Техническое обслуживание и ремонт (Грузия - Тендер #44050713)

პრინტერების შეკეთების მომსახურების შესყიდვა.

1.2.1 მიმწოდებელმა უნდა უზრუნველყოს სსიპ - საქართველოს შსს მომსახურების სააგენტოს პრინტერების შეკეთების მომსახურება, დანართში N2 (ტექნიკური დავალება) მითითებული ჩამონათვალის მიხედვით. შეკეთება და ტექნიკური მომსახურება გულისხმობს დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ტექნიკის ნაწილების შეკეთებას და/ან გამოცვლას.

1.2.2 პრეტენდენტი ვალდებულია პრეისკურანტი (დანართი N1) წარმოადგინოს ექსელის ფაილის სახით.

1.2.3 მიმწოდებელი ვალდებულია მომსახურების გაწევის დროს მიმწოდებლის ბრალეულობით შემსყიდველის ქონებაზე მიყენებული ნებისმიერი ზიანი აღმოფხვრას საკუთარი სახსრებით.

1.2.4 მიმწოდებელი ვალდებულია უფასოდ უზრუნველყოს ტექნიკის დიაგნოსტირება დეფექტური აქტების შედგენა (მათ შორის იმ სამუშაოებზე, რომელიც არ არის მოცემული პრეისკურანტში),ასევე განახორციელოს უფლებრივად და ნივთობრივად უნაკლო შესყიდვის ობიექტის მიწოდება მოქმედი ყველა საჭირო ნორმების, სტანდარტების, წესებისა და მოთხოვნების დაცვით.

1.2.5 შეცვლილი სათადარიგო ნაწილი უნდა იყოს ახალი/არამეორადი. მეორადი ნაწილის გამოყენება დასაშვებია მხოლოდ შემსყიდველთან შეთანხმებით და მისი ღირებულება განსაზღვრული იქნება ურთიერთშეთანხმების საფუძველზე, საბაზრო ფასის გათვალისწინებით.

მომსახურების გაწევა უნდა მოხდეს ეტაპობრივად, შემსყიდველის მოთხოვნის შესაბამისად,2024 წლის 31 დეკემბრის ჩათვლით.

1.4 მიმწოდებელი ვალდებულია:

1.4.1. შემსყიდველის მოთხოვნიდან (მეილი ან სატელეფონო კომუნიკაცია) 3 სამუშაო დღეში უზრუნველყოს დაზიანებული ტექნიკის ტრანსპორტირება სერვის ცენტრში და შესაბამისი დეფექტური აქტის (შესაბამისი განფასებით) შედგენა და შემსყიდველისადმი წარდგენა შემსყიდველის ოფისიდან ტექნიკის გატანიდან არაუგვიანეს 3 სამუშაო დღეში.

1.4.2. არაუგვიანეს 5 სამუშაო დღეში უზრუნველყოს დეფექტურ აქტში მითითებული იმ დაზიანებული ტექნიკის შეკეთება და შემსყიდველისადმი მიწოდება, რომლის თაობაზეც მიღებული ექნება შემსყიდველის თანხმობა (აღნიშნული ვადა აითვლება შემსყიდველის მხრიდან თანხმობის მიღებიდან).

ტექნიკის ტრანსპორტირებას შემსყიდველის ოფისიდან (ქ.რუსთავი, თბილისი-წითელი ხიდის გზატკეცილი 21-ე კმ) მიმწოდებლის სერვის ცენტრში და უკან დაბრუნებას საკუთარი ხარჯებით უზრუნველყოფს მიმწოდებელი.

1.7.1.1 მიმწოდებელმა უნდა გასცეს მის მიერ გამოცვლილ სათადარიგო ნაწილზე და გაწეულ მომსახურებაზე გარანტია არანაკლებ 6 (ექვსი) თვის ვადით მიღება-ჩაბარების აქტის გაფორმებიდან.

1.7.1.2 საგარანტიო პერიოდში რაიმე დეფექტის აღმოჩენის შემთხვევაში, მიმწოდებელმა უნდა უზრუნველყოს დეფექტის აღმოფხვრა საკუთარი ხარჯებით, შემსყიდველის მოთხოვნიდან არაუმეტეს 5 (ხუთი) სამუშაო დღის განმავლობაში.

1.7.1.3 ტექნიკის ტრანსპორტირებას შემსყიდველის ოფისიდან (ქ.რუსთავი, თბილისი-წითელი ხიდის გზატკეცილი 21-ე კმ) მიმწოდებლის სერვის ცენტრში და უკან დაბრუნებას საკუთარი ხარჯებით უზრუნველყოფს მიმწოდებელი.

1.7.1.4 მიმწოდებელთან შეტყობინების გაგზავნა მოხდება ელექტრონული ფოსტის ან/და სატელეფონო კომუნიკაციის საშუალებით.

