Спортивные товары и оборудование (Грузия - Тендер #42869130)

სპორტული საქონელი და აღჭურვილობა.

შესყიდვის ობიექტის რაოდენობა და ტექნიკური პარამეტრები იხილეთ ატვირთულ ფაილში (დანართი N2 - ტექნიკური დავალება).

- დასაშვებია ტექნიკური დავალებით მოთხოვნილი შესყიდვის ობიექტის გაუმჯობესებული პარამეტრებით შემოთავაზება.

შესყიდვის ობიექტის მიწოდება განხორციელდება ხელშეკრულების გაფორმებიდან ერთიანად ან/და ეტაპობრივად არაუმეტეს 120 (ასოცი) კალენდარული დღის განმავლობაში.

შესყიდვის ობიექტის მიწოდება (დაცლა/დასაწყობება/მონტაჟი) მიმწოდებელმა უნდა უზრუნველყოს ერთიანად ან/და ეტაპობრივად საკუთარი ხარჯით, შემდეგ მისამართებზე.

1) სპეციალური პენიტენციური სამსახურის ცენტრალური საწყობი - ქ. თბილისი, ჟორესის ქ. N10.

2) ესკორტირებისა და სპეციალურ ღონისძიებათა მთავარი სამმართველო - ქ. თბილისი, ხიზანიშვილის N260.

3) პენიტენციური დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს წვევამდელთა მომზადების განყოფილება - ქ.რუსთავი, მშენებელთა ქ. №60.

ამასთან, საქონლის მიწოდების შემდგომ 1 (ერთი) კალენდარული წლის განმავლობაში შესაძლოა საჭირო გახდეს მისი მონტაჟი (ასეთის საჭიროების შემთხვევაში) შემსყიდველის მოთხოვნიდან 5 (ხუთი) სამუშაო დღეში, როგორც ესკორტირებისა და სპეციალურ ღონისძიებათა მთავარ სამმართველოში, ასევე პენიტენციური დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს წვევამდელთა მომზადების განყოფილებაში და ყველა პენიტენციურ დაწესებულებაში.

ა) სატენდერო პირობების ტექნიკური დავალების 1.2 პუნქტის დანართი N2-ით მოთხოვნილ 1, 2, 3, 4, 5, 6, 7, 13, 14, 15, 16, 17, 19, 22, 23, 24, 30, 31, 32, 33, 34, 35, და 52 პოზიციებზე უნდა ვრცელდებოდეს საგარანტიო ვადა მიღება-ჩაბარების აქტის გაფრომებიდან არანაკლებ 2 (ორი) წელი.

ბ) საგარანტიო პერიოდში სწორი ექსპლუატაციის შემთხვევაში 2 (ორი) წლის მანძილზე თუ მოხდა შესყიდვის ობიექტ(ებ)ის დაზიანება, მიმწოდებელმა საკუთარი ხარჯებით უნდა უზრუნველყოს დაზიანებული შესყიდვის ობიექტ(ებ)ის შეკეთება ან/და ჩანაცვლება ახლით 30 (ოცდაათი) კალენდარულ დღეში.

შენიშვნა: აღნიშნული ინფორმაცია პრეტენდენტის მიერ წარმოდგენილ უნდა იქნას ერთიანი ელექტრონული სისიტემის მეშვეობით.

პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის წარმოშობის ქვეყანა, მწარმოებელი ან/და ბრენდი და მოდელი (მოდელის არარსებობის შემთხვევაში, უნდა მიეთითოს ტექსტი მოდელი არ აქვს). აღნიშნული ინფორმაციის მიუთითებლობა გამოიწვევს პრეტენდენტის დისკვალიფიკაციას.

წუნდებული საქონლის გამოცვლის ვადა შემსყიდველის მოთხოვნიდან არაუმეტეს 30 (ოცდაათი) კალენდარულ დღეში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

2 Процентов

4 Процентов

ხელშეკრულების უზრუნველყოფის საბანკო/სადაზღვევო გარანტიის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

ა) ხელშეკრულების უზრუნველყოფის უპირობო გამოუთხოვადი საბანკო/სადაზღვევო გარანტია, გარანტია წარმოდგენილი უნდა იყოს ეროვნულ ვალუტაში - ლარში.

