Машины, оборудование и канцелярские принадлежности, за исключением компьютеров, принтеров и мебели (Грузия - Тендер #43034573)

ორიგინალი კარტრიჯები ფერადი, ლაზერული პრინტერებისთვის.

შესყიდვის ობიექტის ტექნიკური პარამეტრები (ტექნიკური მოთხოვნები) იხილეთ ატვირთულ ფაილში.

ორიგინალი კარტრიჯი უნდა იყოს ახალი, ქარხნული, შეფუთული მწარმოებლის ბრენდკოლოფში (ორიგინალი გულისხმობს პრინტერის მწარმოებლის მერ დამზადებულ ან/და ამავე მწარმოებლის მიერ უფლებამოსილი კომპანიის მიერ დამზადებულ პროდუქტს).

პრეტენდენტის მიერ მოწოდებული პროდუქცია არ უნდა იწვევდეს პრინტერების მუშაობის ხარისხის გაუარესებას და პრინტერების დეტალების დაზიანებას.

ხელშეკრულების გაფორმებიდან 50 (ორმოცდაათი) კალენდარული დღე.

რუსთავი, თბილისი-წითელი ხიდის გზატკეცილი 21-ე კმ, სსიპ საქართველოს შსს მომსახურების სააგენტო.

შესყიდვის ობიექტზე საგარანტიო ვადა უნდა შეადგენდეს არანაკლებ 1 (ერთი) წელს მიღება-ჩაბარების აქტის გაფორმებიდან.

1.7.1.1 კარტრიჯი ბეჭდვისას არ უნდა ავლენდეს ხარვეზებს: წერტილები, თეთრი და შავი ზოლები და ა.შ.
1.7.1.2 ექსპლუატაციის პროცესში შესყიდვის ობიექტის მიერ დეფექტის/წუნის/ხარვეზის გამოვლენის შემთხვევაში, მიმწოდებელმა საკუთარი ხარჯებით უნდა აღმოფხვრას გამოვლენილი ნებისმიერი ხარვეზი/წუნი/დეფექტი, აგრეთვე, საჭიროების შემთხვევაში უნდა უზრუნველყოს წუნდებული საქონლის შეცვლა ახლით, შემსყიდველის მოთხოვნიდან 20 (ოცი) კალენდარული დღის ვადაში, გარდა იმ შემთხვევისა, თუ ასეთი ხარვეზი გამოწვეულია შემსყიდველის მიერ მექანიკური დაზიანებით.

1.7.1.3 საგარანტიო ვადაში საქონლის მიერ გამოვლენილი ხარვეზის/წონის/დეფექტის აღმოფხვრის გამო ტრანსპორტირების საჭიროების შემთხვევაში, საქონლის ტრანსპორტირება უნდა უზრუნველყოს მიმწოდებელმა.

მიმწოდებლისთვის შეტყობინების გაგზავნა მოხდება ელექტრონული ფოსტის ან სატელეფონო კომუნიკაციის საშუალებით.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი/ბრენდი, წარმოშობის ქვეყანა და მოდელი/დასახელება.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.9.1 შემოთავაზებულ თითოეულ ორიგინალ კარტრიჯს გაყალბებისგან და ფალსიფიცირებული პროდუქციისაგან დაცვის მიზნით ყუთზე უნდა ჰქონდეს დატანილი გაყალბებისაგან დამცავი 3D ჰოლოგრამა, ასევე თითოეულ ორიგინალ კარტრიჯს უნდა ჰქონდეს უნიკალური კოდი, რომლის საშუალებითაც მწარმოებლის საიტზე უნდა მოწმდებოდეს თითოეული კარტრიჯი.
2.9.2 იმ შემთხვევაში, თუკი პრეტენდენტის მიერ არ იქნა შემოთავაზებული პრინტერის მწარმოებლის მიერ დამზადებული კარტრიჯი, პრეტენდენტი ვალდებულია წარმოადგინოს მის მიერ შემოთავაზებული კარტრიჯის მწარმოებლის სახელზე პრინტერის მწარმოებლის მიერ გაცემული უფლებამოსილების დამადასტურებელი დოკუმენტი.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება ფაქტიურად მოწოდებული საქონლის მიღება-ჩაბარების აქტის გაფორმების, სასაქონლო ზედნადებისა და შესაბამისი ღირებულების დღგ-ს გადასახადის ანგარიშ-ფაქტურის წარმოდგენიდან 10 (ათი) სამუშაო დღის განმავლობაში.

ეკატერინე თაბუაშვილი, 577943500, tabuashvili.e@sa.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3. ალტერნატიული სატენდერო წინადადება არ განიხილება;
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ, თუ იგი არის დღგ-ს გადამხდელი საქართველოს კანონმდებლობის შესაბამისად.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.9 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.10 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ საქართველოს შსს მომსახურების სააგენტოს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის“.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 ფასების ცხრილი დანართი N1-ის შესაბამისად (რომელშიც ასახული იქნება დეტალური ინფორმაცია შემოთავაზებული საქონლის ტექნიკური მახასიათებლების, მიწოდების ვადების, საგარანტიო ვადების, მისაწოდებელი საქონლის მწარმოებელი/ბრენდის, წარმოშობის ქვეყნისა და მოდელი/დასახელების მითითებით. (შესყიდვის ობიექტის წარმოშობის ქვეყნის, მწარმოებელი/ბრენდის ან/და მოდელის შესახებ ინფორმაციის წარმოუდგენლობა, ასევე ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

10.2.2 იმ შემთხვევაში, თუ კი პრეტენდენტის მიერ არ იქნა შემოთავაზებული პრინტერის მწარმოებლის მიერ დამზადებული კარტრიჯი, პრეტენდენტი ვალდებულია წარმოადგინოს მის მიერ შემოთავაზებული კატრიჯის მწარმოებლის სახელზე პრინტერის მწარმოებლის მიერ გაცემული უფლებამოსილების დამადასტურებელი დოკუმენტი.