Компьютерное оборудование и принадлежности (Грузия - Тендер #43034632)

შესყიდვის ობიექტს წარმოადგენს სმართბარათის წამკითხველები.

12000 ცალი სმართბარათის წამკითხველი

შემოთავაზებული უნდა იყოს სმართბარათის წამკითხველი USB ინტერფეისით (შემდგომ „USB-წამკითხველი“).


სმართბარათების წამკითხველები (შემდგომ „წამკითხველები“) უნდა აკმაყოფილებდნენ შემდეგ მოთხოვნებს:
ა) ტექნიკური პარამეტრები

1. წამკითხველს უნდა შეეძლოს წაიკითხოს ISO 7816 კლასი A, B და C (5 ვოლტი, 3 ვოლტი, 1.8 ვოლტი ) კონტაქტური ბარათები
2. წამკითხველი არ უნდა საჭიროებდეს კვების განცალკევებულ წყაროს და უნდა იკვებებოდეს სტანდარტული USB პორტიდან (5 ვოლტი მუდმივი დენი, 50 მილიამპერამდე)
3. წამკითხველს ოპერირება უნდა შეეძლოს 0-50 გრადუს ცელსიუსზე
4. წამკითხველს უნდა გააჩნდეს T=0 და T=1 პროტოკოლების მხარდაჭერა
5. წამკითხველი კომპიუტერს უნდა უერთდებოდეს USB პორტით და გააჩნდეს CCID სტანდარტის მხარდაჭერა
6. წამკითხველს უნდა შეეძლოს მონაცემთა მიმოცვლა USB 2.0 სრული სისწრაფით (შენიშვნა: შემსყიდველი აცნობიერებს რომ მონაცემთა მიმოცვლის საბოლოო სიჩქარე ასევე შემოსაზღვრული იქნება „ჭკვიანი ბარათის“ სიჩქარით)
7. წამკითხველს უნდა გააჩნდეს მოკლე ჩართვისგან დაცვა ყველა კონტაქტისათვის
8. წამკითხველს უნდა გააჩნდეს PPS (Protocol and Parameters Selection) მხარდაჭერა
9. წამკითხველი გათვლილი უნდა იყოს ბარათის ჩადება-ამოღების სულ მცირე 100000 ციკლზე


ბ) პროგრამული ინტერფეისებისა და ოპერაციული სისტემების მხარდაჭერა
1. წამკითხველი თავსებადი უნდა იყოს შემდეგ ოპერაციულ სისტემებთან:
1.1. Microsoft Windows – XP-დან ზემოთ. მათ შორის, გააჩნდეს 64-ბიტიანი ვერსიების მხარდაჭერა Microsoft Windows Vista-დან ზემოთ
1.2. macOS (Mac OS X) – 10.6 (Snow Leopard) ან უფრო მაღალი
1.3. Linux - სულ მცირე Ubuntu Linux 14.04 LTS ან უფრო მაღალი
2. თითოეულ მხარდაჭერილ ოპერაციულ სისტემაში (იხ. პირველი პუნქტი) მხარდაჭერილი უნდა იყოს PC/SC ინტერფეისი
3. უნდა გააჩნდეს ISO 7816 სტანდარტული სიგრძის და გაფართოებული სიგრძის (Extended Length) APDU მხარდაჭერა როგორც ბრძანებებში (Command APDU) ისე მიღებულ პასუხებში (Response APDU)

გ) სხვა სტანდარტებთან თავსებადობა

1. EN 60950 ან/და IEC 60950
2. RoHS
3. CE
4. FCC
5. WHQL

დ) „ჭკვიანი“ ბარათების მხარდაჭერა

1. წამკითხველი თავსებადი უნდა იყოს შემდეგ „ჭკვიან ბარათებთან“ (Smart Card):
1.1. პირადობის (ბინადრობის) ელექტრონული მოწმობა;
1.2. კვალიფიციური ელექტრონული შტამპის შექმნის საშუალება, რომელიც გაიცემა საქართველოს იუსტიციის მინისტრის 2018 წლის 29 ივნისის N315 ბრძანებით დამტკიცებული წესით;
2. ორივე ბარათისათვის მხარდაჭერილი უნდა იყოს როგორც ავთენტიფიკაციის, ისე კვალიფიციური ელექტრონული ხელმოწერის/კვალიფიციური ელექტრონული შტამპის ფუნქცია. მათ შორის პირადობის (ბინადრობის) ელექტრონულ მოწმობაზე სერტიფიკატების განახლება.

შესყიდვის ობიექტის მიწოდება უნდა განხორციელდეს ხელშეკრულების დადებიდან 60 კალენდარული დღის განმავლობაში.

შესყიდვის ობიექტის მიწოდების ადგილი: ქ. თბილისი, აკ. წერეთლის გამზ.N67ა.

