Спортивные услуги (Грузия - Тендер #44050456)

ქალაქ თბილისის მუნიციპალიტეტის ვაკის რაიონის გამგეობის მიერ მინი-ფეხბურთში ტურნირის ,,ვაკის თასი - 2023“ ჩატარების ორგანიზების მომსახურების სახელმწიფო შესყიდვა.

• მიმწოდებელმა უნდა უზრუნველყოს ქალაქ თბილისის მუნიციპალიტეტის ვაკის რაიონის გამგეობის მიერ ტურნირის ჩატარების ორგანიზება მინი-ფეხბურთში ,,ვაკის თასი - 2023“. ტურნირი ჩატარდება ვაკის რაიონის ტერიტორიაზე არსებულ სტადიონზე - წყნეთში და გაგრძელდება 5 დღის განმავლობაში. შეჯიბრში მონაწილეობას მიიღებს 16 გუნდი. გამარჯვებულები დაჯილდოვდებიან ფულადი პრიზებით, სიგელებით, მედლებითა და თასებით.

გასაწევი მომსახურება:
· მიმწოდებელმა უნდა უზრუნველყოს ქალაქ თბილისის მუნიციპალიტეტის ვაკის რაიონის გამგეობის მიერ ტურნირის ჩატარების ორგანიზების მომსახურება ფეხბურთში.
• ტურნირში მონაწილეობას მიიღებენ ახალგაზრდები, არანაკლებ 16 გუნდისა, თითო გუნდი დაკომპლექტებული იქნება 10 მოთამაშისგან;

საჭირო ინვენტარი და პერსონალი, რომელიც მიმწოდებელმა უნდა უზრუნველყოს:
• მსაჯი - 1 ადამიანი, 5 დღე
• მდივან-კომისარი -1 ადამიანი, 5 დღე
• შესაბამისი კვალიფიკაციის ექიმი - 1 ადამიანი, 5 დღე
• დიჯეი - 1 ადამიანი, 1 დღე
• ბანერი ზომით 500სმ x 600სმ-ზე - 1 ცალი, დიზაინი შემსყიდველთან შეთანხმებით
• ფეხბურთის ბურთი (მაღალი ხარისხის) - 4 ცალი
• ფეიერვერკი დაჯილდოების ცერემონიისთვის - (არანაკლებ 50 გასროლისა)
• მაისური ბრენდირებით - 40 ცალი (წარწერა შემსყიდველთან შეთანხმებით)
• გადასაცმელი ბრენდირებით - 40 ცალი (წარწერა შემსყიდველთან შეთანხმებით)
• გახმოვანების აპარატურა, 5 კილოვატი სიმძლავრე - 1 დღე
• სასმელი წყალი 0,5ლ პოლიეთილენის ბოთლებში, 300 ცალი ბოთლი

პრიზები:
ფულადი ჯილდო:
· I ადგილი - 1 000 ლარი;
· II ადგილი - 800 ლარი;
· III ადგილი - 500 ლარი;
· საუკეთესო მოთამაშე - 150 ლარი.

• თასი - პირველი ადგილისთვის - 1 ცალი. (ოქროსფერი, სიმაღლე არანაკლებ 80 სმ. გრავირება შემსყიდველთან შეთანხმებით).
• მედლები (პირველი, მეორე და მესამე ადგილისთვის: დიამეტრი არანაკლებ 6სმ; ოქროსფერი -10 ცალი, ვერცხლისფერი - 10 ცალი და ბრინჯაოსფერი - 10 ცალი; ორმხრივი გრავირებული წარწერით:
ერთ მხარეს შესაბამისი წარწერა- I, II, III, მეორე მხარეს გრავირება ტექსტით- „ვაკის რაიონის გამგეობა“).
• სიგელი პირველი (10 ცალი), მეორე (10 ცალი), მესამე (10 ცალი) ადგილოსნებისთვის და
საუკეთესო მოთამაშისათვის (1 ცალი), დიზაინი და წარწერა შემსყიდველთან შეთანხმებით.

ხელშეკრულების გაფორმებიდან არაუგვიანეს 2023 წლის 31 აგვისტოსი.

ქალაქ თბილისის მუნიციპალიტეტის ვაკის რაიონის ტერიტორიაზე - წყნეთში არსებული სპორტული მოედანი, რომელიც აღჭურვილი იქნება ფეხბურთის ტურნირისთვის საჭირო ინვენტარით.

პრეტენდენტს უნდა გააჩნდეს არანაკლებ 3(სამი) ანალოგიური მომსახურების (სპორტული ღონისძიე(ბე)ბის ორგანიზება) გაწევის გამოცდილება და უნდა წარმოადგინოს აღნიშნული ინფორმაცია სატენდერო დოკუმენტაციის დანართი N2-ის შესაბამისად. თუ შესყიდვა არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ამ შემთხვევაში აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას – ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი და გადახდის დამადასტურებელი დოკუმენტაცია - საგადახდო დავალება. (სახელმწიფო შესყიდვის განხორციელების შემთხვევაში პრეტენდნტმა, ზემოთ ხსენებულ ცხრილში უნდა მიუთითოს სახელმწიფო შესყიდვის შესახებ ერთიან ელ. სისტემაში დაფიქსირებული შესაბამისი განცხადების ნომერი და ამ შემთხვევაში დამატებითი დოკუმენტაციის (ხელშეკრულება,მიღება-ჩაბარების აქტი და გადახდის დამადასტურებელი დოკუმენტაცია - საგადახდო დავალება) წარმოდგენა სავალდებულო არაა)).

პრეტენდენტის მიერ სისტემაში ასატვირთი მონაცემები:

1. განფასების ცხრილი დანართი N1–ის მიხედვით. ხარჯთაღრიცხვის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას;
2. ინფორმაცია (დანართი N2) სპორტული შეჯიბრების ჩატარების გამოცდილების შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის/აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული მომსახურების გაწევის შესაძლებლობა.
ექსპერტიზის/აუდიტის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორების ვალუტა - ლარი.
დაფინანსების წყარო - ქალაქ თბილისის მუნიციპალიტეტის 2023 წლის ბიუჯეტით ვაკის რაიონის გამგეობისთვის დამტკიცებული ასიგნებები.
ანგარიშსწორების ფორმა - უნაღდო, წინამდებარე ხელშეკრულებაში მითითებული მიმწოდებლის საბანკო რეკვიზიტების შესაბამისად.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნათელა ელიზბარაშვილი, 577228523, l.kipiani@tbilisi.gov.ge

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

პრეტენდენტს არა აქვს უფლება წარმოადგინოს ალტერნატიული სატენდერო წინადადება.