Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #44050486)

შპს ,,საქართველოს გაერთიანებული წყალმომარაგების კომპანიის ბალანსზე რიცხული 35/6 კვ ძაბვის ქვ/ს-ში განთავსებული 2500კვა სიმძლავრის ძალოვანი ტრანსფორმატორი შეკეთებისა და ტექნიკური მომსახურების შესყიდვა.

1.2.1. მიმწოდებელი ვალდებულია შემსყიდველისგან მიღებული შეტყობინებისთანავე მოახდინოს საქონლის წინასწარი დათვალიერება;
1.2.2. მიმწოდებელმა დათვალიერების შედეგად დაუყოვნებლივ უნდა უზრუნველყოს დეფექტური აქტის მომზადება და თავის მხრივ დამოწმებული სრულყოფილად შევსებული აქტის მიწოდება შემსყიდველისათვის, რის შემდეგაც შემსყიდველი თანხმობის შემთხვევაში დაამოწმებს დეფექტურ აქტს;
1.2.3. მიმწოდებელმა შემსყიდველს უნდა წარუდგინოს დეფექტური აქტი და მიღება-ჩაბარების აქტი, რომელსაც შემსყიდველის მხრიდან ხელს მოაწერს შპს „საქართველოს გაერთიანებული წყალმომარაგების კომპანიის“ უფლებამოსილი პირ(ებ)ი;
1.2.4. მომსახურება მიმწოდებლის მიერ გაწეული უნდა იქნას სრულად, საკუთარი ახალი (ექსპლუატაციაში არ მყოფი) მასალით/სათადარიგო ნაწილებით;
1.2.5. შემსყიდველი ფასების ცხრილით (პრეისკურანტით) გათვალისწინებულ ტრანსპორტირების ფასს გადაიხდის იმ შემთხვევაში, თუკი მისივე მოთხოვნით საქონლის ტრანსპორტირებას მიმწოდებლის სერვის ცენტრამდე უზრუნველყოფს თავად მიმწოდებელი. ტრანსპორტირების ღირებულების დათვლა მოხდება მხოლოდ შესაკეთებელი საქონლის პრეტენდენტის სერვის ცენტრამდე არსებული მანძილის გათვალისწინებით - ცალმხრივი მიმართულებით.
1.2.6. თუ მომსახურების პროცესში აღმოჩნდება რომ საჭიროა ისეთი მომსახურების და/ან სათადარიგო ნაწილის მიწოდება, რომლის ფასიც განსაზღვრული არ არის პრეისკურანტით, ასეთ შემთხვევაში მხარეები იხელმძღვანელებენ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-11 მუხლის მე-5 პუნქტით დადგენილი წესის შესაბამისად;
1.2.7. მომსახურების გაწევის პროცესში შეცვლილი/ამოღებული ფერადი ლითონები და ჯართი მიმწოდებელმა უნდა გადასცეს შემსყიდველს.

შენიშვნა:

1. ფასების ცხრილის (პრეისკურანტის) წარმოუდგენლობა გამოიწვევს პრეტენდენტის დისკვალიფიკაციას;

2.სატენდერო დოკუმენტაციის პრეისკურანტში (ფასების ცხრილში) პრეტენდენტის მიერ მითითებული გასაწევი მომსახურების (სათადარიგო ნაწილების მომსახურების დასახელება) ერთეულის ფასები (ზღვრული ერთეულის ფასი) არ უნდა აღემატებოდეს შესაბამის პოზიციებზე შემსყიდველის მიერ მითითებულ სავარაუდო ფასებს (შემოთავაზებული ერთეულის ფასი).

3. პრეტენდენტმა, საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს, მინიმუმ, პრეისკურანტის სავარაუდო ღირებულებასა და პრეტენდენტის მიერ სისტემაში დაფიქსირებულ პრეისკურანტის საბოლოო ღირებულებას შორის არსებული %-ლი სხვაობის მიხედვით, შემსყიდველის მიერ სისტემაში ატვირთულ პრეისკურანტში განსაზღვრულ ზედა ზღვრულ ფასებთან მიმართებით.

