Инженерные услуги (Грузия - Тендер #44050391)

1.1.1 ბათუმის ბულვარში არსებული ველობილიკის რეკონსტრუქციის სამუშაოების საპროექტო-სახარჯთაღრიცხვო დოკუმენტაციის მომზადების მომსახურების სახელმწიფო შესყიდვა.

ტექნიკური დავალება:

1.2.1 გასაწევი მომსახურების აღწერა:
ბათუმის ბულვარში არსებული ველობილიკის რეკონსტრუქციის სამუშაოების საპროექტო-სახარჯთაღრიცხვო დოკუმენტაციის მომზადება:
1) უნდა მოხდეს ბათუმის ბულვარში არსებული ბეტონის ფილებით მოწყობილი ველობილიკის სიგძით 2 850 მეტრი, სიგანით 4 მეტრი ნაწილის, ასევე, მონოლითური ბეტონის სიგრძით 1 330 მეტრი, სიგანით 4 მეტრის დემონტაჟი. (დმონტირებული ფილების დასაწყობება შემსყიდველის მიერ მითითებულ ლოკაციაზე);
2) დემონტირებულ ნაწილზე (პრომენადის პარარელურად) უნდა მოხდეს ახალი ველობილიკის მოწყობა, ბეტონის (ალმირებული) საფარით;
3) უნდა მოხდეს პრომენადის ველობილიკის ზედაპირის განათება;
4) ბულვარში ველობილიკების შეკავშირებულობის და განგრძობადობის მიზნით აუცილებელია ველობილიკის ზოლების ერთიან სისტემაში მოქცევა და ქალაქის ველობილიკების ქსელში ჩართვა;
5) უნდა მოხდეს ცენტრალური ქუჩებიდან (მოცემულია ბათუმის ბულვარის განაშენიანების გეგმაში იხ. სიტუაციური გეგმა - დანართი N1) შემავალი ველობილიკის ზოლების დაკავშირება პრომენადის ველობილიკთან, გასათვალისწინებელია, როგორც ქუჩაზე გამავალი ტროტუარების, ასევე ველობილიკამდე შესასვლელი ზოლის ადაპტირება;
6) უნდა განხორციელდეს ბულვარის განაშენიანების გეგმით გათვალისწინებული ველობილიკის შესასვლელი ზოლების პრომენადის ველობილიკთან დაკავშირება, რაც გულისხმობს საპროექტო მონაკვეთებში არსებული ზოლების ზედაპირის შესაბამისი საღებავითა და ტექნოლოგიით დამუშავებას;
7) პრომენადის გრძივი და ბულვარის განივი ველობილიკების ერთმანეთთან გადაკვეთის ზონაში აუცილებელია უსაფრთხოების მკაცრი ზომების მიღება, კერძოდ კი გადაკვეთის წერტილამდე მიახლოებისას აუცილებელია ბილიკის საფარზე დატანილი იყოს საინფორმაცია წარწერა, რომ უახლოვდება გადაკვეთის წერტილს. ასევე შემანელებელი 3მმ სისქის ზოლები, რომელიც მოუწოდებს
ველოსიპედისტს განსაკუთრებული ყურადღების გამოჩენისკენ, რადგან ის უახლოვდება გადაკვეთის წერტილს. უშუალოდ გადაკვეთის სივრცე კი მოპირკეთდება განსხვავებული სტრუქტურის და ფერის მასალით, რათა დაბალი სიჩქარის პირობებში უსაფრთხოდ შეასრულოს მოხვევა სასურველი მიმართულებით;
