Пакеты программного обеспечения для создания документов, для создания графики, для обработки изображений, планирования и производительности (Грузия - Тендер #44050751)

1.1.1. შესყიდვის ობიექტს წარმოადგენს: ზუგდიდის მუნიციპალიტეტის ნიადაგების მართვის გეოსაინფორმაციო სისტემის შექმნა/დანერგვის მომსახურება.

ტექნიკური დავალება

გასაწევი მომსახურების ჩამონათვალი

გასაწევი მომსახურება გულისხმობს: 1) ზუგდიდის მუნიციპალიტეტის მასშტაბით ნიადაგების რუკის აციფვრას, რელიეფის დატანას და ადმინისტრაციული დაყოფას; 2) „Google map“ ფორმატის რუკის მომაზადებას, სისტემის არქიტეტქტურის აწყობას „AWS“-ში, სერვერული პროგრამების ინსტალაციას, არსებული ინფორმაციების ჩატვირთვას და „QGIS (Quantum Geographic Information System)“ სისტემის მოხმარებაზე სწავლება-ტრენინგს.
სატენდერო პირობების თანახმად, ტენდერში გამარჯვებულმა უნდა უზრუნველყოს: ა) რუკის მიბმა შემსყიდველი ორგანიზაციის ელექტრონულ ფოსტასთან (პროექტისთვის შექმნილ სპეციალურ _ gmail account); ბ) მუნიციპალიტეტის მართვის გეოსაინფორმაციო სისტემის (MMGS) შექმნა. „ოპენ სორს“ ტექნოლოგიების გამოყენებით სისტემის შესრულებას; გ) გეოგრაფიული მოდულის აწყობა „PostgreSQL“ სისტემის „PostGIS“ გაფართოებაზე, რომელიც იქნება ინტეგრირებული „PostgreSQL“ მონაცემთა მართვის რელაციურ სისტემაში; დ) გეოგრაფიული მონაცემების დამუშავება და საბოლოო რუკების და გრაფიკების აწყობა „ოპენ სორს“ პროგრამა „QGIS“ საშუალებით; ე) სისტემა განთავსდება „Amazon Web Services (QWS)“ ღრუბელში; ვ) სატრანსპორტო მომსახურება ზუგდიდის მუნიციპალიტეტის ყველა ადმინისტრაციულ ერთეულში.