1.4.1 მომსახურების გაწევა უნდა განხორციელდეს შემსყიდველის საჭიროების და მოთხოვნის შესაბამისად, ეტაპობრივად, ხელშეკრულების გაფორმების დღიდან 2023 წლის 21 დეკემბრის ჩათვლით, შემდეგი პირობებით:
1.4.1.1 მიმწოდებელი ვალდებულია შემსყიდველის მიმართვიდან არაუგვიანეს 3 (სამი) სამუშაო დღის ვადაში, ჩაატაროს შესყიდვის ობიექტის დათვალიერება და უზუნველყოს შესაბამისი დეფექტური აქტი(ებ)ს გაგზავნა შემსყიდველისათვის. შემსყიდველის თანხმობის გარეშე, დაზიანებული ობიექტის შეკეთების შემთხვევაში, კომპანია იტოვებს უფლებას, არ აუნაზღაუროს მომწოდებელს გაწეული მომსახურების ღირებულება.
1.4.1.2 პრეტენდენტმა თითოეულ მიმართვაზე მომსახურების გაწევა უნდა უზრუნველყოს შემსყიდველის მხრიდან დეფექტურ აქტზე თანხმობის მიღებიდან 14 (თოთხმეტი) სამუშაო დღის განმავლობაში. განსაკუთრებულ შემთხვევაში შესაძლებელია მომსახურების ვადა განისაზღვროს შემსყიდველთან შეთანხმებით, რაც აუცილებლად უნდა დაფიქსირდეს დეფექტურ აქტში.

1.5.1. მომსახურების გაწევა მოხდება მიმწოდებლის სერვის ცენტრში;
1.5.2. მომსახურება მიმწოდებლის მიერ გაწეული უნდა იქნას სრულად, საკუთარი მასალით/სათადარიგო ნაწილებით. პრეტენდენტმა მომსახურების გაწევის პერიოდში უნდა გამოიყენოს ახალი (ექსპლუატაციაში არ მყოფი) მასალა/სათადარიგო ნაწილები;
1.5.3. პრეტენდენტის სერვის ცენტრი დაკომპლექტებული უნდა იყოს მაღალკვალიფიციური სპეციალისტებით და აღჭურვილი უნდა იყოს მომსახურების გაწევისთვის საჭირო აპარატურითა და დანადგარებით.

1.7.1.1. ტექნიკური მომსახურების დროს გამოყენებულ სათადარიგო ნაწილებზე სწორი ექსპლუატაციის პირობებში უნდა ვრცელდებოდეს გარანტია არანაკლებ 6 თვე;
1.7.1.2. საგარანტიო ვადის განმავლობაში, ექსპლუატაციისას, შეცვლილ სათადარიგო ნაწილზე თუ გამოვლინდება დეფექტი ან/და ნაკლი, ან/და ხარვეზი, მიმწოდებელი ვალდებულია, შემსყიდველის შეტყობინების მიღებიდან არაუმეტეს 20 (ოცი) კალენდარული დღის ვადაში, უზრუნველყოს დეფექტის ან/და ხარვეზის ან/და ნაკლის ან/და წუნის აღმოფხვრა საკუთარი ხარჯით, ან/და განახორციელოს შემსყიდველთან შეთანხმებულ გონივრულ ვადაში (მაგრამ არაუგვიანეს 30 კალენდარული დღისა), საქონლის ჩანაცვლება ახალი, ექსპლუატაციაში არ მყოფი, ანალოგიური პარამეტრების მქონე საქონლით, შემსყიდველის მხრიდან რაიმე დამატებითი დანახარჯის გაწევის გარეშე, გარდა იმ შემთხვევისა, თუ ასეთი ხარვეზი გამოწვეულია მექანიკური დაზიანებით.
1.7.1.3. საგარანტიო ვადის მითითება პრეტენდენტის მიერ უნდა მოხდეს ფასების ცხრილი (პრეისკურანტი).