შესყიდვის ობიექტზე უნდა ვრცელდებოდეს საგარანტიო მომსახურება მიღება-ჩაბარების აქტის გაფორმების დღიდან არანაკლებ ერთი წლის განმავლობაში.

საგარანტიო ვადის განმავლობაში, ხარვეზის აღმოჩენის შემთხვევაში შემსყიდველის მიერ დგება შესაბამისი წერილობითი დოკუმენტი, სადაც აღიწერება არსებული ხარვეზი, რის საფუძველზეც მიმწოდებელი ვალდებულია აღნიშნული აღმოფხვრას ხარვეზი.

გარანტია უნდა ვრცელდებოდეს, როგორც შემოთვაზებულ მოწყობილობაზე სრულად, ასევე მოწყობილობის ნებისმიერ ნაწილზე.გარანტიის მოქმედების პერიოდში მოწყობილობის ნებისმიერი ნაწილის დაზიანების შემთხვევაში მიმწოდებელი ვალდებულია ისინი ჩაანაცვლოს იმავე ან უკეთესი მონაცემების (ყველა კომპონენტში) მქონე ნაწილებით. ამასთან, საგარანტიო პირობით მიწოდებული საქონელი ან მისი შემადგენელი მოწყობილობა არ უნდა აუარესებდეს მის ტექნიკურ მახასიათებლებს და არ უნდა იწვევდეს ხარვეზებს საქონლის დანიშნულებისამებრ ფუნქციონირებაში. საგარანტიო პერიოდში მთლიანად მოწყობილობის ან/და დაზიანებული ნაწილის ჩანაცვლება უნდა მოხდეს გონივრულ ვადაში, თუმცა არ უნდა აღემატებოდეს 20 (ოცი) სამუშაო დღეს. ხარვეზის გამოსასწორებლად გათვალისწინებული ვადა მიმწოდებელს არ ჩაეთვლება მიწოდების ვადის გადაცილებად და არ დაეკისრება პირგასამტეხლო.

პრეტენდენტმა, ფასების ცხრილის შესაბამის გრაფაში ჩაწერის გზით, უნდა წარმოადგინოს ინფორმაცია შემოთავაზებული შესყიდვის ობიექტის მწარმოებელი კომპანიისა და მწარმოებლის მიერ მინიჭებული დასახელების (მოდელის) შესახებ.

შენიშვნა: „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 27-ე მუხლის მე-3 პუნქტის შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის მწარმოებელი კომპანიისა და მწარმოებლის მიერ მინიჭებული დასახელების (მოდელის) შესახებ.

1. პრეტენდენტმა სისტემის მეშვეობით უნდა წარმოადგინოს წინამდებარე კითხვარის 1.3 პუნქტით გათვალისწინებული ფასების ცხრილი.

2. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი წინამდებარე კითხვარის 1.3 პუნქტით გათვალისწინებული ფასების ცხრილი.

3. პრეტენდენტს აქვს ერთ პოზიციაზე სხვადასხვა მოდელის შემოთავაზების შესაძლებლობა.

1. სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). წარმოდგენილი ინფორმაცია და დოკუმენტ(ებ)ი უნდა ადასტურებდეს პრეტენდენტის მიერ ხელშეკრულებით ნაკისრი ვალდებულებების შესრულების შესაძლებლობას, როგორც დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

2. პრეტენდენტის მიერ ფასწარმოქმნის ადეკვატურობის დასაბუთების მიზნით, პირველი პუნქტით განსაზღვრული დასკვნის წარმოდგენის შემთხვევაში, ფასწარმოქმნის ადეკვატურობის შეფასება გაკეთებული უნდა იყოს შეფასების მომენტისთვის არსებული მდგომარეობის განხილვის შედეგად მიღებული მონაცემების გათვალისწინებით და არა სამომავლოდ განსახორციელებელ მანიპულაციაზე ან მომავალში ჩასატარებელ რაიმე ღონისძიებაზე ან მოვლენაზე დაყრდნობით

2 Процентов

4 Процентов

ხელშეკრულების უზრუნველყოფის საბანკო/სადაზღვევო გარანტიის ვადა ერთი თვით უნდა აღემატებოდეს ხელშეკრულების მოქმედების ვადას.

