Вспомогательные услуги при транспортировке по земле, воде и воздуху (Грузия - Тендер #44050583)

სსიპ „საჯარო რეესტრის ეროვნული სააგენტოს“ ბალანსზე აღრიცხული, არაუმეტეს 76 ერთეული ავტომობილის საგზაო მოძრაობის, GPS სისტემის მეშვეობით, მონიტორინგის მომსახურების სახელმწიფო შესყიდვა.

- მონიტორინგის სისტემაში წვდომა შესაძლებელი უნდა იყოს ნებისმიერი კომპიუტერიდან ან სმარტფონიდან, რომელიც ჩართული იქნება გლობალურ ქსელში. ამავდროულად, სისტემაში წვდომის საშუალება უნდა ჰქონდეთ მხოლოდ შესაბამისი უფლებების მქონე პირებს. სისტემა საშუალებას უნდა იძლეოდეს ადმინისტრატორის მიერ განისაზღვროს წვდომის სხვა და სხვა დონე განსახვავებული უფლებების მქონე პირებისათვის.
- GPS მონიტორინგის განხორციელება ონლაინ ვებ სერვერის საშუალებით. მონიტორინგის სისტემაში წვდომა ნებისმიერი ინტერნეტში ჩართული კომპიუტერიდან მხოლოდ შესაბამისი პაროლისა და მომხმარებლის სახელის გამოყენებით.
- პროგრამული უზრუნველყოფა უნდა აძლევდეს მომხმარებელს საშუალებას, შაბლონების გამოყენების საშუალებით, მისთვის სასურველი სახით მოახდინოს სხვადასხვა სახის ანგარიშების გენერირება. ანგარიშები ხელმისაწვდომი უნდა იყოს თარიღის, ობიექტებისა და ობიექტების სხვა და სხვა ჯგუფების მიხედვით. ანგარიშებს უნდა ერთოდეს შესაბამისი გრაფიკები.
- GPS მოწყობილობას უნდა გააჩნდეს ფუნქცია, რომლის საშუალებითაც ხმოვანი სიგნალის საშუალებით ე.წ "Buzzer" განხორციელდება მძღოლის გაფრთხილება სიჩქარის გადაჭარბების შესახებ. შესაძლებელი უნდა იყოს განისაზღვროს სხვადასხვა დასაშვები სიჩქარის ლიმიტი დასახლებული პუნქტებისათვის და მაგისტრალებისთვის. გამაფრთხილებელი ხმოვანი სიგნალი უნდა მოქმედებდეს მანამ, სანამ სიჩქარის პარამეტრები არ დაბრუნდება დასაშვები ნორმის ფარგლებში. ამავდროულად, შესაძლებელი უნდა იყოს სხვადასხვა სახის და ფუნქციის სატრანსპორტო საშუალებებზე ინდივიდუალურად დაწესდეს დასაშვები სიჩქარის პარამეტრები.
- შეტყობინებების მიღება შესაძლებელი უნდა იყოს როგორც მონიტორინგის სისტემაში (pop-up window ), ასევე, ელ.ფოსტითა და მოკლე ტექსტური შეტყობინებებით მობილურ ტელეფონზე.
სისტემა მხადაჭერილი უნდა იყოს ანგარიშების ექსპორტით მინიმუმ ხუთ სხვადასხვა ფორმატში ( HTML, PDF, Excel, XML, CSV ), სატრანსპორტო საშუალებების დაჯგუფება მარშრუტების ან ნებისმიერი სხვა თემატიკის მიხედვით. ამავდროულად, ერთი და იგივე სატრანსპორტო საშუალება შეიძლება განთავსდეს ორ ან მეტ თემატურ ჯგუფში.
მონიტორინგის სისტემაში სატრანსპორტო საშუალებების მონიტორინგი, როგორც ჯგუფების, ასევე, საერთო ჩამონათვალის (ყველა ობიექტის ან შერჩევით) საშუალებით.
. ნებისმიერი რაოდენობის ობიექტების დატანა რუკაზე, რომელთა დასახელებაც აისახება სტატისტიკურ მონაცემებში, თუ სატრანსპორტო საშუალებები გაჩერდებიან ამ ობიექტებთან.
. ტრანსპორტის სტატისტიკური მონაცემები (გავლილი მანძილი, მოძრაობის დრო, ძრავის მდგომარეობის პარამეტრები, შესრულებული რეისები და სხვა) ინახება და ხელმისაწვდომია ერთი წლის განმავლობაში.
. მხარდაჭერილი უნდა იყოს თავისუფლად ჩამოსატვირთი აპლიკაცია სმარტფონებისთვის, რომლის საშუალებითაც უფლებამოსილ პირს ეძლევა საშუალება განახორციელოს მონიტორინგი სმარტფონების გამოყენებით. აპლიკაცია უნდა წარმოადგენდეს მონიტორინგის განხორციელების სრულფასოვან საშუალებას და მასში უნდა ჩანდეს შემდეგი ინფორმაცია: მანქანის მოძრაობა და ინფორმაცია პირდაპირ ეთერში, ისტორია, სტატისტიკა და შეტყობინებები. აპლიკაცია უნდა მუშაობდეს Android და iOS ოპერაციულ სისტემებზე.
