Строительно-монтажные работы (Грузия - Тендер #44050741)

საქართველოს განათლების და მეცნიერების სამინისტროს სისტემაში შემავალი 4 (ოთხი) საჯარო სამართლის იურიდიული პირის (სსიპ-განათლების ხარისხის განვითარების ეროვნული ცენტრი; სსიპ - შოთა რუსთაველის საქართველოს ეროვნული სამეცნიერო ფონდი; სსიპ-ივანე ჯავახიშვილის სახელობის თბილისის სახელმწიფო უნივერსიტეტი; სსიპ - საგანმანათლებლო დაწესებულების მანდატურის სამსახური ) სარგებლობაში არსებული, ქ. თბილისში, მ. ალექსიძის ქუჩა, II შესახვევი N2-ში მდებარე შენობა-ნაგებობაში სახანძრო უსაფრთხოების სისტემის (სახანძრო სიგნალიზაცია, ავარიული განათება, გახმოვანების სისტემა) მოწყობა.

ტექნიკური დავალება:

1.2.1. მიმწოდებელმა უნდა უზრუნველყოს ქ. თბილისში, მ. ალექსიძის ქუჩა, II შესახვევი N2-ში მდებარე შენობა-ნაგებობაში სახაძრო უსაფრთხოების სისტემების მონტაჟი, პროგრამირება და ექსპლუატაციაში გაშვება, შემსყიდველის მიერ წარმოდგენილი საპროექტო დოკუმენტაციის შესაბამისად (იხ. მიბმული ფაილი) და მწარმოებლის ტექნიკური მოთხოვნების და რეკომენდაციების დაცვით.
1.2.2. შესასრულებელი სამუშაოების დეტალური ჩამონათვალი, აღწერილობა და საპროექტო მოცულობები მოცემულია ხარჯთაღრიცხვის სახით, სატენდერო დოკუმენტაციის 1.3. პუნქტში (იხ. დანართი №1).
1.2.3. მიმწოდებელი ვალდებულია, შესრულებულ სამუშაოებზე საბოლოო მიღება-ჩაბარების აქტის გაფორმებიდან ერთი წლის განმავლობაში (ყოველ სამ თვეში ერთხელ) უზრუნველყოს შესყიდვის ობიექტის გამართული მუშაობის შემოწმება/მონიტორინგი (სისტემის შერჩევითი შემოწმებით), რაზეც გაფორმდება შესაბამისი აქტი.
1.2.4. მიმწოდებელმა სამუშაოების შესრულება უნდა უზრუნველყოს ტექნიკური დავალებით დადგენილი პირობებისა და საქართველოში მოქმედი სახანძრო უსაფრთხოების სტანდარტების სრული დაცვით. შრომის უსაფრთხოების წესების დაცვაზე სრულად პასუხისმგებელია მიმწოდებელი.
1.2.5. შემსყიდველი ორგანიზაციის საქმიანობის შეუფერხებლად განხორციელების მიზნით, მიმწოდებელი ვალდებულია სამუშაოების წარმოება (სამუშაო საათებში) შეათანხმოს შემსყიდველთან.
1.2.6. სამუშაოების წარმოებისას გამოყენებული ნებისმიერი მასალა ან/და მოწყობილობა უნდა შეესაბამებოდეს საქართველოში აღიარებულ სტანდარტებსა და ნორმებს, წინააღმდეგ შემთხვევაში შემსყიდველი უფლებამოსილია არ ჩაიბაროს ჩატარებული სამუშაოები.
1.2.7. მიმწოდებელი ვალდებულია გამოყოს ობიექტზე პასუხისმგებელი პირ(ებ)ი და უზრუნველყოს სამუშაოების წარმოება მათი მუდმივი ზედამხედველობით.
1.2.8. მიმწოდებელი ვალდებულია, საჭიროების შემთხვევაში, ყოველდღიურად უზრუნველყოს სამუშაო ფართის დასუფთავება, მიმდინარე სამუშაოებით გამოწვეული ნარჩენების შეგროვება და ტერიტორიიდან გატანა.
1.2.9. ტექნიკური დავალებით გათვალისწინებული რომელიმე ვალდებულების დარღვევის შემთხვევაში, აღნიშნულის შედეგად წარმოშობილ ზიანზე სრული პასუხისმგებლობა დაეკისრება მიმწოდებელს.
1.2.10. სამუშაოების დასრულებისა და შესყიდვის ობიექტის ექსპლუატაციაში გაშვების შემდეგ, მიმწოდებელმა უნდა უზრუნველყოს შემსყიდველი ორგანიზაციის მიერ გამოყოფილი პირებისათვის (არაუმეტეს 8 ადამიანი) დამონტაჟებული სახანძრო უსაფრთხოების სისტემის მუშაობის პრინციპისა და მართვის შესახებ სწავლების (ტრენინგი) განხორციელება.