ბ) მიმწოდებლის მიერ ხელშეკრულებით გათვალისწინებული ვალდებულების დარღვევის (ხელშეკრულებით გათვალისწინებული ვალდებულების შესრულებაზე უარის თქმა, ვალდებულების უხარისხოდ, არაჯეროვნად, არასრულად შესრულება და სხვა) შემთხვევაში, შემსყიდველს უფლება აქვს მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა. შემსყიდველს უფლება აქვს ასევე მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა იმ შემთხვევაში თუ იგი უარს აცხადებს დაკისრებული პირგასამტეხლოს გადახდაზე (პირგასამტეხლოს პროპორციულად).

გ) ხელშეკრულების უზრუნველყოფის უპირობო გამოუთხოვადი გარანტია წარმოდგენილი უნდა იქნას საბანკო ან სადაზღვევო დაწესებულებიდან (გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან).

დ) უცხოური ბანკებიდან საბანკო გარანტიების წარმოდგენის შემთხვევაში მათთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიების საფუძველზე საქართველოში აკრედიტირებული საბანკო დაწესებულების ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიის მიერ გაცემული „კონტრ გარანტიები“ (მიმწოდებლის მიერ მოთხოვნილ ვალუტაში). საბანკო გარანტიები და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).

1. მიმწოდებლის მოთხოვნის შემთხვევაში, შესაძლებელია განხორციელდეს საავანსო ანგარიშსწორება არაუმეტეს სახელშეკრულებო ღირებულების 70%-ის ოდენობით. ამ შემთხვევაში, მიმწოდებელი ვალდებულია წარმოადგინოს შესაბამისი ოდენობის საბანკო/სადაზღვეო გარანტია. საბანკო/სადაზღვეო გარანტიის მოქმედების ვადა მინიმუმ 2 (ორი) თვით უნდა აღემატებოდეს შესყიდვის ობიექტის სრული რაოდენობის მიწოდების დასრულებისათვის განსაზღვრულ ვადას. ამ შემთხვევაში ანგარიშსწორება განხორციელდება საავანსო საბანკო/სადაზღვევო გარანტიის წარმოდგენიდან 5 (ხუთი) სამუშაო დღის განმავლობაში.

2. ფაქტობრივად მიწოდებული საქონლის ღირებულების 100% მიმართული იქნება გაცემული ავანსის დასაფარად.

3. თეთრ სიაში რეგისტრირებული მიმწოდებლისთვის, საშეღავათო წინასწარი ანგარიშსწორების შემთხვევაში გაცემული ავანსის დაფარვა განხორციელდება შემდეგი წესით: მიწოდებული საქონლის ღირებულების პროპორციული გადახდისას პირველად იფარება გარანტიით გათვალისწინებული თანხის გარეშე, შეღავათით გაცემული ავანსი მის სრულ ამოწურვამდე, ხოლო შემდგომში მოხდება გარანტიით გათვალისწინებული თანხის დაფარვა მიწოდებული საქონლის ღირებულების 100%-ის ოდენობით.

4. იმ შემთხვევაში, თუ წინამდებარე ტენდერში გამარჯვებულ პრეტენდენტთან არ განხორციელდა ხელშეკრულების ჯამური ღირებულების ოდენობით ანგარიშსწორება სატენდერო პირობების 7.1.1 პუნქტის პირველი ქვეპუნტის და 7.3 პუნქტით დადგენილი წესით მიმდინარე წლის 25 დეკემბრამდე, მიმწოდებელი ვალდებულია წარმოადგინოს დამატებითი საავანსო საბანკო/სადაზღვეო გარანტია ხელშეკრულების დარჩენილი ღირებულების ოდენობაზე არაუგვიანეს 2023 წლის 25 დეკემბრისა. გარანტიის მოქმედების ვადა მინიმუმ 2 (ორი) თვით უნდა აღემატებოდეს შესყიდვის ობიექტის მიწოდების დასრულებისათვის განსაზღვრულ ვადას. ამ შემთხვევაში ანგარიშსწორება განხორციელდება საავანსო საბანკო/სადაზღვევო გარანტიის წარდგენიდან არაუგვიანეს 2023 წლის 29 დეკემბრისა.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება განხორციელდება შესყიდვის ობიექტის მიწოდების და თანმხლები დოკუმენტაციის წარმოდგენიდან 10 (ათი) სამუშაო დღის განმავლობაში.

პაატა ვარდიაშვილი, 577285082, pvardiashvili@sps.gov.ge ტექნიკურ საკითხებთან დაკავშირებით დაუკავშირდით დავით სხულუხიას - 577 563004 dskhulukhia1@sps.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.4 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი.
10.1.8 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.