მონიტორინგის სისტემა უნდა გვაძლევდეს სტატისტიკური მონაცემებს, როგორც ცალკეულ სატრანსპორტო საშუალებებზე, ასევე ჯგუფების მიხედვით.
თუ სატრანსპორტო საშუალებებისათვის დაწესებულია მოძრაობის სიჩქარის ლიმიტი ან ზონირება, მონიტორინგის სისტემამ უნდა ასახოს დარღვევები როგორც რეალურ დროში შეტყობინებების საშუალებით, ასევე სტატისტიკურ მონაცემებში.
სტატისტიკური მონაცემები შენახული და შემსყიდველისთვის ხელმისაწვდომი უნდა იყოს არანაკლებ ერთი წელი, ხოლო შემდგომ მოთხოვნის შემთხვევაში მოხდება მონაცემთა ბაზის არქივაცია და შემსყიდველისთვის გადმოცემა;
- მონიტორინგის სისტემას უნდა გააჩნდეს შემდეგი დამატებითი ფუნქციები:
Ø მარშრუტის დაგეგმვის ფუნქცია;
Ø ავტომობილის ტექნიკური მომსახურების კონტროლი (მაგ. ძრავის ზეთის შეცვლის პერიოდი, სერვისზე დახარჯული თანხების მითითებით);
Ø ფუნქცია, თუ რომელი ავტომობილი მოძრაობს/იმართება ყველაზე ოპტიმალურად (მონიტორინგი ხდება დაძვრა/გაჩერების სისწრაფეზე, მოძრაობის საშუალო სიჩქარეზე);
Ø დასახლებული პუნქტებში რუკაზე იძებნებოდეს ქუჩები და შენობები დასახელებისა და ნომრების მიხედვით;
Ø ლოგირების სისტემა (მომხმარებლების სისტემაში შესვლის ისტორია, მომხმარებელის ID, დროის და IP მისამართის მითითებით);
საჭირეოების შემთხვევაში, მომსახურების გაწევა უნდა განხორციელდეს: საქართველოს ყველა დიდ ქალაქში და ადმინისტრაციული ერთეულების ცენტრში;
მომწოდებელმა უნდა უზრუნველყოს GPS მოწყობილობების შემსყიდველისთვის დროებით სარგებლობაში უსასყიდლოდ გადაცემა და პროგრამული უზრუნველყოფა;
მიმწოდებელმა უნდა უზრუნველყოს GPS მოწყობილობების უსასყიდლოდ მონტაჟი შემსყიდველის მიერ მითითებულ, და თბილისში ან მიმწოდებელთან შეთანხმებით საქართველოს ნებისმიერ ტერიტორიაზე წარდგენილ ავტომობილზე, მისი წარდგენიდან არაუგვიანეს მე-2 სამუშაო დღისა. ამასთანავე, აღნიშნულ ვადამდე პრეტენდენტმა უნდა განახორციელოს სადისპეტჩერო პროგრამული უზრუნველყოფის ინსტალაცია. შემსყიდველმა უნდა მიიღოს მონიტორინგის სრულფასოვანი მომსახურება მისი დამონტაჟების დღიდან, რაც უნდა გაგრძელდეს უწყვეტად 2023 წლის 31 დეკემბრის ჩათვლით პერიოდის განმავლობაში.
მიმწოდებელი ვალდებულია, შემსყიდველის მითითების შესაბამისად, უსასყიდლოდ მოახდინოს GPS მოწყობილობის გადაადგილება ერთი სატრანსპორტო საშუალებიდან მეორეზე - ულიმიტოდ;
GPS მოწყობილობას უნდა გააჩნდეს შიდა მეხსიერება, რაც საშუალებას მისცემს GSM/GPRS სიგნალის დაკარგვის შემთხვევაში მონაცემები შეინახოს ლოკალურად კავშირის აღდგენამდე;
GPS მოწყობილობები უნდა გამოირჩეოდეს ელ. ენერგიის მოხმარების მცირე პარამეტრებით. უნდა გააჩნდეს ენერგიის დაზოგვის რეჟიმი, რომლიდანაც უნდა გამოდიოდეს სატრანსპორტო საშუალების მოძრაობის დაწყებისას;
GPS მოწყობილობას უნდა გააჩნდეს AGPS სისტემა, რომლის მეშვეობითაც მოხდება აღნიშნული მოწყობილობის ადგილსამყოფელის უმალვე გადმოგზავნა ავტომობილის მდებარეობის მაქსიმალური სიზუსტით;
. მიმწოდებელი ვალდებულია შემსყიდველისგან შეტყობინების მიღებისთანავე (არაუმეტეს 1 სამუშაო დღის ვადაში) დაიწყოს ხარვეზის ან/და დაზიანების აღმოფხვრა; მონიტორინგის სისტემაში მუშაობასთან დაკავშირებით შემსყიდველის თანამშრომლებს უნდა ჩაუტარდეს ტრენინგი.

