Инженерные услуги (Грузия - Тендер #44050024)

1.1.1. შესყიდვის ობიექტის დასახელება: ზუგდიდის მუნიციპალიტეტის მერიის მიერ, კულტურული მემკვიდრეობის ძეგლთა დაცვის ხელშეწყობის პროგრამის ფარგლებში, ზუგდიდის მუნიციპალიტეტის ცაცხვის ადმინისტრაციულ ერთეულში მდებარე კულტურული მემკვიდრეობის ძეგლის ე.წ. „ცაიშის სამაროვანის“ არქეოლოგიური კვლევა-ძიების მომსახურება.

გასაწევი მომსახურების ჩამონათვალი

გასაწევი მომსახურება გულისხმობს: ზუგდიდის მუნიციპალიტეტის ცაცხვის ადმინისტრაციულ ერთეულში ბადრი ნარუშვილის საკარმიდამო ნაკვეთზე (საკადასტრო კოდი 43.20.43.344; მისამართი: ცაიში, თამარ მეფის ქ. №10) არქეოლოგიურ კვლევა-ძიებასთან დაკავშირებული მიწის სამუშაოებს; სამუშაოების წარმოების პროცესში გამოვლენილი კულტურული ფენების პრეპარაციას; სსიპ შოთა მესხიას ზუგდიდის სახელმწიფო სასწავლო უნივერსიტეტის სტუდენტების პრაქტიკული სწავლების უზრუნველყოფას; შესასწავლი ტერიტორიის და მასზე არსებული ობიექტების ფიქსაციას; ფოტო ვიზუალური აღწერის მასალების მომზადებას; შესწავლილი ტერიტორიის (ობიექტის) ისტორიულ-ბიბლიოგრაფიული და საარქივო კვლევის მასალების მომზადებას, წყაროების მითითებით; საკვლევ ტერიტორიაზე მოპოვებული პირველადი ინფორმაციის საარქივო მონაცემებთან მიმართების ანალიზს; შესასწავლი ტერიტორიის სიტუაციური გეგმის და საკვლევი ტერიტორიის კვადრატებად დაყოფის სქემის მომზადებას; არქეულოგიური კვლევისას გამოვლენილი ძეგლების განლაგების სქემის და ანაზომის შედგენას; ტექსტური აღწერილობისა და დასკვნების მომზადებას.

შემსყიდველისათვის გადასაცემი მასალები

წარმოდგენილი პრობებისა და ვადების ფარგლებში, ტენდერში გამარჯვეულმა, საბოლოო პროდუქციის სახით შემსყიდველს და საქართველოს კულტურული მემკვიდრეობის დაცვის ეროვნული სააგენტოს უნდა გადასცეს არქეოლოგიური კვლევის ჩატარების შედეგები, რომელიც უნდა მოიცავდეს:
1) შესწავლილი ტერიტორიისა და მასზე არსებული ობიექტების ფიქსაციის, მათ შორის ფოტო და ვიზუალური აღწერის მასალას;
2) შესწავლილი ტერიტორიის (ობიექტის) ისტორიულ-ბიბლიოგრაფიული და საარქივო კვლევის მასალებს, შესაბამისი წყაროების მითითებით. კონკრეტულად, სამუზეუმო და საარქივო კვლევის მასალების (არსებობის შემთხვევაში - ისტორიული რუკები და გენერალური გეგმები, ისტორიული საკადასტრო და ნაგებობების გეგმები, არქივებში დაცული, ტეროტორიის ამსახველი ფოტომასალა, კოსმოსური და აეროფოტომასალები) მოძიებას;
3) შესწავლილ ტერიტორიაზე მოპოვებული პირველადი ინფორმაციის საარქივო მონაცემებთან მიმართების ანალიზს;
4) შეწავლილი ტერიტორიის ადგილმდებარეობის სიტუაციურ გეგმას (მასშტაბი: 1:2000 და 1:500), „GPS“ კოორდინატებით;
5) საკვლევი ტერიტორიის კვადრატებად დაყოფის სქემას;
6) არქეოლოგიური კვლევისას გამოვლენილი ძეგლების განლაგების სქემას და ანაზომს;
7) არქეოლოგის ხელმოწერით დადასტურებული შურფების განლაგების სქემას;
8) ტექსტურ აღწერილობას;
9) არქეოლოგიური კვლევის შედეგების ანგარიშსს. შესრულებული სამუშაოების ანგარიში შემსყიდველს წარედგინება ელექტრონულ ვერსიად, კომპაქტ დისკით და დაბეჭდილად, მყარი ასლების სახით, 2 (ორი) ეგზემპლარად.

