Строительно-монтажные работы (Грузия - Тендер #44050457)

სსიპ კოლეჯის „ფაზისი" ტერიტორიაზე (ქალაქი ფოთი, კონსტიტუციის ქ. №54, ხობის მუნიციპალიტეტის სოფ. ნოჯიხევი) მეხამრიდების და სახანძრო სიგნალიზაციის, სახანძრო უსაფთხოებისა და საევაკუაციო სისტემების სამონტაჟო სამუშაოების სახელმწიფო შესყიდვა. შესყიდვის ობიექტების სავარაუდო ღირებულება სულ შეადგენს 699 824 (ექვსას ოთხმოცდაცხრამეტი ათას რვაას ოცდაოთხი) ლარს, დღგ-ს გათვალისწინებით. მათ შორის მეხამრიდების სისტემების სამონტაჟო სამუშაოები) სავარაუდო ღირებულება შეადგენს 74 431 (სამოცდათოთხმეტი ათას ოთხასოცდათერთმეტი) ლარს, დღგ-ს გათვალისწინებით;
სახანძრო სიგნალიზაციის, სახანძრო უსაფთხოებისა და საევაკუაციო სისტემების მოწყობის სამონტაჟო სამუშაოების სავარაუდო ღირებულება შეადგენს 625 393 (ექვსას ოცდახუთი ათას სამას ოთხმოცდაცამეტი) ლარს, დღგ-ს გათვალისწინებით.

1.2.1. მეხამრიდის მონტაჟის სამუშაოები უნდა განხორციელდეს შემსყიდველის მიერ წარმოდგენილი მოცულობითი ხარჯთაღრიცხვისა და საპროექტო დოკუმენტაციის შესაბამისად.
1.2.1.1. სამუშაოების რაოდენობები/მოცულობები განთავსებულია ფაილში - დანართი #1. ხარჯთაღრიცხვა.
1.2.1.2. სპეციფიკაციები განთავსებულია ფაილში - მეხამრიდის პროექტები (ფოთი, ხობი); .
1.2.2. მომწოდებელმა უნდა უზრუნველყოს სახანძრო სიგნალიზაციის, სახანძრო უსაფთხოებისა და საევაკუაციო სისტემების მოწყობის სამონტაჟო სამუშაოები, პროგრამირება და ექსპლუატაციაში გაშვება.
1.2.2.1. სამუშაოს შესრულება უნდა განხორციელდეს ტექნიკური დოკუმენტაციით, (სპეციფიკაციები განთავსებულია ფაილში - სახანძრო სიგნალიზაციის პროექტები (ფოთი, ხობი), დადგენილი პირობებისა და წესების, ასევე, მოქმედი სახანძრო უსაფრთხოების სტანდარტების დაცვით.
1.2.2.2. უსაფრთხოების წესების დაცვაზე სრულად პასუხისმგებელია მიმწოდებელი.
1.2.2.3. მიმწოდებელმა უნდა უზრუნველყოს შემსყიდველი ორგანიზაციის მიერ მითითებული 2 პირისთვის დამონტაჟებული სისტემის მუშაობის პრინციპისა და მართვის შესახებ ცოდნის გადაცემა. ასევე, უნდა მიაწოდოს მუშა ნახაზები და დამონტაჟებული სისტემის ტექნიკური დოკუმენტაცია.
1.2.3. სამუშაოების მიმდინარეობის პროცესში, კოლეჯში (ქ. ფოთი, კონსტიტუციის ქ. №54, ხობის მუნიციპალიტეტის სოფ. ნოჯიხევი) პერსონალისა და პროფესიული სტუდენტების/მსმენელების უსაფრთხოების დაცვის მიზნით, მიმწოდებელმა უნდა უზრუნველყოს სამუშაო პერიმეტრის შემოსაზღვრა დამცავი ბარიერებისა ან/და გამყოფი ლენტების მეშვეობით.
1.2.4. მიმწოდებელმა ექსლუატაციის პერიოდში, მიღება-ჩაბარების აქტის გაფორმებიდან, არანაკლებ ერთი წლის განმავლობაში შესყიდვის ობიექტს გაუწიოს უფასო მონიტორინგი, რაც გულისხმობს არანაკლებ ერთხელ კვარტალში სისტემის სრულ რევიზიას და აღმოჩენილი დეფექტების საკუთარი ხარჯებით აღმოფხვრას;

სამუშაოები უნდა განხორციელდეს ხელშეკრულების გაფორმებიდან 90 (ოთხმოცდაათი) სამუშაო დღის განმავლობაში.