2.2.1.1. პრეტენდენტს 2018 წლის პირველი იანვრიდან ელექტრონული ტენდერის გამოცხადების დღემდე, უნდა გააჩნდეს არანაკლებ 50 000 ათასი ლარის ღირებულების ანალოგიური მომსახურების განხორციელების გამოცდილება;
2.2.1.2 პრეტენდენტი ვალდებულია წარმოადგინოს მხარეთა მიერ ხელმოწერილი ხელშეკრულებ(ებ)ის და დამკვეთის ან/და მის მიერ განსაზღვრული უფლებამოსილი პირის მიერ დადასტურებული შესაბამისი მომსახურების გაწევის დამადასტურებელი დოკუმენტების ასლები, საიდანაც უნდა იკვეთებოდეს გაწეული მომსახურების დასახელება და ღირებულება (გაწეული მომსახურების მიღება-ჩაბარების აქტი, ან/და დამკვეთის მიერ გაცემული, მომსახურების გაწევის დამადასტურებელი ნებისმიერი წერილობითი დოკუმენტი).
2.2.1.3 სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი განცხადების ნომრ(ებ)ის (SPA, NAT, CMR, MEP, DAP და სხვა ნომრები) წარმოდგენა. აღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა სატენდერო დოკუმენტაციის 2.2.1 პუნქტში არსებული დანართი N2-ის შესაბამისად.

ამასთან:
ა) დანართი N2-ის ატვირთვა სავალდებულო არ არის;
ბ) იმ შემთხვევაში, თუ დანართ N2-ში არ იქნება ასახული ინფორმაცია განცხადების ნომრ(ებ)ის (SPA, NAT, CMR, MEP, DAP და სხვა ნომრები) ან/და ელექტრონული ტენდერის შესაბამის მოდულში მოცემული ინფორმაცია ვერ უზრუნველყოფს სატენდერო დოკუმენტაციით მოთხოვნილი გამოცდილების დადასატურებას, პრეტენდენტმა უნდა წარმოადგინოს მხარეთა შორის ხელმოწერილი ხელშეკრულებების ასლები და მომსახურების გაწევის დამადასტურებელი დოკუმენტების ასლები (მიღება-ჩაბარების აქტი, ან/და დამკვეთის მიერ გაცემული, მომსახურების გაწევის დამადასტურებელი ნებისმიერი წერილობითი დოკუმენტი), რითაც დადასტურდება მოთხოვნილი გამოცდილება.
გ) მომსახურებაზე, რომელიც გაწეულია საქართველოს ტერიტორიაზე და დამკვეთს წარმოადგენს კერძო სამართლის სუბიექტი (არა შესყიდველი ორგანიზაციები), პრეტენდენტმა დამატებით უნდა წარმოადგინოს შესაბამისი დადასტურებული საგადასახადო ანგარიშ-ფაქტურა.

