Инженерные услуги (Грузия - Тендер #44050718)

შენობის ტექნიკური მდგომარეობის დეტალური კვლევა და დასკვნის მომზადება.

უნივერსიტეტის C კორპუსის შენობის ტექნიკური მდგომარეობის დეტალური კვლევა და დასკვნის მომზადება.

ტექნიკური დავალება:
- საკვლევი შენობის აღწერა.
- საკვლევი შენობის მზიდი ელემენტების დეტალური აღწერა, რომელიც უნდა იყოს დატანილი ნახაზებზე. (აზომვითი ნახაზები მიწოდებული იქნება დამკვეთის მიერ)
დეტალური აღწერა ასევე მოიცავს მზიდი კონსტრუქციული ელემენტების გეომეტრიული ზომების დადგენას. (საძირკვლები, კედლები, სვეტები, კოჭები. ფილები.) ასევე მზიდ ელემენტებში გამოყენებული მასალის დადგენა: ქვის წყობა. აგური, ბეტონი, რკინაბეტონი, ფოლადი, ხე, არმატურა. ასევე უნდა განისაზღვროს ყველა მზიდი ელემენტების მასალის კლასი, მარკა, სორტი, არმატურის დიამეტრი და ა.შ.
კველევა უნდა ჩატარდეს ინსტრუმენტული და ლაბორატორიული კვლევის (მზიდი ელემენტებიდან ამოღებული ნიმუშების გამოცდა; ბეტონი, აგური, აგურის წყობა და ა.შ.) მეთოდებით.
- შენობაზე არსებული დაზიანებები დატანილი უნდა იყოს ნახაზებზე დეტალურად. გეგმებზე, ფასადებზე, ჭრილებზე.
- დასკვნის მომზადება. ასევე დასკვნით ნაწილში უნდა იყოს აღწერილი და დასაბუთებული შენობაზე არსებული დაზიანების გამომწვევი მიზეზები.
ასევე მოცემული უნდა იყოს დასკვნაში ზოგადი რეკომენდაციები.

შენობის ტექნიკური მდგომარეობის დეტალური კვლევა და დასკვნის მომზადება უნდა მოხდეს საქართველოში მოქმედი სამშენებლო ნორმების და წესებისა და ტექნიკური რეგლამენტების გათვალისწინებით.

საკვლევი ობიექტის გეოლოგიური კვლევა და შენობის შიდა აზომვითი ნახაზები იხილეთ თანდართულ დოკუმენტებში.

ხელშეკრულების გაფორმებიდან 20 სამუშაო დღე

ქ. თბილისი, ჭავჭავაძის გამზ 32

პრეტენდენტმა უნდა წარმოადგინოს დოკუმენტი - აკრედიტაცია/ ლიცენზია შესაბამისი დაწესებულებიდან, რომ მას აქვს უფლება გასწიოს ტენდერით გათვალისწინებული მომსახურება.

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას როგორც პრეტენდენტის მიერ დაფიქსირებული წინადადების ფასთან (ჯამურ ღირებულებასთან), ასევე შესყიდვის ობიექტის ერთეულის ფას(ებ)თან მიმართებით.

დასკვნის გამცემი პირი და დასკვნაზე ხელმომწერი პირი, რეგისტრირებული უნდა იყვნენ ბუღალტრული აღრიცხვის, ანგარიშგებისა და აუდიტის ზედამხედველობის სამსახურის სახელმწიფო რეესტრში (www.saras.gov.ge)

ანგარიშსწორება განხორციელდება მხარეებს შორის მიღება-ჩაბარების აქტის ხელმოწერის და მიმწოდებლის მიერ შესაბამისი საგადასახადო დოკუმენტაციის (სასაქონლო ზედნადები, ანგარიშ-ფაქტურა, ან საგადასახადო დოკუმენტი) შემსყიდველისთვის წარდგენის შემდეგ.

ანგარიშსწორება განხორციელდება მხარეებს შორის მიღება-ჩაბარების აქტის ხელმოწერიდან და 7.2 პუნქტით განსაზღვრული საგადასახადო დოკუმენტაციის წარდგენიდან 10 სამუშაო დღის ვადაში.

გიორგი ჭყოიძე, 577237733, gio_chkoidze@iliauni.edu.ge

1. პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს;
5. პტერენდენტმა ფასების ცხრილში (ხარჯთაღრიცხვა) აუცილებლად უნდა აღწეროს შესყიდვის ობიექტის ტექნიკური პარამეტრები, ანუ მიუთითოს მინიმუმ ის ტექნიკური პარამეტრები, რაც მოთხოვნილია სატენდერო დოკუმენტაციაში.
6. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-8 მუხლით დადგენილი წესის შესაბამისად;
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა და სატენდერო განცხადების ყველა პირობას;
8. პრეტენდენტს არ აქვს უფლება წარმოადგინოს ალტერნატიული წინადადება.