1.4.1 ხელშეკრულების გაფორმებიდან 2023 წლის 31 დეკემბრის ჩათვლით პერიოდის განმავლობაში, შემსყიდველის მოთხოვნის შესაბამისად, მიმწოდებელმა უნდა უზრუნველყოს GPS მოწყობილობების უსასყიდლოდ მონტაჟი შემსყიდველის მიერ მიმწოდებლისთვის თბილისში ან მიმწოდებელთან შეთანხმებით საქართველო ნებისმიერ ტერიტორიაზე წარდგენილ არაუმეტეს 76 (და არანაკლებ 61) ერთეულ ავტომობილზე, ავტომობილების წარდგენიდან არაუგვიანეს მე-2 სამუშაო დღისა, და დამონტაჟების დღიდან, მაგრამ არაუადრეს 2023 წლის 01აგვისტოდან, 2023 წლის 31 დეკემბრის ჩათვლით გასწიოს მათზე ტექნიკური დავალებით გათვალისწინებული საგზაო მოძრაობის მონიტორინგის მომსახურება.
1.4.2 შემსყიდველი იტოვებს უფლებას ავტომობილ(ებ)ის მწყობრიდან გამოსვლის ან სხვა დაწესებულების ბალანსზე მათი გადაცემის შემთმხვევაში, უარი თქვას მომსახურების მიღებაზე შესაბამისი რაოდენობის ავტომობილზე.
1.4.3 მიმწოდებელს აუნაზღაურდება გაწეული მომსახურების ღირებულება იმ ავტომობილების რაოდენობის მიხედვით, რომლებზეც ფაქტობრივად გაიწეოდა მომსახურება და იმ თვეების ან/და დღეების მიხედვით, რომლის განმავლობაშიც ხდებოდა მომსახურების გაწევა.

1.5.1 ავტომობილის მოძრაობის მონიტორინგის სისტემა გაამრთულად უნდა ფუნქციონირებდეს საქართველოს მთელ ტერიტორიაზე.
1.5.2 მომსახურების გაწევის ადგილია საქართველოს მთელი ტერიტორია.
1.5.3 მომსახურების გაწევის ფორმა მოცემულია სატენდერო დოკუმენტაციის ტექნიკურ დავალებაში - დანართ N1-ში.