მიმწოდებელმა ხელშეკრულებით ნაკისრი ვალდებულებების (გარდა საგარანტიო პირობებით წარმოქმნილი ვალდებულებებისა) შესრულება უნდა უზრუნველყოს ხელშეკრულების გაფორმებიდან 90 (ოთხმოცდაათი) კალენდარული დღის ვადაში.

სამუშაოს შესრულება უნდა განხორციელდეს, წინამდებარე სატენდერო დოკუმენტაციისა და მისი დანართი დოკუმენტების მოთხოვნების სრული დაცვით, შემდეგ მისამართზე: ქ. თბილისი, მერაბ ალექსიძის ქუჩა, მეორე შესახვევი, N2.

1.6.1 შესრულებული სამუშაოს საგარანტიო ვადა უნდა შეადგენდეს:

-სახანძრო სიგნალიზაციის სისტემის მოწყობის სამუშაოებზე არანაკლებ 2 (ორი) წელს მიღება-ჩაბარების აქტის გაფორმებიდან.
-სხვა სამუშაოებზე (ავარიული განათებისა და გახმოვანების სისტემის მოწყობა, სარემონტო სამუშაოები) არანაკლებ 1 (ერთი) წელს მიღება-ჩაბარების აქტის გაფორმებიდან.

1.6.2. სამუშაოების დასრულების შემდეგ საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.
1.6.3. საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა.

პრეტენდენტი ვალდებულია დანართი N1 (ხარჯთაღრიცხვა)-ში შემოთავაზებულ საქონელზე (ხარჯთაღრიცხვაში მონიშნული პოზიციების შესაბამისად) მიუთითოს შესყიდვის ობიექტის წარმოშობის ქვეყანა, მწარმოებელი ან/და ბრენდი ან/სასაქონლო ნიშანი და მოდელი (ასეთის არსებობის შემთხვევაში). იმ შემთხვევაში, თუ დანართი №1 (ხარჯთაღრიცხვა)-ში არ იქნება მითითებული აღნიშნული ინფორმაცია, პრეტენდენტი დაექვემდებარება დისკვალიფიკაციას.

აუცილებელი მოთხოვნა:
შესყიდვის ობიექტის მახასიათებლების სატენდერო დოკუმენტაციასთან შესაბამისობის დადგენის მიზნით, წარმოდგენილი მოდელის მიხედვით შემოთავაზებული საქონლის ტექნიკური პარამეტრები უნდა იძებნებოდეს (ინტერნეტ წყაროების საშუალებით), წინააღმდეგ შემთხვევაში პრეტენდენტმა უნდა წარმოადგინოს მწარმოებლის ოფიციალური ინფორმაცია ტექნიკური მახასიათებლების შესახებ, (მწარმოებლის წერილი ან/და დასკანერებული ტექნიკური პასპორტი ან/და data sheet ან/და ვებ-გვერდის მისამართი, რომელიც მკაფიოდ დაადასტურებს შესაბამისობას)

პრეტენდენტს 2019 წლის 01 იანვრიდან წინამდებარე ტენდერის გამოცხადების დღემდე პერიოდში, შესრულებული უნდა ჰქონდეს, ჯამურად არანაკლებ 89 000 (ოთხმოცდაცხრა ათასი) ლარის ღირებულების სახანძრო სიგნალიზაციის/სახანძრო უსაფრთხოების სისტემის მოწყობის/მონტაჟის სამუშაოები (არ იგულიხმება ცეცხლმაქრების დამუხტვა/შეკეთება). პრეტენდენტმა მოთხოვნილი გამოცდილების დასტურად უნდა წარმოადგინოს ხელშეკრულებ(ები)ა, საბოლოო მიღება-ჩაბარების აქტ(ებ)ი ან/და დამკვეთის მიერ გაცემული დოკუმენტი სამუშაოების შესრულების თაობაზე.

იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში მიუთითოს შესაბამისი CMR, SPA, NAT ნომრები და არ წარმოადგინოს მოთხოვნილი დოკუმენტაცია.

შენიშვნა: კონკრეტული ხელშეკრულების ფარგლებში წარმოდგენილი მიღება-ჩაბარების აქტით/აქტებით ან/და მიწოდების დამადასტურებელი სხვა დოკუმენტით უნდა დგინდებოდეს სამუშაოების საბოლოოდ დასრულებისა და დამკვეთის მიერ მისი მიღების ფაქტი.

მიმწოდებლის მინიმუმ ერთ წარმომადგენელს უნდა გააჩნდეს შემოთავაზებული სახანძრო სიგნალიზაციის სისტემის მოწყობილობა/დანადგარების მწარმოებლის მიერ გაცემული შესაბამისი მოწმობა (სერტიფიკატი/ლიცენზია ან/და სხვ.), რითიც დასტურდება, რომ პირს გავლილი აქვს დასამონტაჟებელი დანადგარები/მოწყობილობების მოწყობა- დამონტაჟება-დაერთების ტრეინიგი და მინიჭებული აქვს შესაბამისი უფლებამოსილება.

2.7.1.1. სამუშაოების შესრულებისას მიმწოდებლის მიერ გამოსაყენებელი მასალები უნდა აკმაყოფილებდეს იმ სტანდარტებს, რომლებიც მითითებულია თანდართულ ფაილში (მოწყობილობების სტანდარტები). მასალათა შესაბამისობა/კლასი/მედეგობა/სერტიფიცირება და შესაბამისობა უნდა დადასტურდეს სერტიფიკატ(ებ)ით.


დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება.
4.1.1.2. ფასწარმოქმნის ადეკვატურობა შესაძლებელია დასაბუთებული იქნას სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო დასკვნით, რომელიც შედგენილი იქნება საქართველოს მთავრობის 2017 წლის 26 სექტემბრის N439 დადგენილებით დამტკიცებული "ტექნიკური რეგლამენტის - სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" შესაბამისად.
4.1.1.3. საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო დასკვნის წარმოდგენის შემთხვევაში, პრეტენდენტის მიერ, დასკვნასთან ერთად, დამატებით წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.
4.1.1.4. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება განხორციელდება ფაქტიურად შესრულებულ სამუშაოებზე გაფორმებული მიღება–ჩაბარების აქტისა და საქართველოს კანონმდებლობით დადგენილი შესაბამისი დოკუმენტაციის წარმოდგენის (საგადასახადო ანგარიშფაქტურის) შემდეგ.

ანგარიშსწორება მოხდება მიღება–ჩაბარების აქტის გაფორმებიდან და შესაბამისი საგადასახადო დოკუმენტაციის წარმოდგენიდან 10 (ათი) სამუშაო დღის განმავლობაში.

ციცინო ბერიძე, 577631498, tsitsino.beridze@eqe.ge

10.1. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.2. პრეტენდენტის მიერ ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
10.3. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.4. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტ(ებ)ი დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.
10.5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.6. თუ ხარჯთაღრიცხვაში მითითებულ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0“; ამასთანავე, ხარჯთაღრიცხვის ნებისმიერ პოზიციაზე გრაფის შეუვსებლობა ჩაითვლება როგორც ჩანაწერი „0“ და არ ანაზღაურდება შემსყიდველის მიერ;
10.7. შესასრულებელი სამუშაოების ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაქვემდებარება და გამოიწვვს პრეტენდენტის დისკვალიფიკაციას; ხარჯთაღრიცხვა განუფასებლად ჩაითვლება თუ წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.8. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.9. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.