2.3.1.1.პრეტენდენტს ექსპლუატაციაში (საკუთარი ან/და სარგებლობის უფლებით) უნდა გააჩნდეს მოქმედი მინიმუმ ერთი სერვის ცენტრი საქართველოს ტერიტორიაზე;
2.3.1.2. პრეტენდეტმა უნდა წარმოადგინოს ინფორმაცია საკუთრებაში ან/და სარგებლობაში არსებული სერვის ცენტრების შესახებ დანართი N1-ის შესაბამისად;
2.3.1.3. პრეტენდენტმა სისტემაში ასევე უნდა ატვირთოს სერვისცენტრის/სერვისცენტრების საკუთრების ან/და სარგებლობის დამადასტურებელი დოკუმენტაცია (ამონაწერი საჯარო რეესტრიდან ან ხელშეკრულება ან სხვა სახის დოკუმენტი რითაც დადასტურდება სერვის ცენტის საკუთრება ან/და სარგებლობის უფლებით ფლობა, ამასთანავე სარგებლობით ფლობის შემთხვევაში სარგებლობის დამადასტურებელი დოკუმენტი ძალაში უნდა იყოს მინიმუმ 2023 წლის 31 დეკემბრის ჩათვლით), ხოლო თუ აღნიშნულის დამადასტურებელი დოკუმენტი 1 წელზე მეტი ვადით არის დადებული პრეტენდენტმა დამატებით უნდა წარმოადგინოს ამონაწერი საჯარო რეესტრიდან, ვინაიდან საჯარო რეესტრის შესახებ საქართველოს კანონის მე-11 მუხლის (უძრავ ნივთებზე უფლებათა რეესტრში რეგისტრაციისადმი დაქვემდებარებული უფლებები და ვალდებულებები) პირველი პუნქტის ,,ზ“ ქვეპუნქტის შესაბამისად უძრავ ნივთებზე უფლებათა რეესტრში რეგისტრირდება იჯარა. ამავე მუხლის მე-5 პუნქტის შესაბამისად: მე-11 მუხლის პირველი პუნქტის „ ა “ – „ ე “ ქვეპუნქტებით გათვალისწინებული უფლებების , ხოლო კერძო სამართლის იურიდიული პირის მონაწილეობით 1 წელზე მეტი ვადით დადებული გარიგებების (მათ შორის, გარიგებებისა, რომელთა საერთო ვადა აღემატება 1 წელს) საფუძველზე − აგრეთვე ამ მუხლის პირველი პუნქტის „ვ “ – „ ი “ და „ ლ “ ქვეპუნქტებით გათვალისწინებული უფლებების წარმოშობისათვის აუცილებელია მათი საჯარო რეესტრში რეგისტრაცია.

2.9.1. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა)(სავალდებულოა Excel-ის ფორმატი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს)
2.9.2. პრეტენდენტის მიერ ფასების ცხრილში (პრეისკურანტი) შემოთავაზებული ერთეულის ფასი არ უნდა აღემატებოდეს ზღვრული ერთეულის ფასს.

4.1.1.1. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას;
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით.

7.2.1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით, საქართველოს ეროვნულ ვალუტაში, ლარში;
7.2.2. დაფინანსების წყარო შპს „საქართველოს გაერთიანებული წყალმომარაგების კომპანიის“ 2023 წლის სახსრები;
7.2.3. ანგარიშსწორება განხორციელდება ეტაპობრივად, ფაქტობრივად გაწეული მომსახურების მიხედვით, მიღება–ჩაბარების აქტის გაფორმებისა და საგადასახადო ანგარიშ–ფაქტურის (დღგ-ს გადამხდელის შემთხვევაში) მიმწოდებლის მიერ წარმოდგენის შემდეგ;
7.2.4. სატენდერო წინადადებაში საერთო ფასი უნდა მოიცავდეს მომსახურების გაწევასთან დაკავშირებულ ყველა ხარჯს, მათ შორის კანონმდებლობით გათვალისწინებულ ყველა სახის გადასახადსა და მოსაკრებელს. ხარჯები, რომლებიც წინადადების ფასში არ იქნება გათვალისწინებული არ დაექვემდებარება ანაზღაურებას;
7.2.5. ანგარიშსწორებისთვის საჭირო დოკუმენტაცია (გარდა ელექტრონული დოკუმენტაციისა) მიმწოდებელმა შემსყიდველს უნდა წარუდგინოს მისამართზე: ქ. თბილისი, ანნა პოლიტკოვსკაიას N5 და N7 - შპს „საქართველოს გაერთიანებული წყალმომარაგების კომპანიის“ ცენტრალური ოფისი (აღნიშნული დოკუმენტაცია დეკემბრის თვეში წარმოდგენილი უნდა იქნას არაუგვიანეს 2023 წლის 25 დეკემბრისა).

ანგარიშსწორება განხორციელდება ეტაპობრივად, ფაქტიურად გაწეული მომსახურების მიხედვით, მიმწოდებლის მიერ ანგარიშსწორებისთვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

თინათინ მეძმარიაშვილი, 577978336, t.medzmariashvili@water.gov.ge

10.1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
10.2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
10.3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
10.4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი,დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
10.6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს);
10.7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (პრეისკურანტი) მითითებული ერთეულის ფასები, გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).