1. ხელშეკრულების შესრულების უზრუნველყოფის მიზნით წარმოდგენილი საბანკო/სადაზღვევო გარანტია მიმწოდებელს არ დაუბრუნდება მის მიერ ხელშეკრულების პირობების შეუსრულებლობის ან არასრული შესრულების შემთხვევაში.
2. ხელშეკრულების შესრულების უზრუნველყოფის მიზნით, მიმწოდებლის მიერ წარმოდგენილი ხელშეკრულების შესრულების უზრუნველყოფის --%-იანი საბანკო/სადაზღვევო გარანტია გამოიყენება ნებისმიერი ზარალის ანაზღაურების მიზნით, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არასრული შესრულების გამო.
3. იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულად შესრულებას ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია მიმწოდებლის წერილობითი მოთხოვნის საფუძველზე უზრუნველყოს გარანტიის დაუყოვნებლივ დაბრუნება.
4. მიმწოდებლის მიერ ხელშეკრულებით გათვალისწინებული ვალდებულებების დარღვევის (ხელშეკრულებით გათვალისწინებული ვალდებულებების შეუსრულებლობა და/ან შესრულებაზე უარის თქმა და/ან ხარვეზის აღმოსაფხვრელად მიმწოდებლის მიერ შესაბამისი ღონისძიებების განუხორციელებლობა) შემთხვევაში, მიმწოდებელს საბანკო/სადაზღვევო გარანტიით გათვალისწინებული თანხა არ დაუბრუნდება.
5. მიმწოდებლისაგან დამოუკიდებელი მიზეზების გამო, ხელშეკრულების შეწყვეტის შემთხვევაში, შემსყიდველი მიმწოდებლის მოთხოვნისთანავე უზრუნველყოფს ხელშეკრულების შესრულების უზრუნველყოფის საბანკო/სადაზღვევო გარანტიის დაბრუნებას.

ანგარიშსწორება განხორციელდება ეტაპობრივად, შესყიდვის ობიექტის მიწოდების შესახებ მიღება-ჩაბარების აქტის გაფორმების შემდგომ.

ანგარიშსწორება განხორციელდება ეტაპობრივად, შესყიდვის ობიექტის მიწოდების შესახებ მიღება-ჩაბარების აქტის გაფორმებიდან და საგადასახადო ანგარიშფაქტურის წარმოდგენიდან (დღგ-ს გადამხდელად რეგისტრაციის შემთხვევაში) არაუგვიანეს 10 სამუშაო დღის განმავლობაში.

ლანა თუთბერიძე, 592255272, l.tutberidze@sda.gov.ge

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები და გადასახდელები) გათვალისწინებით, დღგ-ს ჩათვლით;
10.1.2 როგორც თქვენთვის ცნობილია, 2019 წლის 1 იანვრიდან შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ყველა ელექტრონულ დოკუმენტზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით. აღნიშნული წესით შესრულებული დოკუმენტი იურიდიული ძალის მქონეა.
დოკუმენტების ელექტრონულად დამოწმება შესაძლებელია შემდეგი ფორმით:
1) სატენდერო წინადადებისა თუ დაზუსტებული ინფორმაციის ელექტრონულად წარსადგენად შესაძლებელია თავფურცელის (წერილის სახით) უფლებამოსილი პირის მიერ ელექტრონულად ხელმოწერილი ან ორგანიზაციის ელექტრონული შტამპით დამოწმებული სახით მომზადება, რომელშიც მითითებული იქნება, რა მიზნით წარადგენთ დოკუმენტებსა თუ ინფორმაციას და აქვე ჩამოთვლით იმ დოკუმენტებსა თუ ინფორმაციას, რომლის წარმოდგენასაც გეგმავთ სატენდერო წინადადებისა თუ დაზუსტებული ინფორმაციის სახით. ასეთ შემთხვევაში წერილის დანართ(ებ)ი არ საჭიროებენ ელექტრონულად დამოწმებას. ერთიან ელექტრონულ სისტემაში ასეთი სახით წარმოდგენილი დოკუმენტაცია ჩაითვლება ელექტრონულად დამოწმებულად ან 2) სავალდებულოა პრეტენდენტის მიერ შექმნილი ნებისმიერი დოკუმენტის (მათ შორის: ფასების ცხრილი, გეგმა-გრაფიკი და სხვა) დამოწმება ელექტრონული ხელმოწერით ან/და კვალიფიციური ელექტრონული შტამპით.
10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც დაზუსტდება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 33-ე მუხლის პირველი პუნქტის შესაბამისად.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის (მათ შორის ფასების ცხრილთან დაკავშირებით) საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ"სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-8 მუხლის შესაბამისად;
10.1.8 სატენდერო წინადადებასთან ერთად, პრეტენდენტმა უნდა წარმოადგინოს საკუთარი ორგანიზაციის შესახებ ის ინფორმაცია (მათ შორის საბანკო), რომელიც არ არის შევსებული ელექტრონულ სისტემაში არსებულ მიმწოდებლის პროფილში.
10.1.9 სახელმწიფო შესყიდვებში ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით. აღნიშნული წესისგან გათავისუფლებული არიან არარეზიდენტი პირები 2024 წლის 01 იანვრამდე. შესაბამისად, მათ მიერ შექმნილი ნებისმიერი დოკუმენტი, ხელმოწერილი და ბეჭედდასმული (არსებობის შემთხვევაში) უნდა იყოს უფლებამოსილი პირის მიერ და ატვირთული იქნას სახელმწიფო შესყიდვების ერთიან ელექტრონულ სისტემაში.