Электрическое оборудование (Грузия - Тендер #43107986)

ავტომანქანის ციმციმა, ხმამაღლა მოლაპარაკე და სირენა (მონტაჟით)

სავალდებულო პირობები მოწყობილობების სამონტაჟო სამუშაოებისათვის:

ა) სადენების გადაბმა უნდა განხორციელდეს შესაბამისი უსაფრთხოების სტანდარტების დაცვით, სპეციალური საშუალებებით (მაგ: იხ. სურათი №1), ისე რომ არ იწვევდეს სადენების გადახურებას/ლღობას. სადენების გადაბმისას გამოყენებული უნდა იქნას თერმოკუმშვადი მილები (მაგ: იხ. სურათი №2).

ბ) მოწყობილობებისთვის კვება მიწოდებული უნდა იქნეს უშუალოდ ავტომობილის აკუმულატორიდან სპეციალური დამცველი ბუდით და კაბელის დაბოლოებით (ბუნიკებით) (მაგ: იხ. სურათი №3).

გ) მოწყობილობების ცენტრალური კვებისთვის გამოყენებულ უნდა იქნას არანაკლებ 2,5 მმ² კვეთის სადენები.

დ) ციმციმების მართვის ბლოკი დამონტაჟებულ უნდა იქნეს ავტომობილის ძარაში იმგვარად რომ მინიმუმამდე იქნეს დაყვანილი მასში წყლის შეღწევის შესაძლებლობა.

ე) მოციმციმე მოდულებს უნდა გააჩნდეს სპეციალური ჩამკეტები, კომპლექტში: შუქდიოდური ციმციმა, ჩართვა-გამორთვისა და რეჟიმების შეცვლის ღილაკი. შესაბამისი სამონტაჟო სამაგრებითა და კაბელებით.

ვ) ხმამაღლამოლაპარაკე უნდა დამონტაჟდეს ავტომობილის მყარ კონსტრუქციულ ნაწილზე არანაკლებ ორი სამაგრი წერტილით.

ზ) მოწყობილობების სამონტაჟო სამუშაოების განხორციელებისას, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.

თ) პრეტენდენტის მიერ ფასების ცხრილში მითითებული უნდა იქნას შემოთავაზებული შესყიდვის ობიექტის კონკრეტული, ზუსტი და არა სავარაუდო მახასიათებლები.


იხილეთ შესყიდვის ობიექტის ტექნიკური პირობები.

საქონლის მიწოდების ვადა - ხელშეკრულების გაფორმებიდან 30 კალენდარული დღის განმავლობაში.

მონტაჟის ვადა - საქონლის ერთეულის ფასი უნდა მოიცავდეს მონტაჟის ღირებულებას, რომელიც უნდა განახორციელოს მიმწოდებელმა საქონლის მიღება - ჩაბარების გაფორმებიდან 1 წლის განმავლობაში. შემსყიდველის ყოველი კონკრეტული მოთხოვნიდან (შეტყობინების ტელეფონზეან ელექტრონულ ფოსტაზე მიღების შემდგომ) 5 ( ხუთი) სამუშაო დღის განმავლობაში მიმწოდებელი ვალდებულია უზრუნველყოს არანაკლებ 4 (ოთხი) ავტომანქანაზე შესყიდვის ობიექტის (ცხაურის ციმციმა, ხმამაღლა მოლაპარაკე, სირენა) მონტაჟი.

საქონლის მიწოდების ადგილი - ქ. თბილისი, დიღმის მასივი II კვ, კ. ჩალაძის N1, შსს ქ. თბილისის პოლიციის დეპარტამენტი.

მომსახურების გაწევის ადგილი - ქ.თბილისი (მიმწოდებლის სერვის-ცენტრი, პრეტენდენტი ვალდებულია წარმოადგინოს ინფორმაცია მომსახურების გაწევის ადგილმდებარეობის შესახებ - სერვის-ცენტრ(ებ)ის მისამართ(ებ)ის მითითებით).

შესყიდვის ობიექტზე უნდა ვრცელდებოდეს არანაკლებ 2 (ორი) წლიანი საგარანტიო მომსახურება, რომელიც აითვლება ავტოსატრანსპორტო საშუალებაზე შესყიდვის ობიექტის მონტაჟის თარიღიდან, რომლის მიხედვითაც მიმწოდებელი ვალდებულია შესყიდვის ობიექტის დაზიანების შემთხვევაში, ტელეფონზე ან ელექტრონულ ფოსტაზე შეტყობინების მიღებიდან არაუგვიანეს 5 სამუშაო დღის განმავლობაში საკუთარი ხარჯებით შეაკეთოს შესყიდვის ობიექტი. შეკეთების შეუძლებლობის შემთხვევაში კი შეცვალოს ახლით არაუგვიანეს 10 სამუშაო დღის განმავლობაში

პრეტენდენტი ვალდებულია ფასების ცხრილში მიუთითოს ინფორმაცია საგარანტიო ვადის შესახებ.