8) ფეხით მოსიარულეთა მეორადი შესასვლელები და პრომენადის ველობილიკის კვეთის წერტილებში საჭიროა დაიხატოს ზებრა გადასასვლელი და ფეხით მოსიარულეთათვის ყურადღების გასამახვილებელი მანიშნებელი საფარის მოპირკეთებაზე;
9) მანიშნებლები გამომდინარე იქიდან, რომ პრომენადის ველობილიკი უფრო მეტად სარეკრეაციო დანიშნულებისაა, სასურველია მანიშნებლების განთავსება მოპირკეთების საფარზე, რათა ზღვისკენ ხედის აღქმაში არ გაჩნდეს ზედმეტი ვერტიკალური ბოძები და ნიშნები;
10) საჭიროა ბილიკის სიგრძის მანიშნებელი წარწერა დატანილი იყოს ველობილიკის საფარზე;
11) გამაფრთხილებელი ნიშნები, როგორიცაა „შეანელე სვლა“, საჭიროა განთავსდეს პრომენადის გრძივი და მისი ნინოშვილის ქუჩასთან დამაკავშირებელი განივი ველობილიკების, ასევე ფეხით მოსიარულეთა ბილიკების კვეთამდე 15 მეტრით ადრე, ასევე კვეთამდე 15 მეტრის მანძილის დაცვით, უნდა დაიწყოს 3 მმ სისქის კაუჩუკის ზოლები, რომელიც აიძულებს ველოსიპედისტს შეანელოს სვლა.
12) „გამაფრთხილებელი ნიშანი“, რომ ველოსიპედისტი უახლოვდება ფეხით მოსიარულეთათვის განკუთნილ გადასასვლელს და საჭიროა გამოიჩინოს მაქსიმალური სიფრთხილე, უნდა დაიდგეს უშუალოდ ბილიკების კვეთაზე;
13) ველოპარკირების აღმნიშვნელი ნიშნები საჭიროა განთავსდეს ბულვარში მართობული კვეთების დასაწყისში და მის ბოლოში, პრომენდთან კვეთამდე.
14) კონსტრუქციული გადაწყვეტების ხარისხი მნიშვნელოვანია ველო ბილიკზე ტარების უსაფრთხოებისა და კომფორტისთვის. ზოგადად, ველო ბილიკები უნდა დაიგოს გზის სავალი ნაწილის მშენებლობისთვის საჭირო იგივე ხარისხით. აღნიშნული ეხება ჰორიზონტალურ და ვერტიკალურ პროექტს, ზედაპირის შეღებვას და განათებას, სიჩქარის შეზღუდვებს;
15) ზედაპირის საღებავის ზედა ფენა უნდა იყოს ბრუნვა გამძლე საკმაოდ დიდი ხნის მანძილზე, - ზედაპირი კვლავაც გლუვი უნდა დარჩეს სველ პირობებში, ველობილიკი შესაფერისი უნდა იყოს ნებისმიერ ამინდში ტარებისთვის (კარგი სადრენაჟო სისტემა გუბეებისა და ტალახის დაგროვების თავიდან ასაცილებლად,მტვრის დაგროვების თავიდან ასაცილებლად, არეალის თოვლისგან გაწმენდის შესაძლებლობა);
16) პროექტის მომზადებისას გათვალისწინებულ უნდა იქნეს, საქართველოს კანონმდებლობით დადგენილი სამშენებლო წესების და ნორმების მოთხოვნები. პროექტირების პროცესში გათვალისწინებული უნდა იყოს ყველა მოქმედი სამშენებლო წესების და ნორმების მოთხოვნები.