არქეოლოგიური კვლევა-ძიების სამუშაოების ჩატარების პირობები

1) სამუშაოების ჩატარებისას ყურადღება უნდა მიექცეს სამუშაოთა შესრულების ხარისხობრივ მაჩვენებლებს, რომელთა დაცვა სავალდებულოა კულტურული მემკვიდრეობის ძეგლის ფასეული ელემენტების შესანარჩუნებლად. მუშაობის პროცესში ტენდერში გამარჯვებული ვალდებულია, სამუშაოები შეასრულოს საველე არქეოლოგიური სამუშაოების მეთოდების სრული დაცვით.
2) სამუშაოთა მიმდინარეობისას გამოვლენილი არქეოლოგიური ობიექტები და არქეოლოგიური მასალა ტენდერში გამარჯვებულმა სათანადოდ უნდა დაიცვას დაზიანებისაგან, განადგურებისა და დაკარგვისაგან. ასევე, გარემო პირობებისა და სხვა არასასურველი ზემოქმედებისაგან.
3) თუ არქეოლოგიურ სამუშაოთა მიმდინარეობისას გამოვლინდა მაღალი მატერიალური ღირებულების მქონე ნივთი (ნივთები), ამასთანავე მეთოდოლოგიური, კლიმატური, ტექნიკური ან სხვა პირობების გამო ვერ ხერხდება მისი (მათი) დაუყონებლივ ამოღება და უსაფრთხო ადგილას ტრანსპორტირება, ტენდერში გამარჯვებული პრეტენდენტი ვალდებულია, დაუყონებლივ მიმართოს შინაგან საქმეთა სამინისტროს შესაბამის ტერიტორიულ ორგანოს.
4) მოძრავი არქეოლოგიური მონაპოვარი, უნდა ჩაბარდეს უახლოეს მუზეუმ-ნაკრძალს, მუზეუმს ან სხვა შესაბამისს სამეცნიერო დაწესებულებას, სათანადო თანმხლებ დოკუმენტაციასთან ერთად.
5) არქეოლოგიური სამუშაოების მიმდინარეობისას, ახალგამოვლენილი გარემოებებით გამოწვეული ცვლილებები შეთანხმებულ უნდა იქნეს შემსყიდველთან.
6) საველე-კვლევით არქეოლოგიურ გათხრებში პრაქტიკულ-შემეცნებითი სემინარები ჩაუტარდეს სსიპ შოთა მესხიას ზუგდიდის სახელმწიფო სასწავლო უნივერსიტეტის ისტორიის სპეციალობის სტუდენტ-ახალგაზრდებს.
7) ტენდერში გამარჯვებული პრეტენდენტი ვალდებულია, არქეოლოგიური სამუშაოების დაწყებამდე ძეგლზე დაამონტაჟოს ჩასატარებელი სამუშაოების ამსახველი საინფორმაციო ბანერი, რომელიც მინიმუმ უნდა შეიცავდეს შემდეგ ინფორმაციას: ა) მესაკუთრე; ბ) შემსყიდველი; გ) მიმწოდებელი; დ) ჩასატარებელი სამუშაოს სახეობა.

საკვლევი ობიექტის მოკლე აღწერა მოცემულია თან დართულ ფაილში (იხ. მიბმული ფაილ(ებ)ი).

(ტექნიკური დავალება შემდგომ განიხილება, როგორც გასაფორმებელი სახელმწიფო შესყიდვის შესახებ ხელშეკრულების განუყოფელი ნაწილი).

1.4.1. ტენდერში გამარჯვებულმა მომსახურების გაწევა და შედგენილი (დასრულებული) ანგარიშის მიწოდება უნდა უზრუნველყოს ხელშეკრულების დადებიდან არაუგვიანეს 40 (ორმოცი) კალენდარული დღის ვადაში.
1.4.2. მომსახურების გაწევა უნდა განხორციელდეს არქეოლოგიური სამუშაოების სანებართვო მოწმობის საფუძველზე (იხ. 2.9 პუნქტი). შესაბამისად, ვადის ათვლა დაიწყება სანებართვო მოწმობის წარდგენიდან.

1.5.1. მომსახურების განხორციელების ადგილია: ზუგდიდის მუნიციპალიტეტის ცაცხვის ადმინისტრაციული ერთეული, ბადრი ნაროუშვილის საკარმიდამო ნაკვეთი (საკადასტრო კოდი 43.20.43.344).