განსახორციელებელი მომსახურების აღწერა

1) ნიადაგების რუკის აციფრვა _ შემსყიდველის მიერ მიწოდებული (ქ. ზუგდიდის ტერიტირია) ნიადაგების ქაღალდის რუკის ფოტოგრაფირება მაღალი გარჩევადობით. გეორეფერენსირება ბუნებრივი გეოგრაფიული საფარის მიხედვით, ანალიტიკური მეთოდით. გეორეფერენსირებული გამოსახულების დიგიტალიზაცია ტოპოლოგიური მთლიანობის დაცვით. ნიადაგის შესაბამისი კოდების მინიჭებით და ნიადაგის ლეგენდის განმარტებითი ნაწილის ტექსტების მომზადება ცხრილის სახით, ქართულ და ინგლისურ ენებზე.
2) რელიეფის დატანა _ რელიეფის ამსახველი იზოჰიფსების მომზადება 5 მეტრიანი ბიჯით, 1:25000 მაშტაბის, შესაბამისი სიმჭიდროვით.
3) ადმინისტრაციული დაყოფა _ ადმინისტრაციულ ტერიტორიულ ერთეულების მიხედვით, საკადასტრო ბლოკებზე დაყრდნობით _ სულ 48 ბლოკი, დამატებული ქალაქი ზუგდიდი.
4) „Google map“ ფორმატის რუკის მომზადება _ ინტერაქტიული რუკის მომზადება, რომელზედაც დაკლიკებით ფანჯარაში გამოვა ნიადაგის შესახებ შეყვანილი ტექსტური ინფორმაცია ან/და შემსყიდველის მიერ მიწოდებული ნებისმიერი ტექსტური თუ გრაფიკული ფაილი. რუკა მიბმული იქნება შემსყიდველის ელექტრონულ ფოსტასთან (პროექტისთვის შექმნილ სპეციალურ _ gmail account). კონტექსტის მართვის შესაძლებლობით.
5) სისტემის არქიტექტურის აწყობა „AWS“-ში, სერვერული პროგრამების ინსტალაცია და არსებული მონაცემების ჩატვირთვა _ „მუნიციპალიტეტის მართვის გეოსაინფორმაციო სისტემის (MMGS)“ შექმნა, რომელიც უნდა შესრულდეს „ოპენ სორს“ ტექნოლოგიების გამოყენებით; გეოგრაფიული მოდული უნდა აეწყოს „PostgreSQL“ სისტემის „PostGIS“ გაფართოებაზე, რომელიც ინტეგრირებულია „PostgreSQL“ მონაცემთა მართვის რელაციურ სისტემაში. გეოგრაფიული მონაცემების დამუშავება და საბოლოო რუკების და გრაფიკების აწყობა „ოპენ სორს“ პროგრამა „QGIS“ საშუალებით; სისტემის განთავსება „Amazon Web Services (AWS) ღრუბელში“; თემატური მოდულების შექმნა (მოდულები უნდა იყოს ავტონომიური და უნდა განვითარდეს როგოც ერთმანეთის პარალელურად, ასევე თანმიმდევრობით); თემატური მოდულები: ნიადაგის ტიპები, გეოლეგია და წიაღი, მიწის საფარის ტიპები, სოფლის მეურნეობა, საკადასტრო ფენა (ბოლო განახლებული მდგომარეობით) და ა.შ.; სისტემისთვის აუცილებელი ინფრასტრუქტურის აწყობა, მისი გამართვა და საბაზისო ფენების ინტეგრირება, მაგ.: პოლიგენალური ფენა.
6) „QGIS (Quantum Geographic Information System)“ სისტემის სარგებლობაზე სატრენინგო მომსახურება _ კონკრეტულ სისტემასთან სამუშაოდ სატრენინგო კურსების ჩატარებას ადგილზე (ტრენინგის „საკლასო“ ფორმატით), ზუგდიდის მუნიციპალიტეტის მერიის საჯარო მოხელეებისთვის.

დამატებითი პირობები

ტენდერში გამარჯვებულმა პრეტენდენტმა უნდა უზრუნველყოს 1 (ერთი) წლის განმავლობაში საკონსულტაციო მომსახურეობის გაწევა, სისტემის ფუნქციონირებასთან დაკავშირებულ საკითხებზე.

(ტექნიკური დავალება შემდგომ განიხილება, როგორც გასაფორმებელი სახელმწიფო შესყიდვის შესახებ ხელშეკრულების განუყოფელი ნაწილი).

1.4.1. ტენდერში გამარჯვებულმა მომსახურების გაწევა უნდა უზრუნველყოს ხელშეკრულების დადებიდან 45 (ორმოცდახუთი) სამუშაო დღის ვადაში.

1.5.1. მომსახურების განხორციელების ადგილია: ზუგდიდის მუნიციპალიტეტის მერიის ადმინისტრაციული შენობა, მისამართი: ქ. ზუგდიდი, რუსთაველის ქ. №90.

თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, ამ შემთხვევაში, ფასწარმოქმნის ადეკვატურობის დასაბუთება არ იქნება მოთხოვნილი. ვინაიდან, შესყიდვის ობიექტის თავისებურებიდან და სპეციფიკიდან გამომდინარე ძირითადი ხარჯები მოდის ინტელექტუალურ რესურსზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს შესაბამისი მიღება-ჩაბარების აქტის საფუძველზე.

7.3.1. ანგარიშსწორება განხორციელდება შესაბამისი მიღება-ჩაბარების აქტის ხელმოწერიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ამ შემთხვევაში მოცემული სატენდერო წინადადების ინტერპრეტაციის დროს, უცხოენოვან დოკუმენტსა და მის ქართულ ენაზე შესრულებულ თარგმანს შორის უპირატესობის მინიჭების საკითხს წყვეტს სატენდერო კომისია.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
5) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
6) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.