შენიშვნა: ბათუმის ბულვარში არსებული ველობილიკის რეკონსტრუქციის სამუშაოების საპროექტო-სახარჯთაღრიცხვო დოკუმენტაცია უნდა მომზადდეს ბულვარის განაშენიანების გეგმის შესაბამისად, ამასთან გათვალისწინებული უნდა იქნას დაგეგმილი საპლიაჟე ინფრასტრუქტურის მოწყობისას საჭირო საკომუნიკაციო (წყალი; გაზი; წყალარინების ქსელი და სხვა) ქსელებისათვის შესაბამისი წერტილების მოწყობა (გასათვალისწინებელია სარეზერვო წერტილებიც).

1.2.1.2 გასაწევი მომსახურება:
ა) შემსყიდველი ორგანიზაციის მიერ მიწოდებული ტექნიკური დავალების შესაბამისად საპროექტო- სახარჯთაღრიცხვო დოკუმენტაციის მომზადება და შესასრულებელი სამუშაოების ღირებულების დადგენა;
ბ) დეფექტური აქტების შედგენა და დეფექტური უწყისებით ხარჯთაღრიცხვის გამოთვლა;

1.2.1.3. დამატებითი მომსახურების გაწევა, კერძოდ:
ა) ხარჯთაღრიცხვის გადაანგარიშება;
ბ) ხარჯთაღრიცხვის კორექტირება;
გ) სამუშაოების მიმდინარეობისას გაუთვალისწინებელი გარემოების აღმოჩენის შემთხვევაში, მიმწოდებელი ვალდებულია, შემსყიდველის მიერ გაცემული წერილობითი დავალების საფუძველზე გონივრულ ვადებში შეიტანოს სათანადო ცვლილებები (კორექტირება) შესაბამის საპროექტო- სახარჯთაღრიცხვო დოკუმენტაციაში, დამატებითი ანაზღაურების გარეშე.

1.2.1,4 დავალების შინაარსი:
შესასრულებელი სამუშაოების ხარისხის გაზრდისა და ღირებულების შემცირების მიზნით მიმწოდებელი ვალდებულია:
ა) სამუშაოები შეასრულოს სამუშაოების კლასიფიკაციის ინსტრუქციის შესაბამისად (საუწყებო სამშენებლო ნორმები) და ტექნიკური დავალებით გათვალისწინებული პირობებით. რიგ შემთხვევებში დასაშვებია საბაზრო ფასების გამოყენების პრაქტიკაც;
ბ) საპროექტო-სახარჯთაღრიცხვო სამუშაოების დროულად და ხარისხიანად შესრულებისათვის მოახდინოს შესაბამის ორგანიზაციებთან და პირებთან საჭირო წინასწარი შეთანხმებები, გარდა სამშენებლო მოედნისა, ტერიტორიის გამოყოფის და გათავისუფლებისა, რომელიც წარმოადგენს შემსყიდველის მოვალეობას;
გ) საპროექტო-ხარჯთაღრიცხვო დოკუმენტაციის შედგენისას გათვალისწინებულ უნდა იქნეს მშენებლობაში მიღწეული და დაგროვილი საერთაშორისო გამოცდილებები ახალი ტექნოლოგიებისა და მოწყობილობების გამოყენებით საქართველოს სპეციფიკური პირობებიდან გამომდინარე;
დ) სამშენებლო სამუშაოების დეფექტური უწყისებით ხარჯთაღრიცხვების შედგენისას ღირებულება მიმწოდებელმა უნდა განსაზღვროს შესაბამისი ნორმებით, დასაბუთებული კალკულაციებით და ღირებულებებით;
ე) მიმწოდებელი პასუხისმგებელია ყველა საჭირო საოფისე ფართის, აღჭურვილობის, მოწყობილობის, ტრანსპორტის უზრუნველყოფაზე და ყველა საველე სამუშაოებისათვის საჭირო ტექნიკაზე.

1.2.1.5 დავალების შესრულების წესი:
ა) მიმწოდებელი ვალდებულია შეასრულოს მომსახურება ხელშეკრულებით და ტექნიკური დავალებით განსაზღვრულ ვადაში.

1.2.1.6 პროექტის კუთვნილება:
ა) ამ დავალებასთან დაკავშირებით მომზადებული ნებისმიერი შესწავლა, ანგარიში, გრაფიკული ან სხვა სახის მასალი ეკუთვნის შემსყიდველს და რჩება მის საკუთრებაში;
ბ) მიმწოდებელს არ აქვს ამ მასალების გამოყენების უფლება სხვა სამუშაოების შესასრულებლად შემსყიდველის წინასწარი თანხმობის გარეშე.
გ) მიმწოდებელი ვალდებულია წარმოადგინოს ხარჯთაღრიცხვის სრული მოცულობის ელექტრონული ვერსია.

