვრცელდებოდეს გარანტია მიღება-ჩაბარების აქტის გაფორმებიდან მინიმუმ 1 (ერთი) წელი.
1.6.2. თუ საგარანტიო პერიოდში აღმოჩნდება დეფექტები, მიმწოდებელი ვალდებულია, შემსყიდველის შეტყობინების მიღებიდან გონივრულ ვადაში ვადაში (მაგრამ არაუმეტეს 5 სამუშაო დღისა) საკუთარი ხარჯით გამოასწოროს წუნი.

აღნიშნული ინფორმაცია წარმოდგენილი უნდა იქნას სატენდერო წინადადებასთან ერთად.

2.2.1 პრეტენდენტს 2020 წლიდან ელექტრონული პროცედურის გამოცხადების დღემდე პერიოდში (იგულისხმება პერიოდი ხელშეკრულების გაფორმებიდან პროექტის საბოლოოდ დასრულებამდე, რაც ნიშნავს იმას, რომ აღნიშნული ორივე თარიღი (დაწყება და დასრულების თარიღი) უნდა ხვდებოდეს ზემოაღნიშნულ პერიოდში) უნდა გააჩნდეს საშემდუღებლო სამუშაოების შესრულების გამოცდილება წნევაზე მომუშავე მილებზე ან/და წნევაზე მომუშავე საკვალთებზე ან/და წნევაზე მომუშავე ჭურჭლებზე, რაზეც პრეტენდენტმა სატენდერო წინადადებასთან ერთად უნდა წარმოადგინოს აღნიშნულის დამადასტურებელი ხელშეკრულება/ხელშეკრულებები და ამ ხელშეკრულებ(ებ)ის სრულად შესრულების დამადასტურებელი დოკუმენტები (ხელშეკრულების შესრულებაში იგულისხმება უკვე დასრულებული ხელშეკრულებ(ებ)ი, ხოლო შესრულების დოკუმენტებში მიღება-ჩაბარების აქტ(ებ)ი (მიღება-ჩაბარებას თან უნდა ახლადეს ფორმა #2 არსებობის შემთხვევაში) ან/და დადასტურებული ანგარიშფაქტურა(ები) ან/და შესრულების დამადასტურებელი სხვა დოკუმენტ(ებ)ი).
აუცილებელი პირობაა, რომ გამოცდილების დადასტურების მიზნით წარმოდგენილი დოკუმენტებიდან ნათლად იკვეთებოდეს სატენდერო დოკუმენტაციით განსაზღვრულ მოთხოვნაბთან შესაბამისობა.

2.2.2 თუ პრეტენდენტს გამოცდილება მიღებული აქვს სახელმწიფო შესყიდვების განმახორციელებელი დაწესებულებისგან, მათ შორის, შემსყიდველის - შპს "გარდაბნის თბოსადგურის" მიერ განხორციელებული შესყიდვ(ებ)იდან, არ არის სავალდებულო ზემოაღნიშნული გამოცდილების დამადასტურებელი დოკუმენტაციის ასლ(ებ)ის წარმოდგენა, მისაღებად ჩაითვლება შესყიდვის მაიდენტიფიცირებელი ნომრ(ებ)ის (SPA, NAT, CMR) მითითება გამოცდილების დამადასტურებელ დოკუმენტაციაში.

2.2.3 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები/ხელმოწერა და ხელმომწერი პირ(ებ)ის უფლებამოსილება დამოწმებული უნდა იყოს ნოტარიუსის ან შესაბამისი საჯარო სამართლებრივი უფლებამოსილების მქონე პირის მიერ, ხოლო, ამ უკანასკნელის ხელმოწერა - ლეგალიზებული ან აპოსტილით დამოწმებული.

2.4.1.1 შედუღების სპეციალისტი უნდა იყოს კვალიფიცირებული და სერტიფიცირებული SMAW და GTAW შედუღების სფეროში, რის დამადასტურებლად პრეტენდენტმა სატენდერო წინადადებასთან ერთად უნდა წარმოადგინოს შედუღების სპეციალისტის შესაბამისი ვალიდური სერტიფიკატ(ებ)ი.

2.4.1.2 პრეტენდენტმა უნდა წარმოადგინოს შედუღების სპეციალისტის დამოწმებული წერილობითი თანხმობა/დასტური იმის შესახებ, რომ ის ხელშეკრულების მოქმედების პერიოდში უშუალოდ განახორციელებს აღნიშნულ სამუშაოს. წერილში მითითებული უნდა იყოს წინამდებარე ტენდერის განცხადების ნომერი (NAT_______).

ზემოაღნიშნული ინფორმაცია წარმოდგენილი უნდა იქნას სატენდერო წინადადებასთან ერთად.