1.5.1. სსიპ კოლეჯის ,,ფაზისი", ფოთისა და ხობის მუნიციპალიტეტის სოფელ ნოჯიხევის ლოკაციებზე მეხამრიდების და სახანძრო სიგნალიზაციის, სახანძრო უსაფთხოებისა და საევაკუაციო სისტემების მონტაჟი.
1.5.2. მიმწოდებელი ვალდებულია სამუშაოები შეასრულოს საქართველოს კანონმდებლობით გათვალისწინებული შესაბამისი სამშენებლო და გარემოს დაცვითი ნორმებისა და წესების დაცვით, საპროექტო-სახარჯთაღრიცხვო დოკუმენტაციის შესაბამისად.
1.5.3. მიმწოდებელი ვალდებულია სამუშაოს დასრულებისთანავე გაათავისუფლოს სამუშაო ადგილი მუშაობის პერიოდში გამოყენებული მოწყობილობა/დანადგარებისაგან და სამუშაოების წარმოების პროცესში წარმოქმნილი ნარჩენებისაგან;
1.5.4. მიმწოდებელი ვალდებულია, თავისივე ხარჯებით, აღადგინოს სამუშაოების წარმოების პროცესში მისი მიზეზით დაზიანებული ინფრასტრუქტურა;
1.5.5. მიმწოდებელი ვალდებულია აანაზღაუროს ხელშეკრულების მოქმედების პერიოდში მის მიერ მოხმარებული კომუნალური მომსახურების საფასური;

1.6.1. შესრულებული სამუშაოს ხარისხის საგარანტიო ვადა შეადგენს, საბოლოო მიღება-ჩაბარების აქტის გაფორმებიდან არანაკლებ 5 (ხუთი) წელს - მეხამრიდზე, ხოლო 25 (ოცდახუთი) წლიანი გარანტია კოროზიამედეგობაზე.
1.6.2. სახანძრო სიგნალიზაციის, სახანძრო უსაფთხოებისა და საევაკუაციო სისტემების მოწყობის შესრულებული სამუშაოების საგარანტიო ვადა უნდა შეადგენდეს მიღება-ჩაბარების აქტის გაფორმებიდან - არანაკლებ 2 (ორი) წელს. საგარანტიო პერიოდში, ექსპლუატაციის პროცესში, შეტყობინების მიღებიდან 5 (ხუთი) სამუშაო დღის განმავლობაში, მიმწოდებელი ვალდებულია, გონივრულ ვადაში, საკუთარი სახსრებითა და დამატებითი ანაზღაურების გარეშე აღმოფხვრას ყველა დეფექტი/წუნი.
1.6.3. მეხამრიდს უნდა გააჩნდეს ქარხნული გარანტია არანაკლებ 5 წელი. საგარანტიო პერიოდში, ექსპლუატაციის პროცესში, შეტყობინების მიღებიდან 5 (ხუთი) სამუშაო დღის განმავლობაში, მიმწოდებელი ვალდებულია, გონივრულ ვადაში, საკუთარი სახსრებითა და დამატებითი ანაზღაურების გარეშე აღმოფხვრას ყველა დეფექტი/წუნი.
1.6.4. ზემოაღნიშნული (1.6. მუხლი) ინფორმაციის დასტურად პრეტენდეტმა უნდა წარმოადგინოს გარანტიის შესახებ ინფორმაცია და თანხმობა.

პრეტედენტმა უნდა წარმოადგინოს ინფორმაცია სახანძრო სიგნალიზაციის, სახანძრო უსაფთხოებისა და საევაკუაციო სისტემების მოსაწოდებელი საქონლის წარმოშობის ქვეყნის, მწარმოებლის და მოდელის (არსებობის შემთხვევაში) შესახებ, შევსებული ფასების ცხრილის სახით.

