Пакеты программного обеспечения для сетей, интернета и интранета (Грузия - Тендер #44050668)

პროექტების მართვისა და კოლაბორაციის სისტემის ლიცენზიის 1 (ერთი) წლის ვადით სახელმწიფო შესყიდვა

შესყიდვის ობიექტის აღწერილობისთვის იხილეთ ტექნიკური დავალება:

მიწოდების ვადაა ხელშეკრულების გაფორმებიდან 10 (ათი) სამუშაო დღე.

საქონლის მიწოდება უნდა განხორციელდეს არამატერიალური სახით, კერძოდ, უნდა მოხდეს შესაბამის სისტემაში მისი გააქტიურება ან/და ელექტრონული ფაილის სახით შემსყიდველი ორგანიზაციის უფლებამოსილი პირის ელექტრონული ფოსტის მისამართზე მიწოდება.

პრეტენდენტმა უნდა წარმოადგინოს ინფორმაცია მოსაწოდებელი საქონლის/ლიცენზიის მწარმოებელი ქვეყნისა და კომპანიის და მისი მახასიათებლების შესახებ ფასების ცხრილის შესაბამის გრაფაში მითითებით.

პრეტენდენტმა უნდა წარმოადგინოს ინფორმაცია საქართველოში არანაკლებ 5 (ხუთი) ანალოგიური პროექტის განხორციელების შესახებ.
აღნიშნულის დასადასტურებლად პრეტენდენტმა უნდა წარმოადგინოს შესაბამისი ხელშეკრულებები და მიღება-ჩაბარების აქტები ან/და საგადასახადო ანგარიშფაქტურები ან/და შესრულების დამადასტურებელი სხვა დოკუმენტები. იმ შემთხვევაში, თუ მოთხოვნილი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში მიუთითოს შესაბამისი SPA ან/და NAT ან/და CMR ნომრები ან/და სხვა და არ წარმოადგინოს მოთხოვნილი დოკუმენტაცია.

პრეტენდენტმა უნდა წარმოადგინოს მწარმოებლის მიერ გაცემული სერტიფიკატები მინიმუმ 2 (ორი) თანამშრომელზე და დოკუმენტი იმის შესახებ, რომ წარმოდგენილი სერტიფიცირებული თანამშრომლები მუშაობენ აღნიშნულ პრეტენდენტთან კომპანიაში.

პრეტენდენტი უნდა იყოს მწარმოებლის ოფიციალური პარტნიორი, რაზეც უნდა წარმოადგინოს MAF (Manufacturer Authorization Form, მწარმოებლის ავტორიზაციის ფორმა) ან მწარმოებლის მიერ დამოწმებული პარტნიორობის დამადასტურებელი სხვა დოკუმენტი, რომელშიც მითითებული იქნება პრეტენდენტის დასახელება და წინამდებარე ტენდერის უნიკალური ნომერი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით ან/და შესყიდვის ობიექტის მიწოდებასთან დაკავშირებით პრეტენდენტის მიერ წარმოდგენილი ანგარიშფაქტურით ან/და ინვოისით (დასკვნის შემთხვევაში პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ჯამურ ღირებულებასთან, ასევე ერთეულთან მიმართებით.

3 Процентов

0 Процентов

საბანკო/სადაზღვევო დაწესებულების მერ გაცემული ხელშეკრულების შესრულების უზრუნველყოფის გარანტია წარმოდგენილი უნდა იქნას ხელშეკრულების გაფორმებამდე და მისი მოქმედების ვადა სულ მცირე 30 დღით უნდა აღემატებოდეს ხელშეკრულების მოქმედების ვადას.

6.4.1. ხელშეკრულების შესრულების უპირობო და გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ„საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. (სადაზღვევო კომპანის მიერ გაცემული უპირობო და გამოუთხოვადი გარანტია შემსყიდველი ორგანიზაციის მიერ, მიიღება მხოლოდ იმ შემთხვევაში, თუ მოცემულ სადაზღვევო კომპანიას 2019 ან 2020 წლის ფინანსური ანგარიშგების აუდიტთან დაკავშირებით მიღებული აქვს არამოდიფიცირებული (უპირობო დადებითი) აუდიტის დასკვნა, რისი ასლიც წარმოდგენილი უნდა იქნას სადაზღვევო გარანტიასთან ერთად).
6.4.2. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში). საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).
6.4.3. თეთრ სიაში რეგისტრირებული მიმწოდებლისათვის ხელშეკრულების შესრულების უზრუნველყოფის გარანტიის დადგენილი ოდენობა ნახევრდება.
6.4.4. მიმწოდებლის მიერ ხელშეკრულებით გათვალისწინებული ვალდებულებების დარღვევის (ხელშეკრულებით გათვალისწინებული ვალდებულებების შესრულებაზე უარის თქმა, ხელშეკრულებით გათვალისწინებული ვადების დარღვევა, ვალდებულებების უხარისხოდ, არაჯეროვნად, არასრულად შესრულება და სხვა) შემთხვევაში, შემსყიდველი უფლებამოსილია ხელშეკრულების შესრულების უზრუნველყოფის საბანკო გარანტიის მოქმედების პერიოდში მიმართოს გარანტიის გამცემ ორგანოს (გარანტს) და მოითხოვოს ხელშეკრულების შესრულების საბანკო გარანტიით გათვალისწინებული თანხა.
6.4.5. შემსყიდველი ორგანიზაცია მიმწოდებლის მიერ ხელშეკრულებით ნაკისრი ვალდებულებების სრულად შესრულების და მიღება-ჩაბარების აქტის გაფორმების შემდეგ მიმწოდებლის წერილობითი მოთხოვნის საფუძველზე უზრუნველყოფს ხელშეკრულების შესრულების საბანკო გარანტიის დაბრუნებას.

7.2.1. დაფინანსების წყარო: სსიპ "ციფრული მმართველობის სააგენტოს" საკუთარი შემოსავლები.
7.2.2. შემსყიდველი იღებს ვალდებულებას გადაუხადოს მიმწოდებელს მიწოდებული საქონლის ღირებულება მხარეთა მიერ გაფორმებული მიღება–ჩაბარების აქტის ან/და საგადასახადო ანგარიშფაქტურის წარმოდგენის შემდეგ.
7.2.3. შემსყიდველი უფლებამოსილია დაკისრებული პირგასამტეხლოს თანხა (ასეთის არსებობის შემთხვევაში) დააკავოს მიმწოდებელზე გადასარიცხი თანხიდან.
7.2.4. ანგარიშსწორება მოხდება უნაღდო ანგარიშსწორებით ლარში.

ანგარიშსწორება განხორციელდება მიღება–ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

თამარ ჭინჭარაული, 577605644, ttchincharauli@dga.gov.ge სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლის შესაბამისად.

10.1.1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის (პრეტენდენტის რეკვიზიტები) სახით.
10.1.2. სატენდერო წინადადებაში საერთო ფასი გაანგარიშებული უნდა იყოს ფასთა ცხრილის ფორმის მიხედვით და უნდა ითვალისწინებდეს შესყიდვის ობიექტის მიწოდებასთან დაკავშირებულ ყველა ხარჯსა და საქართველოს კანონმდებლობით გათვალისწინებულ ყველა გადასახადს. ნებისმიერი ხარჯი, რომელიც გათვალისწინებული არ იქნება სატენდერო წინადადების ფასში, არ ანაზღაურდება შემსყიდველის მიერ.
10.1.3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს უფლებამოსილი პირის ელექტრონული ხელმოწერით ან/და კვალიფიციური ელექტრონული შტამპით.