პრეტენდენტის მიერ ფასების ცხრილში მითითებული უნდა იქნას ინფორმაცია შემოთავაზებული შესყიდვის ობიექტის წარმოშობის ქვეყნის, მწარმოებლის/ბრენდის და მოდელი/დასახელების შესახებ.

1. პრეტენდენტს ქ. თბილისის ტერიტორიაზე საკუთრებაში ან სარგებლობაში უნდა გააჩნდეს მინიმუმ 1 (ერთი) სერვის-ცენტრი სადაც განხორციელდება მომსახურების გაწევა. პრეტენდენტი ვალდებულია წარმოადგინოს საკუთრების/სარგებლობის დამადასტურებელი დოკუმენტი, ფართის სარგებლობის შემთხვევაში - სარგებლობის დამადასტურებელი დოკუმენტი დამოწმებული უნდა იყოს ნოტარიულად ან გატარებული უნდა იყოს საჯარო რეესტრში (წარმოდგენილი უნდა იყოს აღნიშნული დოკუმენტი).

პრეტენდენტი ვალდებულია წარმოადგინოს შემდეგი დოკუმენტაცია:

ა) ინფორმაცია მომსახურების გასაწევად შემოთავაზებული სერვის-ცენტრ(ებ)ის ადგილმდებარეობის შესახებ (შესაბამისი მისამართ(ებ)ის მითითებით). ამასთან ერთად, შემოთავაზებული სერვის-ცენტრის საკუთრების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი) - იმ შემთხვევაში, თუ სერვის-ცენტრი წარმოადგენს პრეტენდენტის საკუთრებას;

ბ) იჯარის ხელშეკრულება, რომლის მიხედვითაც იჯარის ვადა უნდა იყოს არანაკლებ 2024 წლის 30 სექტემბრის ჩათვლით - იმ შემთხვევაში, თუ სერვის-ცენტრი პრეტენდენტს აქვს სარგებლობის უფლებით. ასევე, ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე (განახლებული საჯარო რეესტრის ამონაწერი და ა.შ.);

გ) ქვეკონტრაქტორის არსებობის შემთხვევაში პრეტენდენტი ვალდებულია წარმოადგინოს სატენდერო დოკუმენტაციის 2.8.1 პუნქტით გათვალისწინებული დოკუმენტაცია.

შენიშვნა: საჯარო რეესტრის ამონაწერის წარმოდგენისას პრეტენდენტი ვალდებულია წარმოადგინოს წინამდებარე ტენდერის გამოცხადების შემდგომი თარიღით განახლებული დოკუმენტი.

პრეტენდენტმა ერთიანი ელექტრონული სისტემის მეშვეობით უნდა წარმოადგინოს შემოთავაზებული საქონლის მწარმოებლის მიერ გაცემული ინფორმაცია/დოკუმენტი ან ვებ-ბმული მწარმოებლის ოფიციალური ვებ-გვერდიდან, ან კატალოგიდან, რომელიც დაადასტურებს შემოთავაზებული საქონლის ტექნიკური მახასიათებლების შესაბამისობას სატენდერო დოკუმენტაციით განსაზღვრულ მოთხოვნებთან. შესაძლებელია ინფორმაცია ტექნიკური მახასიათებლების შესახებ ქარხნულად იყოს მითითებული შესყიდვის ობიექტზე ან/და მის შეფუთვაზე, შესაბამისად პრეტენდენტმა ელექტრონული სისტემის მეშვეობით უნდა წარმოადგინოს აღნიშნულის დამადასტურებელი ფოტოსურათი. იმ შემთხვევაში, თუ პრეტენდენტის მიერ მწარმოებლის ოფიციალური ვებ-გვერდიდან წარმოდგენილ ლინკზე მოცემული ინფორმაცია იქნება ინგლისურ ენოვანი, მისი თარგმნა არ არის აუცილებელი.

სერვისის გამწევი (მოწყობილობების ა/მანქანაზე მონტაჟის განმახორციელებელი) ქვეკონტრაქტორის არსებობის შემთხვევაში (სერვისცენტრი უნდა იყოს განთავსებული ქ. თბილისში) პრეტენდენტი ვალდებულია წარმოადგინოს:

ა) ქვეკონტრაქტორთან გაფორმებული მოქმედი ხელშეკრულება (წარმოდგენილ ხელშეკრულებაში, ხელშეკრულების საგანში გარკვევით უნდა იკითხებოდეს (ტექსტის შინაარსიდან ირვეოდეს) ინფორმაცია წინამდებარე ტენდერით განსაზღვრული ანალოგიური საქონლის ა/მანქანაზე მონტაჟის განხორციელების თაობაზე). ასევე, სავალდებულოა რომ აღნიშნულ ხელშეკრულებაში სამონტაჟო სამუშაოების შესრულების ვადები განსაზღვრული იყოს არანაკლებ 2024 წლის 30 სექტემბრის ჩათვლით.