შენიშვნა: წარმოშობის ქვეყნის, მწარმოებლის და მოდელის მიუთითებლობა (არსებობის შემთხვევაში), გამოიწვევს პრეტედენტის დისკვალიფიკაციას, ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის მწარმოებელი ქვეყნის და მწარმოებელი კომპანიის/მოდელის დასახელების ცვლილება გამოიწვევს პრეტენდენტის დისკვალიფიკაციას.

2.2.1.1. პრეტენდენტს უნდა ჰქონდეს ანალოგიური ტიპის, ხასიათის, სირთულის და შინაარსის სამუშაოების მეხამრიდებისა ან/და სახანძრო სიგნალიზაციის, სახანძრო უსაფთხოებისა და საევაკუაციო სისტემების შესრულების გამოცდილება.
2.2.1.1.1. 2018 წლის პირველი იანვრიდან მოცემული ტენდერის გამოცხადების დღემდე, პრეტენდენტის მიერ ფაქტობრივად შესრულებული ანალოგიური ტიპის, ხასიათის, სირთულის და შინაარსის სამუშაოების (მეხამრიდების ან/და სახანძრო სიგნალიზაციის, სახანძრო უსაფთხოებისა და საევაკუაციო სისტემების მოწყობის სამუშაოები) შესრულების გამოცდილება საერთო თანხით არანაკლებ სატენდერო წინადადების ფასისა (699 824 (ექვსას ოთხმოცდაცხრამეტი ათას რვაას ოცდაოთხი) ლარი).
2.2.1.2. პრეტენდენტი ვალდებულია წარმოადგინოს, საანგარიშო პერიოდში ანალოგიური სამუშაოების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები, ფორმა №2 (სამუშაოების შესაბამისად); სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში, საკმარისია შესაბამისი განცხადების ნომრ(ებ)ის SPA, NAT, DAP, CMR) წარმოდგენა.
2.2.1.3. იმ შემთხვევაში, თუ პრეტენდნეტს შესრულებული აქვს სამუშაოები, როგორც ქვეკონტრაქტორს სახელმწიფო შესყიდვების ფარგლებში, მაშინ ეს სამუშაოები გამოცდილებად ჩაითვლება მხოლოდ იმ შემთხვევაში, თუ ქვეკონტრაქტორის მიერ სამუშაოების შესრულება წინასწარ იყო შეთანხმებული ძირითად შემსყიდველთან (თუ საჭირო იყო შეთანხმება) და სამუშაოები სრულად არის დასრულებული და მიღებული ძირითადი შემსყიდველის მიერ (მხოლოდ ქვეკონტრაქტის ფარგლებში სამუშაოების სრულად მიწოდება არ არის საკმარისი).
2.2.1.4. აღნიშნული ინფორმაცია წარმოდგენილი უნდა იქნას დანართი N2-ის (ინფორმაცია საანგარიშო პერიოდში შესრულებული ანალოგიური ტიპის, ხასიათის, სირთულის და შინაარსის სამუშაოების შესრულების შესახებ) შესაბამისად.

2.8.1.1. ხელშეკრულების შესრულების პერიოდში, ტენდერში გამარჯვებული პრეტენდენტის მიერ, სამშენებლო სამუშაოს რომელიმე ნაწილის ქვეკონტრაქტით გაცემის განზრახულობის შემთხვევაში, წერილობით უნდა აცნობოს შემსყიდველს მოცემული ტენდერის ფარგლებში დადებული ყველა ქვეკონტრაქტორი ორგანიზაცი(ებ)ის შესახებ. ინფორმაცია წარდგენილი უნდა იქნეს ქვემოთ მოცემული ცხრილის სახით, რომელიც დამოწმებული უნდა იყოს როგორც ტენდერში გამარჯვებული პრეტენდენტის, ასევე, ქვეკონტრაქტორი ორგანიზაცი(ებ)ის უფლებამოსილი პირების მიერ. ამასთან, წარმოდგენილი უნდა იქნეს ქვეკონტრაქტორის მიერ სამუშაოების შესრულების გამოცდილების დამადასტურებელი დოკუმენტები: ხელშეკრულებების ასლები, შესრულებული ანალოგიური სამუშაოების საბოლოო მიღება-ჩაბარების აქტის ან/და საბოლოო ფორმა №2-ის ასლები.
2.8.1.2. ხელშეკრულების ფარგლებში დადებული ყველა ქვეკონტრაქტის ასლი უნდა წარედგინოს შემსყიდველს.
2.8.1.3. ქვეკონტრაქტორი არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში _ „შავ სიაში“
2.8.1.4. მოცემული ტენდერის ფარგლებში დადებული არც ერთი სუბკონტრაქტი არ ათავისუფლებს გამარჯვებულ პრეტენდენტს ხელშეკრულებით არსებული მატერიალური ან სხვა ვალდებულებებისაგან.