ტენდერში მონაწილე პრეტენდენტს უნდა გააჩნდეს ანალოგიური (ავტოსატრანსპორტო საშუალებების GPS სისტემების მეშვეობით მონიტორინგის განხორციელების) მომსახურების გაწევის გამოცდილება, რომლის ჯამური ღირებულებაც 2020-2023 წლების განმავლობაში, ტენდერის გამოცხადების დღემდე, არ უნდა იყოს 10000.00 (ათი ათასი) ლარზე ნაკლები. აღნიშნულის დასადასტურებლად წარმოდგენილ უნდა იქნეს გაფორმებული ხელშეკრულებ(ებ)ის და ამ ხელშეკრულებ(ებ)ის შესრულების დამადასტურებელი დოკუმენტის ასლ(ებ)ი (მიღება-ჩაბარების აქტი, ან/და დადასტურეული საგადასახადო ანგარიშ-ფაქტურა), ან/და სახელმწიფო შესყიდვის განხორციელების შემთხვევაში, უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT და ა.შ. ნომერი (ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.
ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ფასთა ცხრილის ჯამურ ღირებულებასთან), ასევე ფასთა ცხრილის ერთეულის ღირებულებასთან მიმართებაში.

მიმწოდებელს აუნაზღაურდება ყოველი კალენდარული თვის განმავლობაში ფაქტობრივად გაწეული მომსახურების ღირებულება ფასთა ცხრილის შესაბამისად, გაფორმებული მიღება-ჩაბარების აქტისა და კანონმდებლობით დადგენილი დოკუმენტაციის წარდგენის საფუძველზე. თუ კალენდარულ თვეში ავტომობილზე გაიწია მომსახურება არა სრული კალენდარული თვის მანძილზე, აღნიშნულ ავტომობილზე მომსახურების ღირებულება ანაზღაურდება დღეების მიხედვით; ფასთა ცხრილით გათვალისწინებული ერთი ავტომობილის მომსახურების თვიური ღირებულება გაიყოფა საანგარიშო კალენდარული თვის დღეების რაოდენობაზე და გამრავლდება იმ დღეების რაოდენობაზე, რომლის განმავლობაში ამ კონკრეტულ ავტომობილზე გაიწია მომსახურება.

ანგარიშსწორება განხორციელდება ყოველი კალენდარული თვის დასრულების შემდეგ, კანონმდებლობით დადგენილი დოკუმენტების წარდგენის შემდეგ, შესაბამისი მიღება-ჩაბარების აქტის გაფორმებიდან 10 (ათი) სამუშაო დღის ვადაში.

თენგიზი ჯუღელი, 577620353, tjugheli@napr.gov.ge სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.

10.1.1 ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტებთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.2 სახელმწიფო შესყიდვების ერთიან ელექტრონულ სისტემაში (შემდგომში – სისტემა), ატვირთული ყველა დოკუმენტი (მათ შორის დანართები) ან/და ინფორმაცია, უფლებამოსილი პირის მიერ (საჭიროების შემთხვევაში ატვირთულ უნდა იქნას უფლებამოსილი პირის მინდობილობა ან რწმუნებულება) დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით.
10.1.3 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.4 ტექნიკური დოკუმენტაცია დაზუსტებას არ დაექვემდებარება, თუ მომსახურების ფასთა ცხრილი არ იქნება წარმოდგენილი, იქნება წარმოდგენილი განუფასებლად ან თუ განუფასებელი პოზიცი(ებ)ის რაოდენობა აღემატება განსაფასებელის - 1%-ს, აღნიშნულ შემთხვევაში, მოხდება პრეტენდენტის დისკვალიფიკაცია შესყიდვის პროცედურიდან.
10.1.5 სატენდერო წინადადების (სავალდებულოდ ასატვირთი დოკუმენტების და ფასის დაფიქსირება) წარდგენა გულისხმობს, რომ პრეტენდენტი ავტომატურად ეთანხმება სატენდერო დოკუმენტაციით დადგენილ ტექნიკურ დავალებას, ხელშეკრულების პროექტს და სხვა სატენდერო პირობებს, რომელზეც თანხმობის წარმოდგენა არ მოეთხოვება პრეტენდენტს.
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.7 პრეტენდენტის მიერ სისტემაში სავალდებულოდ ასატვირთი დოკუმენტებია:
 მისაწოდებელი მომსახურების ფასთა ცხრილი;
 რეკვიზიტები იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ;
 პრეტენდენტის გამოცდილების დამადასტურებელი დოკუმენტები სატენდერო დოკუმენტაციის 2.2.1 პუნქტის შესაბამისად.