2.4.1.3 მიმწოდებლის მხრიდან არგუმენტირებული წერილობითი მოთხოვნის და შემსყიდველის თანხმობის საფუძველზე, სამუშაოების დაწყებამდე, მიმწოდებელი უფლებამოსილია უზრუნველყოს შედუღების სპეციალისტის ჩანაცვლება, ჩანაცვლებულ შედუღების სპეციალისტზე კი უნდა გავრცელდეს სატენდერო დოკუმენტაციის 2.4.1.1 და 2.4.1.2 ქვეპუნქტების მოთხოვნები.

4.1.1.1. იმ შემთხვევაში, თუ ტენდერში ყველაზე დაბალი ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა და ამ ფასად სამუშაოს შესრულების შესაძლებლობა სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის მიერ გაცემული დასკვნის საფუძველზე.
4.1.1.2. დასკვნა მომზადებული უნდა იყოს საქართველოს მთავრობის 2017 წლის 26 სექტემბრის №439 დადგენილებით დამტკიცებული „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მიხედვით.
4.1.1.3 პრეტენდენტის მიერ დასკვნასთან ერთად დამატებით წარმოდგენილი უნდა იქნას დასკვნის გამცემი პირის/ორგანოს შესაბამისი უფლებამოსილების/აკრედიტაციის დამადასტურებელი დოკუმენტი.

7.2.1. ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით.
7.2.2. მიღება-ჩაბარების აქტის გაფორმებისათვის მიმწოდებელი ვალდებულია წარუდგინოს შემსყიდველს შესაბამისი სამუშაოს შესრულების დასადასტურებლად საჭირო დოკუმენტაცია - ფორმა N2 და საბოლოო ანგარიშები ტესტირებებისა (PT/UT) და გაწეული ტექნიკური სამუშაოების შესახებ. “შემსყიდველი” უფლებამოსილია განახორციელოს ფორმა N2-ის ექსპერტიზა და მოამზადოს შესაბამისი დასკვნა, რომლის საფუძველზე “შემსყიდველსა” და „მიმწოდებელს“ შორის გაფორმდება მიღება-ჩაბარების აქტი.

ანგარიშსწორება განხორციელდება ხელშეკრულებით გათვალისწინებული დოკუმენტების საფუძველზე, მათი წარმოდგენიდან არაუგვიანეს 10 სამუშაო დღის ვადაში.
ეტაპობრივი ანგარიშსწორება არ დაიშვება.

ლევან ფულარიანი, 577585544, l.pulariani@gardabanitpp.ge

დამატებითი ინფორმაცია (10.1)

10.1.1. პრეტენდენტს არა აქვს უფლება წარმოადგინოს ალტერნატიული წინადადება;
10.1.2. სამუშაოების შესრულებას უზრუნველყოფს მიმწოდებელი საკუთარი ხარჯებით;
10.1.3. შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში, საქართველოს კანონმდებლობით განსაზღვრული ყველა გადასახადის გათვალისწინებით დღგ-ს გარდა;
10.1.4. წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.5. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.6. შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად;
10.1.7. პრეტენდენტის მიერ მექანიკური შეცდომის დაშვების შემთხვევაში, როგორიცაა არასწორი ჯამის ან ნამრავლის მითითება, სიტყვიერი და ციფრობრივი გამოსახულების შეუსაბამობა, შემსყიდველის მიერ ფასის განსაზღვრა შესაძლებელია ერთეულის ფასის უპირატესობის პრინციპის გათვალისწინებით. იმ შემთხვევაში, თუ აღნიშნული არ აღემატება სისტემის შესაბამის ველში დაფიქსირებულ ფასს;
10.1.8. გამარჯვებულ პრეტენდენტთან ხელშეკრულება გაფორმდება ლარში;
10.1.9. პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.1.10. ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.11. ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე (საქართველოს მთავრობის განკარგულება №2380, 20.12.2022წ).
10.1.12. სატენდერო დოკუმენტაციით მოთხოვნილი, სისტემაში ასატვირთი ყველა დოკუმენტ(ებ)ი წარმოდგენილ უნდა იქნას ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.13. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად;
10.1.14. შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან;
10.1.15. ხარჯთაღრიცხვა შედგენილი უნდა იყოს აღნიშნულ სფეროში მოქმედი ნორმატიული დოკუმენტაციის შესაბამისად, მათ შორის: „საქართველოს ეკონომიკისა და მდგრადი განვითარების“ მინისტრის 2014 წლის 14 იანვრის დადგენილება №55 „სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესი დამტკიცების შესახებ“.