მიმწოდებელმა სამუშაოების დაწყებამდე ტერიტორიაზე უნდა გადაამოწმოს საპროექტო ნიშნულები, ასევე გადაამოწმოს საპროექტო ნახაზებში მითითებული ზომები და ნებისმიერი უზუსტობა აცნობოს შემსყიდველს;

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

5 Процентов

10 Процентов

ხელშეკრულების უზრუნველყოფის გარანტიის მოქმედების ვადა არანაკლებ 60 კალენდარული დღით უნდა აღემატებოდეს ხელშეკრულების მოქმედების ვადას.

6.4.1 ხელშეკრულების შესრულების უპირობო და გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.2. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში). საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).
6.4.3. ხელშეკრულების შესრულების უზრუნველყოფის უპირობო და გამოუთხოვადი საბანკო გარანტია წარმოდგენილი უნდა იქნას დანართის შესაბამისად (იხილეთ მიბმული ფაილი ,,საბანკო გარანტია").
საქართველოს კანონმდებლობის შესაბამისად შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი უფლებამოსილი პირის მიერ და ბეჭედდასმული.

7.2.1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე თანხის ჩარიცხვით.
7.2.2. ეტაპობრივი და წინასწარი ანგარიშსწორება არ განიხილება.
7.2.3. მიმწოდებელი ვალდებულია ანგარიშ-ფაქტურაზე მიუთითოს ხელშეკრულების ნომერი. წინააღმდეგ შემთხვევაში შემსყიდველს უფლება აქვს არ მოახდინოს მისი დადასტურება;
7.2.4. შესრულებულ სამუშაოზე საბოლოო ანგარიშსწორება განხორციელდება ექსპერტიზის დაკვნის - სსიპ ლევან სამხარაულის სახელობის ექსპერტიზის ეროვნული ბიუროს ან სხვა აკრედიტებული პირის მიერ გაცემული ფაქტიურად შესრულებული სამუშაოების მოცულობის, ხარისხის, ღირებულების დამადასტურებელი დოკუმენტით და სსიპ საგანგებო სიტუაციების მართვის სააგენტოს მიერ გაცემული საქართველოს კანონმდებლობით გათვალისწინებული სტანდარტებთან შესაბამისობის დამადასტურებელი დოკუმენტის საფუძველზე გაფორმებული მიღება-ჩაბარების აქტის წარმოდგენის შემდეგ;
7.2.5. თუ საბოლოო ანგარიშსწორების განხორციელების მომენტისთვის, მიმწოდებელი არ წარმოდგენს დოკუმენტურ დასტურს, რომ ამ ხელშეკრულების 6.2 , 6.3 და 6.4 პუნქტებით გათვალისწინებულ გარემოებებს ადგილი არ ჰქონია ან, ყველა ხარჯი ანაზღაურებულია, შემსყიდველი უფლებამოსილია გამოქვითოს შესაბამისი ხარჯები ასანაზღაურებელი თანხიდან (იხილეთ ხელშეკრულების პროექტი).

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

თეა ზარგინავა, 595535141, teazarginava@yahoo.com

10.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
10.3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
10.6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.7.პრეტენდენტი ვალდებულია, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია (მაგ., ფასების ცხრილი, ინფორმაცია გამოცდილების შესახებ, საგარანტიო პირობები და ა.შ.). დაამოწმოს/დაადასტუროს, როგორც კვალიფიციური ხელმოწერით/კვალიფიციური შტამპით, ასევე, ხელმოწერითა და/ან ბეჭედით (ბეჭდის არსებობის შემთხვევაში) . იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა/რწმუნებულება.