Ремонт и техническое обслуживание транспортных средств и оборудования и сопутствующие услуги (Грузия - Тендер #44050148)

თერჯოლის მუნიციპალიტეტის მერიის ბალანსზე რიცხული ავტომანქანების ტექნიკური მომსახურებისა და ავტოსათადარიგო ნაწილებით უზრუნველყოფის სახელმწიფო შესყიდვა.

მიმწოდებელმა უნდა უზრუნველყოს თერჯოლის მუნიციპალიტეტის მერიის ბალანსზე რიცხული ავტომანქანების შეკეთება და უზრუნველყოფა შესაბამისი(დაზიანებული) ავტოსათადარიგო ნაწილებით.
მიმწდებლის მიერ მომსახურების გაწევის საფუძველია შემსყიდველის წერილობითი შეტყობინება ან შემსყიდველი ორგანიზაციის უფლებამოსილი პირის სატელეფონო შეტყობინება.
მომსახურება უნდა განხორციელდეს მიმწოდებლისა და შემსყიდველის წარმომადგენლების მიერ თითოეულ კონკრეტულ შემთხვევაში ავტოსატრანსპორტო საშუალებების დათვალიერების (დეფექტური) აქტის შედგენის შედეგად.
მომსახურების გაწევასთან დაკავშირებული დოკუმენტები უნდა მომზადდეს მიმწოდებლის მიერ.
გასაწევი მომსახურების და შესაცვლელი სათადარიგო ნაწილების დეტალური აღწერა უნდა იყოს მოცემული შემსყიდველსა და მიმწოდებლის მიერ შედგენილი დათვალიერების აქტში, აგრეთვე ტექმომსახურების დაწყების და დასრულების სავალდებულო ვადები, გამარჯვებული პრეტენდენტის (მიმწოდებლის) სატენდერო წინადადება სახელმწიფო შესყიდვების შესახებ ხელშეკრულების განუყოფილი ნაწილია, ავტოსატრანსპორტო საშუალებების ტექნიკური - მომსახურების გაწევის პროცესში მიმწოდებელი ხელმძღვანელობს მისივე სატენდერო წინადადებაში მოცემული განფასების ცხრილით, მომსახურების გრაფიკით და ვადებით.
მიმწოდებელსა და შემსყიდველის წარმომადგენლის მიერ დათვალიერების აქტის შედგენის შემთხვევაში, განფასების ცხრილში არ არსებული დეტალის არსებობის შემთხვევაში, დეტალის და მომსახურების ფასი დგინდება მხარეთა შორის შეთანხმებით, საბაზრო ფასის გათვალისწინებით.

მომსახურება გაწეული უნდა იქნას ხელშეკრულების გაფორმებიდან 2023 წლის 31 დეკემბრის ჩათვლით, ეტაპობრივად, შემსყიდველის მოთხოვნის შესაბამისად. თითოეული დაკვეთის დროს მომსახურება გაწეულ უნდა იქნას დაუყოვნებლივ, რიგგარეშე, ამასთან, მომსახურების ვადა თითოეულ შემთხვევაზე არ უნდა აღემატებოდეს: სავალი ნაწილებისათვის - 2 დღეს, ელექტროობისათვის - 1 დღეს, აგრეგატებისათვის - 3 დღეს, სათუნუქე-სამღებრო სამუშაოებისათვის -7 დღეს. იმ შემთხვევაში, თუ საჭიროა ძრავისა და ძარის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით, მაგრამ როგორც წესი არაუმეტეს 10 კალენდარული დღის ვადაში, ხოლო გამონაკლის შემთხვევებში შესაძლებელია აღნიშნული ვადის გაზრდა მხოლოდ შემსყიდველთან შეთანხმებით.
მომსახურება გაწეულ უნდა იქნას უქმე დღეებშიც.

მომსახურების გაწევის ადგილი - ქ.თერჯოლა მიმწოდებლის საკუთრებაში/სარგებლობაში არსებულ სერვის ცენტრი.
თუ გასაწევი მომსახურების სირთულიდან და სპეციფიკიდან გამომდინარე, ავტომანქანა საჭიროებს გადატანას სხვა სერვის ცენტრში, გადატანა უნდა განხორციელდეს შემსყიდველთან შეთანხმებით. გადატანის ხარჯებს აანაზაღაურებს მიმწოდებელი.

გამოყენებულ სათადარიგო ნაწილებზე უნდა გავრცელდეს მინიმუმ 6 თვიანი გარანტია (გარდა იმ სათადარიგო ნაწილებისა და საცხ-საპოხი საშუალებებისა, რომელთა ექსპლუატაციის ვადა დამოკიდებულია ავტომანქანის გარბენზე), რომლის განმავლობაში, რაიმე წუნის აღმოჩენის შემთხვევაში, თუ დადგინდება, რომ აღნიშნული დეფექტი გამოწვეულია
მიმწოდებლის მიზეზით, მიმწოდებელი ვალდებულია შეტყობინების მიღებიდან, 2 (ორი) კალენდარული დღის ვადაში საკუთარი ხარჯებით უზრუნველყოს დაზიანებული დეტალის შეკეთება ან შეცვლა ახლით.