2.2.1.1.პრეტენდენტს 2020 წლის 01 იანვრიდან უნდა გააჩნდეს პრინტერების შეკეთების გამოცდილება ჯამური ღირებულებით 10 000 (ათი ათასი) ლარი,რის დასტურადაც, პრეტენდენტის მიერ ერთიანი ელექტრონული სისტემის მეშვეობით წარმოდგენილი უნდა იქნეს შესრულებული სამუშაოს დამადასტურებელი დოკუმენტები ხელშეკრულება/ხელშეკრულებები და ამ ხელშეკრულების საფუძველზე გაფორმებული მიღება-ჩაბარების აქტ(ებ) ან/და აღნიშნული მომსახურების გაწევის დამადასტურებელი სხვა დოკუმენტაცია.


2.2.1.2. იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა 2.2.1.1 ქვეპუნქტით მოთხოვნილი დოკუმენტაციისა, პრეტენდენტი ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშ-ფაქტურების ელექტრონული ვერსიები.

2.9.1 ტენდერში გამარჯვებულ პრეტენდენტთან ხელშეკრულება გაფორმდება 50 000 ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის დანართი N1-ში მოცემული მომსახურების ჯამური ღირებულების შესაბამისად, მაგრამ არაუმეტეს ტენდერის ჩატარების შესახებ განცხადებაში მითითებული მთლიანი სავარაუდო ღირებულებისა და დანართი N1-ში განსაზღვრული ერთეულების ფასებისა.

2.9.2 პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).

2.9.3 პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ მომსახურების პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ფასებს.

2.9.4 პრეტენდენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის შემთხვევაში, სხვაობა საჭიროა პროპორციულად გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული ნაწილისა და მომსახურების ღირებულება.

2.9.5 პრეტენდენტის მიერ შერჩევა-შეფასების ეტაპზე დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.

2.9.6 იმ შემთხვევაში თუ დიაგნოსტირების შედეგად აღმოჩენილი დაზიანება არ არის გათვალისწინებული პრეისკურანტის ჩამონათვალში, მიმწოდებელი ვალდებულია აღნიშნულის შესახებ ცალკე შეადგინოს დეფექტური აქტი, განაფასოს იგი (საბაზრო ფასის გათვალისწინებით) და წარუდგინოს შემსყიდველს. აღნიშნულ შემთხვევაში ტექნიკის შეკეთებასთან დაკავშირებით გადაწყვეტილებას იღებს შემსყიდველი, ხოლო შეკეთების ვადები დამატებით შეთანხმდება მხარეთა შორის. ასეთ შემთხვევაში პრეისკურანტში პრინტერების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

2.9.7.პრეისკურანტის წარმოუდგენლობა ან/და განუფასებელი პრეისკურანტის წარმოდგენა, დაზუსტებას არ დაექვემდებარება და გამოიწვევს პრეტენდეტის დისკვალიფიკაციას, პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ მომსახურების პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ზღვრულ ფასებს.

2.9.8 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნეს სსიპ „ლევან სამხარულის ექსპერტიზის მიერ ეროვნული ბიუროს“ ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკლური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტში განსაზღვრული შესყიდვის ობიექტის მიწოდების შესაძლებლობა. ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ეტაპობრივად, ფაქტობრივად გაწეული მომსახურების მიხედვით, მიღება–ჩაბარების აქტის ხელმოწერის და ანგარიშსწორებისათვის საჭირო დოკუმენტაციის წარმოდგენის შემდეგ.

თუ მიმწოდებლის მიერ ფაქტიურად გაწეული მომსახურების ღირებულებამ არ შეადგინა წინამდებარე ხელშეკრულების ღირებულებით გათვალისწინებული სრული თანხა, შემსყიდველი გადაუხდის მიმწოდებელს ფაქტიურად გაწეული მომსახურების ღირებულებას. აღნიშნულიდან გამომდინარე, მიმწოდებელი კარგავს განსახორციელებელი მომსახურების ანაზღაურების მოთხოვნის უფლებას.

ანგარიშსწორება შემსყიდველის მიერ მოხდება ეტაპობრივად,ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერისა და შესაბამისი ღირებულების საგადასახადო ანგარიშ-ფაქტურის (კანონმდებლობით დადგენილ შემთხვევაში) გამოწერისა და წარმოდგენის შემდეგ არაუგვიანეს 10 (ათი) სამუშაო დღის ვადაში.

თუ კი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ზურაბ ნოზაძე, 551359555, Zurab.Nozadze@sa.gov.ge ტექნიკური სახის შეკითხვების შემთხვევაში დაუკავშირდით: შალვა ხიდეშელი, 577 93 94 19 ;

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3. ალტერნატიული სატენდერო წინადადება არ განიხილება;
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ, თუ იგი არის დღგ-ს გადამხდელი საქართველოს კანონმდებლობის შესაბამისად.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.8 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.9 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ საქართველოს შსს მომსახურების სააგენტოს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის“.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მომსახურების პრეისკურანტი (დანართი N1).

10.2.2 ინფორმაცია საგარანტიო ვადის შესახებ სატენდერო დოკუმენტაციის 1.7.1 პუნქტის შესაბამისად.

10.2.3 ინფორმაცია პრეტენდენტის გამოცდილების შესახებ სატენდერო დოკუმენტაციის 2.2.1 პუნქტის შესაბამისად.