1.2.1.7 დოკუმენტაციის რაოდენობა:
ა) მიმწოდებელი ვალდებულია გადასცეს შემსყიდველს სრული სახარჯთაღრიცხვო დოკუმენტაცია ნაბეჭდი 4 ეგზემპლარად და მისი შესაბამისი ელექტრონული ვარიანტი (პროექტი -,,PDF", ხარჯთაღრიცხვა -,,EXCEL"ფორმატში). ელექტრონულ ვარიანტში ტექსტური დოკუმენტაცია (ხარჯთაღრიცხვა, განმარტებითი ბარათი და ა.შ.) უნდა იყოს დაბეჭდილი შრიფტით Sylfaen, ამასთანავე, PDF ფორმატის თითოეული ფაილის ზომა არ უნდა აღემატებოდეს 10 მეგაბაიტს.

1.4.1 მიმწოდებელმა სრული სახარჯთაღრიცხვო დოკუმენტაცია შემსყიდველს უნდა მიაწოდოს, ხელშეკრულების გაფორმებიდან 30 (ოცდაათი) კალენდარული დღის ვადაში (ექსპერტიზის ვადის ჩათვლით);
1.4.2 მიმწოდებელი ვალდებულია წარმოადგინოს ექსპერტიზის დადებითი დასკვნა, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი).

1.5.1. სახარჯთაღრიცხვო დოკუმენტაციის მიწოდების ადგილი: ქ. ბათუმი, კ. გამსახურდიას ქ. N2.

1.7.1.1 სახარჯთაღრიცხვო დოკუმენტაციის ხარისხი უნდა შეესაბამებოდეს სამშენებლო ნორმებითა და წესებით გათვალისწინებულ მოთხოვნებს, აგრეთვე ტექნიკურ დავალებაში მითითებულ მოთხოვნებს;
1.7.1.2 შეტყობინების მიღების შემდეგ მიმწოდებელი ვალდებულია 5 (ხუთი) სამუშაო დღის განმავლობაში საკუთარი ხარჯებით აღმოფხვრას, გამოასწოროს სახარჯთაღრიცხვო დოკუმენტაციის მომზადების პროცესში ან/და მისი დასრულების შემდგომ, ინსპექტირების შედეგად გამოთქმული შენიშვნები (სახარჯთაღრიცხვო დოკუმენტაციაში გამოვლენილი შეუსაბამობები ნორმატიულ-ტექნიკური დეკუმენტებთან და ტექნიკური დავალების მოთხონებთან);
1.7.1.3 სამშენებლო სამუშაოების განხორციელებისას, სახარჯთაღრიცხვო დოკუმენტაციაში გამოვლენილი უზუსტობების ან/და შეუსაბამობების შემთხვევაში მიმწოდებელი ვალდებულია, შემსყიდველის მიერ წერილობითი მიმართვიდან 5 (ხუთი) სამუშაო დღის ვადაში, საკუთარი ხარჯებით უზრუნველყოს სახარჯთაღრიცხვო დოკუმენტაციის კორექტირება და კორექტირებული დოკუმენტაციის შემსყიდველისათვის მიწოდება;
1.7.1.4 თუ მიმწოდებლის ბრალეულობით, შედგენილი სახარჯთაღრიცხვო დოკუმენტაციით გათვალისწინებული სამუშაოების განხორციელების პროცესში გამოვლენილი დეფექტ(ებ)ის არსებობამ გადააჭარბა სამუშაოების სახელშეკრულებო ღირებულებაში განსაზღვრული გაუთვალისწინებელი სამუშაოების ღირებულებას მიმწოდებელი (საპროექტო ორგანიზაცია) ვალდებულია აანაზღაუროს სამუშაოების სახელშეკრულებო ღირებულებაში განსაზღვრული გაუთვალისწინებელი სამუშაოების ღირებულებას გადაჭარბებული სამუშაოების სრული ღირებულება.