ბ) ქვეკონტრაქტორის სერვის-ცენტრის საკუთრების და/ან სარგებლობის უფლების დამადასტურებელი (განახლებული საჯარო რეესტრის ამონაწერი, საკუთრების შემთხვევაში) შესაბამისი დოკუმენტაცია. ამასთან, შემოთავაზებული სერვის-ცენტრის იჯარის შემთხვევაში, იჯარის ვადა შესაბამისი ხელშეკრულებით განსაზღვრული უნდა იყოს არანაკლებ 2024 წლის 30 სექტემბრის ჩათვლით. ამასთან, სერვის-ცენტრის იჯარის შემთხვევაში უნდა იქნას წარმოდგინილი როგორც იჯარის ხელშეკრულება, ასევე განახლებული საჯარო რეესტრის ამონაწერი.

შენიშვნა: საჯარო რეესტრის ამონაწერი უნდა იყო წინამდებარე ტენდერის გამოცხადების შემდგომი თარიღით განახლებული დოკუმენტი.

1. დისკვალიფიკაციას დაექვემდებარება პრეტენდენტი, თუ სატენდერო დოკუმენტაციის დაზუსტებისას, ასევე, საბოლოო ფასის შესაბამისად დაზუსტებული ფასების ცხრილის წარმოდგენისას განახორციელებს თავდაპირველად შემოთავაზებული საქონლის წარმოშობის ქვეყნის, საქონლის მწარმოებელის/ბრენდის ან/და მოდელის/დასახელების შეცვლას.

2. დაზუსტებას არ ექვემდებარება ტექნიკური დოკუმენტაცია და პრეტენდენტი დაექვემდებარება დისკვალიფიკაციას, თუ პრეტენდენტის მიერ წარმოდგენილ ტექნიკურ დოკუმენტაციაში არ არის წარმოდგენილი ან მასში არ არის მითითებული ინფორმაცია შესყიდვის ობიექტის წარმოშობის ქვეყნის, მწარმოებელის/ბრენდის და მოდელის/დასახელების შესახებ, ასევე ,,წინადადებიე მიღება დასრულებულია“ ეტაპზეარ არის წარმოდგენილი ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

3. დაზუსტებას არ ექვემდებარება ტექნიკური დოკუმენტაცია და პრეტენდენტი დაექვემდებარება დისკვალიფიკაციას, თუ პრეტენდენტის მიერ რომელიმე პოზიციაზე შემოთავაზებული იქნება ისეთი შესყიდვის ობიექტი, რომელსაც არ გააჩნია წარმოშობის ქვეყანა, მწარმოებელი/ბრენდი და მოდელი/დასახელება.

4. დაზუსტებას არ ექვემდებარება ტექნიკური დოკუმენტაცია და პრეტენდენტი დაექვემდებარება დისკვალიფიკაციას, თუ პრეტენდენტის მიერ წარმოდგენილ ტექნიკურ დოკუმენტაციაში შესყიდვის ობიექტის რომელიმე პოზიციაზე პრეტენდენტის მიერ მითითებული იქნება ორი ან/და მეტი წარმოშობის ქვეყანა, მწარმოებელი/ბრენდი და მოდელი/დასახელება

5. შემოთავაზებული შესყიდვის ობიექტის ერთეულის ფასები არ უნდა იყოს მრავალნიშნა ათწილადი და უნდა დამრგვალდეს მეასედებამდე.

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას ექსპერტიზის ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილში განსაზღვრული შესყიდვის ობიექტის მიწოდების შესაძლებლობა.

2. დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მიმწოდებელთან განხორციელდება უნაღდო ანგარიშსწორებით ლარში ეტაპობრივად ფაქტიურად მიწოდებულ შესყიდვის ობიექტზე მიღება – ჩაბარების აქტის და საქართველოს კანონმდებლობით დადგენილი შესაბამისი დოკუმენტაციის წარმოდგენის შემდეგ.

ანგარიშსწორება შემსყიდველის მიერ მოხდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) გამოწერისა და წარმოდგენის შემდეგ არაუგვიანეს 10 სამუშაო დღის ვადაში.

გიორგი ნიჟარაძე, 591640101, gnizharadze0101@gmail.com

1.ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ (თარგმნის სისწორის დასტურად) უნდა დაერთოს ნოტარიულად დამოწმებული ქართული თარგმანი.
2. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად (შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით).
3. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება წარმოადგინოს ალტერნატიული წინადადება.
5. სატენდერო წინადადებაში საერთო და ერთეულის ფასი გამოსახულ უნდა იყოს: საქართველოს კანონმდებლობით გათვალისწინებული ყველა გადასახადის და შესყიდვის ობიექტის მიწოდებასთან დაკავშირებული ყველა ხარჯის გათვალისწინებით.
6.პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტენაში ატვირთული ან შემსყიდველისათვის გადაცემული პერსონალური ინფორმაცია, საქართველოს შსს ქ.თბილისის პოლიციის დეპარტამენტის მიერ "პერსონალურ მონაცემთა დაცვის შესახებ" საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისათვის.
7.ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.