შესყიდვაში მონაწილეობის მსურველმა პირმა უნდა წარმოადგინოს ინფორმაცია პერსონალის ხელმისაწვდომობისა და მათი კვალიფიკაციის შესახებ, რომელიც აუცილებელია ტენდერით გათვალისწინებული მომსახურების განსახორციელებლად. ინფორმაცია პრეტენდეტის განკარგულებაში მყოფი ან მოსაწვევი პერსონალის გამოცდილებისა და კვალიფიკაციის შესახებ წარმოდგენილი უნდა იქნეს ქვემოთ მოცემული ცხრილის (დანართი №2) სახით, „CV“-ის, უმაღლესი სასწავლებლის დიპლომ(ებ)ის ასლ(ებ)ის ან/და სერტიფიკატებისა ან/და პროფესიული მიღწევების შესახებ ცნობების ჩათვლით. ამასთან, წარმოდგენილ უნდა იქნეს წინარე შეთანხმება (იხ. მიბმული ფაილი), როგორც თანმხლები დოკუმენტი, ხელმოწერილი ტენდერში მონაწილე პრეტენდეტისა და სპეციალისტის მიერ.

1) ტენდერში მონაწილე პრეტენდენტი ვალდებულია, მომსახურების შესრულების მონიტორინგის მიზნით, წარმოადგინოს მომსახურების შესრულების გეგმა-გრაფიკი, №3 დანართის შესაბამისად, მომსახურების დასრულების ვადებისა და შესაბამისი თანხების მითითებით. აღნიშნული გრაფიკი განსაზღვრავს სამუშაოთა მიმდინარეობას და შემსყიდველისათვის წერილობითი ანგარიშის ეტაპობრივად წარდგენის გეგმას.
2) ტენდერში გამარჯვებული პრეტენდენტი გრაფიკის შესაბამისად წარუდგენს შემსყიდველს ინფორმაციას _ წერილობითი ანგარიშის სახით, მომსახურების მიმდინარეობის შესახებ. იგი ვალდებულია, გაითვალისწინოს შემსყიდველის შენიშვნები და წინადადებები, რაც შემდგომში საფუძვლად დაედება გაწეული მომსახურების მიღება-ჩაბარებას და თანხის ანაზღაურებას.
3) განსაზღვრულ ვადებში მომსახურების შეუსრულებლობა ან/და დაგვიანებით შესრულება გამოიწვევს ტენდერში გამარჯვებული პრეტენდენტის პასუხისმგებლობას, წინამდებარე სატენდერო დოკუმენტაციის ხელშეკრულების პროექტში განსაზღვრული წესის შესაბამისად.

ტენდერში გამარჯვებული პრეტენდენტი ვალდებულია ხელშეკრულების გაფორმებისთანავე, არქეოლოგიური სამუშაოების დაწყებამდე გადაიხადოს სანებართვო მოსაკრებელი, არქეოლოგიური სამუშაოების ნებართვის მისაღებად, 50 (ორმოცდაათი) ლარის ოდენობით და ხელშეკრულების დადებიდან არაუგვიანეს 1 (ერთი) თვისა, კანონმდებლობით გათვალისწინებული პროცედურების დაცვით, აიღოს არქეოლოგიური სამუშაოების სანებართვო მოწმობა, წინააღმდეგ შემთხვევაში შემსყიდველი იტოვებს უფლებას ცალმხრივად შეწყვიტოს ხელშეკრულება.

თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, ამ შემთხვევაში, ფასწარმოქმნის ადეკვატურობის დასაბუთება არ იქნება მოთხოვნილი. ვინაიდან, მიჩნეულ იქნა, რომ გასაწევი მომსახურების თავისებურებიდან და სპეციფიკიდან გამომდინარე ძირითადი ხარჯები მოდის ინტელექტუალურ რესურსზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს ფაქტობრივად გაწეული მომსახურების გათვალისწინებით შესაბამისი მიღება-ჩაბარების აქტ(ებ)ის საფუძველზე.

7.3.1. ანგარიშსწორება განხორციელდება ფაქტობრივად გაწეული მომსახურების გათვალისწინებით შესაბამისი მიღება-ჩაბარების აქტ(ებ)ის ხელმოწერიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ამ შემთხვევაში მოცემული სატენდერო წინადადების ინტერპრეტაციის დროს, უცხოენოვან დოკუმენტსა და მის ქართულ ენაზე შესრულებულ თარგმანს შორის უპირატესობის მინიჭების საკითხს წყვეტს სატენდერო კომისია.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
5) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
6) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.