2.2.1.1 ტენდერში მონაწილე პრეტენდენტს 2020 წლის 01 იანვრიდან ტენდერის გამოცხადების თარიღამდე გაწეული უნდა ჰქონდეს საპროექტო-სახარჯთაღრიცხვო დოკუმენტაციის შედგენის მომსახურება არანაკლებ 83897,00 (ოთხმოცდასამი ათას რვაასოთხმოცდაჩვიდმეტი) ლარის ოდენობით დღგ-ს გარეშე.
2.2.1.2 ინფორმაცია წარმოდგენილ უნდა იქნეს დანართი N3 შესაბამისად.
2.2.1.3 პრეტენდენტმა უნდა წარმოადგინოს 2.2.1.1 ქვეპუნქტით გათვალისწინებული მომსახურების შესრულების დამადასტურებელი დოკუმენტების ასლები, კერძოდ:
ა) ხელშეკრულების ასლები;
ბ) მიღება-ჩაბარების აქტების ასლები;
2.2.1.4 სახელმწიფო შეყიდვის შემთხვევაში თუ პრეტენდენტის მიერ წარმოდგენილ გამოცდილების შესახებ ინფორმაციის დანართი N3-ში მითითებული იქნება NAT/SPA/CMR ან სხვა ნომრები და ხელშეკრულების შესრულების მიმდინარეობის ანგარიშში ატვირთული იქნება "ა" და "ბ" ქვეპუნქტებით გათვალისწინებული ხელშეკრულების ასლები, მიღება-ჩაბარების აქტების ასლები, ამ შემთხვევაში მათი დამატებით წარმოდგენა საჭიროებას არ წარმოადგენს.
2.2.1.5. იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა 2.2.1.3 პუნქტის ბ) ქვეპუნქტით მოთხოვნილი დოკუმენტაციისა პრეტენდენტი ვალდებულია დამატებით წარმოადგინოს გაწეულ მომსახურებაზე დადასტურებული საგადასახადო ანგარიშ-ფაქტურის ქსეროასლები;
2.2.1.6. იმ შემთხვევაში თუ პრეტენდენტი გამოცდილების სახით წარმოადგენს ქვეკონტრაქტის ფარგლებში შესრულებულ ხელშეკრულებებსა და მათი შესრულების დოკუმენტაციას (მომსახურების გაწევის მიღება-ჩაბარების აქტები, დადასტურებული საგადასახადო ანგარიშ-ფაქტურის ქსეროასლები), აღნუშნული დოკუმენტაციის გარდა პრეტენდენტმა, ასევე უნდა წარმოადგინოს შემსყიდველ ორგანიზაციასა და ძირათად კონტრაქტორ კომპანიას შორის გაფორმებული წერილობითი შეთანხმება ან/და სხვა რაიმე დამადასტურებელი დოკუმენტი, რომლითაც დასტურდება შემსყიდველისა და ძირათადი კონტრაქტორი კომპანიის შათანხმება ქვეკონტრაქტორი კომპანიის აყვანის შესახებ. თუ შემსყიდველ ორგანიზაციასა და ძირათად კონტრაქტორ კომპანიას შორის არ იქნება გაფორმებული წერილობითი შეთანხმება ან/და სხვა რაიმე დამადასტურებელი დოკუმენტი ქვეკონტრაქტორის კომპანიის აყვანის შესახებ, ასეთ შემთხვევაში პრეტენდენტს ქვეკონტრაქტის ფარგლებში გაწეული მომსახურება გამოცდილებად არ ჩეთვლება.
2.2.1.7. თითოეული დოკუმენტის ასლი წარმოდგენილი უნდა იქნეს სრულყოფილად (ყველა გვერდი და დანართი) გარკვევით და უნდა იყოს წაკითხვადი.