პრეტენდენტის მიერ შესრულებული ანალოგიური მომსახურების (ავტომანქანების შეკეთება) მოცულობა(ქვეკონტრაქტორის გარეშე) მიმდინარე წლის (დასრულებული ხელშეკრულებები) და ბოლო 2 (ორი) წლის (2021, 2022 წ.წ.) განმავლობაში არ უნდა იყოს სახელშეკრულებლო ღირებულების 100%-ზე ნაკლები(ფაქტიურად გაწეული მომსახურება). ინფორმაცია წარმოდგენილი უნდა იყოს დანართი №#2-ის შესაბამისად (დადასტურებული შესაბამისი დოკუმენტაციით, ხელშეკრულებები, მიღება-ჩაბარების აქტები)
მომსახურება რომლებიც შესრულებულია კერძო კომპანიის (არა შესყიდველი ორგანიზაცია) დაკვეთით, პრეტენდენტმა, დამატებით უნდა წარმოადგინოს შესაბამისი დადასტურებული საგადასახადო ანგარიშ-ფაქტურები (ასეთის არსებობის შემთხვევაში),
სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

პრეტენდენტს ქალაქ თერჯოლის ტერიტორიაზე უნდა გააჩნდეს ავტომანქანების ტექ. შეკეთებისათვის შესაბამისი ფართი და აღჭურვილობა (მინიმუმ ერთი კეთილმოწყობილი ბოქსი, მინიმუმ ერთი ამწე მოწყობილობა ე.წ. პადიომნიკი) საკუთარი ან საქართველოს სამოქალაქო კოდექსით ნებადართული ან აუკრძალავი ნებისმიერი ფორმით. აღნიშნულზე უნდა წარმოადგინოს საკუთრების ქირის ან იჯარის დამადასტურებელი დოკუმენტები (წარმოდგენილი ინფორმაციის სისწორე გადამოწმებული იქნება თერჯოლის მუნიციპალიტეტის მერიის შესაბამისი უფლებამოსილი სტრუქტურული ერთეულის მიერ. ქირის/იჯარის შემთხვევაში ხელშეკრულების ვადა არ უნდა იყოს მომსახურების გაწევის ვადაზე ნაკლები) მისამართის მითითებით. (წარმოდგენილი ინფორმაციის სისწორე გადამოწმებულ იქნება მუნიციპალიტეტის შესაბამისი უფლებამოსილი პირის მიერ).

ა) მიმწოდებელმა წერილობით უნდა აცნობოს შემსყიდველს მოცემული ხელშეკრულების ფარგლებში, ყველა სუბკონტრაქტორთან დადებული ხელშეკრულებების შესახებ.
ბ) ხელშეკრულების ფარგლებში ყველა სუბკონტრაქტთან დადებული ხელშეკრულების ასლი უნდა წარედგინოს შემსყიდველს.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობა შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

ანგარიშსწორების საფუძველია მიმწოდებლის წერილობით მომართვა ანგარიშსწორების თაობაზე რომელსაც უნდა დაერთოს: ა) გაწეული მომსახურების დასახელება და ღირებულება, ბ) მიღება-ჩაბარების აქტი, გ) გაწეული მომსახურების შესაბამისად ამოწერილი დღგ-ს ანგარიშფაქტურა ან სხვა საგ. დოკუმენტი.
მიღება-ჩაბარება განხორცილდება დაკვეთის სრულად შესრულების შემდეგ.
მიღება-ჩაბარება განხორციელდება გაწეულ მომსახურებაზე მუნიციპალიტეტის შესაბამისი სტრუქტურული ერთეულის დადებითი შეფასების საფუველზე.
გაწეული მომსახურების ფაქტიურ დამტკიცებას შესაბამისი სტრუქტურული ერთეულის დასაბუთების საფუძველზე ანხორციელებს თერჯოლის მუნიციპალიტეტის მერი.

მიმწოდებელთან ანგარიშსწორება განხორციელდება, მიღება–ჩაბარების აქტის საფუძველზე, მიღება- ჩაბარების აქტის გაფორმებიდან, 10 სამუშაო დღის ვადაში.

ზურაბი გოგნაძე, 577792779, sheskidvebi.terjola@gmail.com

სახელშეკრულებლო ღირებულება შეადგენს - 15 000 ლარს.
პრესიკურანტის ღირებულება შეადგენს 107 425 ლარს.
პრეისკურანტის ღირებულება წარმოდგენილი უნდა იყოს დანართი N1–ში მოცემული განფასების ცხრილის მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა, ამასთან პრეტენდენტის მიერ თითოეულ მომსახურებაზე და საქონელზე შემოთავაზებული ფასი არ უნდა აღემატებოდეს შემსყიდველის მიერ დადგენილ ზღვრულ ფასს.
ტენდერში ვაჭრობა გაიმართება განფასების ცხრილის ჯამურ სავარაუდო ღირებულებაზე;
დაბალფასიანი პრეტენდენტის მიერ წარმოდგენილ პირვანდელ და საბოლოო ფასებს შორის სხვაობა სატენდერო კომისიის მიერ გამოანგარიშდება პროცენტულად, რომლის მიხედვითაც დაევალება პრეტენდენტს წარმოადგინოს კორექტირებული პრეისკურანტი, ზემოაღნიშნული პროცენტული მაჩვენებლის პროპორციულად თითოეული მომსახურებისა და საქონლისათვის.
სატენდერო წინადადება წარმოდგენილი უნდა იყოს ეროვნულ ვალუტაში, საერთო ფასი გამოსახული უნდა იყოსც საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, და ა.შ.), დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით
ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს ნოტარიალურად დამოწმებული შესაბამისი ქართულენოვანი თარგმანები.