2.9.1 პრეტენდენტი ფასების ცხრილის (დანართი N2) განფასების დროს ფასში არ ითვალისწინებს დღგ-ს, მიუხედავად იმისა, არის თუ არ არის ის დღგ-ს გადამხდელი საქართველოს კანონმდებლობის შესაბამისად. შემსყიდველი ორგანიზაცია ხელშეკრულების ღირებულებაში ითვალისწინებს სატენდერო წინადადების ფასის შესაბამისი დღგ-ს ოდენობას, თუ ხელშეკრულების დადების მომენტისათვის პრეტენდენტი არის დღგ-ს გადამხდელი.

2.9.2. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

2.9.3. პრეტენდენტი ვალდებულია დანართები წარმოადგინოს იმ ფორმით რა ფორმითაც არის მითითებული სატენდერო დოკუმენტაციაში.

2.9.4. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტები წარმოდგენილი უნდა იყოს ქართულ ენაზე, დოკუმენტების უცხოურ ენაზე წარმოდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი.

2.9.5. ტენდერში ამხანაგობის მონაწილეობის შემთხვევაში პრეტენდენტი ვალდებულია იმოქმედოს სახელმწიფო შესყდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით;

2.9.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტი მიენიჭება ქართულ ენოვან დოკუმენტს.

2.9.7. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

2.9.8. სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

2.9.9. 2019 წლის 1 იანვრიდან შესყიდვებში მონაწილეობის მსურველები/პრეტენდენტები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

იხილეთ ინსტრუქცია

http://procurement.gov.ge

4.1.3.1 შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

7.2.1 ანგარიშსწორება მოხდება ფაქტიურად გაწეული მომსახურების, მიღება-ჩაბარების აქტის, ექსპერტის დასკვნის (სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ გაცემული დასკვნა) გაფორმების საფუძველზე;
7.2.2 ხელშეკრულების ფარგლებში ანაზღაურებული იქნება მხოლოდ იმ მომსახურების ღირებულება, რომლის მოცულობასა და ხარისხზე არსებობს შემსყიდველის მიერ დადასტურებული მიღება-ჩაბარების აქტი.
7.2.3 იმ შემთხვევაში, თუ განსაზღვრული გარემოებების გამო მიმწოდებლის მიერ გაწეული მომსახურეობის ღირებულებამ არ შეადგინა ხელშეკრულებით გათვალისწინებული თანხა, შემსყიდველი აუნაზღაურებს მიმწოდებელს მის მიერ ფაქტობრივად გაწეული მომსახურების ღირებულებას ხელშეკრულებით განსაზღვრული ფასის შესაბამისად. აღნიშნულიდან გამომდინარე მიმწოდებელს არ უნდა გააჩნდეს პრეტენზია აუთვისებელ თანხაზე და მის გადახდაზე.

7.3.1 ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღის ვადაში.

გიორგი მოწყობილი, 514413030, g.motskobili@boulevard.ge ტექნიკურ საკითხებზე მამაუკა ვაშაყმაძე 577-10-16-1

10.1.1 სატენდერო დოკუმენტაციის 1.3 პუნქტით (ფასების ცხრილი/ხარჯთაღრიცხვა) გათვალისწინებული ფასების ცხრილი დანართი N2;

10.1.2 სატენდერო დოკუმენტაციის 2.2.1 პუნქტის (მოთხოვნა პრეტენდენტის გამოცდილების შესახებ) 2.2.1.1 ქვეპუნქტის მოთხოვნის შესაბამისად პრეტენდენტის გამოცდილებასთან დაკავშირებული ინფორმაცია სატენდერო დოკუმენტაციაში მოცემული დანართი N3-ის მიხედვით და გამოცდილების დამადასტურებელი დოკუმენტები;