Отделочные строительные работы (Грузия - Тендер #42869120)

სსიპ საზოგადოებრივი მაუწყებლის აჭარის ტელევიზიის და რადიოს ქ.ბათუმი, მ. აბაშიძის 16/18-ში მდებარე სატელევიზო გადაცემების სტუდიის განახლების სამუშაოების სახელმწიფო შესყიდვა

ტექნიკური დავალება:
1.2.1. სამუშაოები უნდა შესრულდეს ტექნიკურ დავალებაში, ფასების ცხრილებში (ხარჯთაღრიცხვა), ნახაზებსა და რენდერებში მოცემული პირობების და რაოდენობების შესაბამისად.
1.2.2. ტენდერში მონაწილეობით პრეტენდენტი ადასტურებს, რომ ეთანხმება ტექნიკური დავალებით გათვალისწინებულ პირობებს.
1.2.3. სატენდერო დოკუმენტაციაში (ხარჯთაღრიცხვაში) ჩამოთვლილ საქონელზე, იმ შემთხვევაში თუკი მითითებული იქნება კონკრეტული საქონლის ნიშანი, მოდელი, წარმოშობის წყარო ან მწარმოებელი იგულისხმება მსგავსი, უკეთესი ან ექვივალენტური.
1.2.4. პრეტენდენტმა სატენდერო დოკუმენტაციით გათვალისწინებული ხარჯთაღრიცხვის (შესასრულებელი სამუშაოების ჩამონათვალი, სატენდერო წინადადების ფასი, ფასების ცხრილი) წარმოდგენისას უნდა იხელმძღვანელოს საქართველოს ეკონომიკისა და მდგრადი განვითარების მინისტრის 2012 წლის 12 ივლისის N1-1/1463 ბრძანებისა და საქართველოს მთავრობის 2014 წლის 14 იანვრის N55 დადგენილების შესაბამისად.
1.2.5. პრეტენდენტის მიერ ხარჯთაღრიცხვა ატვირთული იქნას MS Excel-ის ფორმატის ფაილის სახით, დანართი №1–ის მიხედვით (ხარჯთაღრიცხვის წარმოუდგენლობა ან/და ხარჯთაღრიცხვის განსაფასებელი პოზიციების რაოდენობის 1%-ზე მეტის განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
1.2.6. მიმწოდებელი ვალდებულია სამუშაოების შესრულებისას წარმოქმნილი ნარჩენები განათავსოს მუნიციპალიტეტის მიერ სპეციალურად საამისოდ გამოყოფილ ადგილზე.
1.2.7. სამუშაოთა დასრულების შემდეგ, მიმწოდებელი ვალდებულია თავისი ძალებით და სახსრებით დაუყონებლივ გაათავისუფლოს სამუშაო ადგილი მანქანა-მექანიზმებისაგან, მოწყობილობა-დანადგარებისაგან, მასალებისაგან და ა.შ.

1.4.1. ტენდერში გამარჯვებულმა პრეტენდენტმა სამუშაოები უნდა დაიწყოს ხელშეკრულების გაფორმების შემდგომ, 2023 წლის 01 აგვისტოს და დაასრულოს 2023 წლის 31 აგვისტოს ჩათვლით პერიოდში;
1.4.2. შესრულებული სამუშაოების ხარჯთაღრიცხვასთან და პროექტთან შესაბამისობის ექსპერტიზის დასკვნის წარმოსადგენად ტენდერში გამარჯვებულ პრეტენდენტს დამატებით ეძლევა 30 (ოცდაათი) კალენდარული დღე, რომლის ათვლა დაიწყება ხელშეკრულებით გათვალისწინებული ვალდებულების შესრულებიდან მაგრამ არაუგვიანეს ხელშეკრულებით გათვალისწინებული შესასრულებელი სამუშაოს ვადის ამოწურვიდან.
1.4.3. შესრულებული სამუშაოების ხარჯთაღრიცხვასთან და პროექტთან შესაბამისობის ექსპერტიზის დასკვნის წარმოსადგენამდე განახლებული სტუდიაში მუშაობა განხორციელდება სატესტო რეჟიმში შემსყიდველის მიერ განსაზღვრული ინსპექტირების ჯგუფის კონტროლის ქვეშ.

1.5.1 სამუშაოები სრულდება შემდეგ მისამართზე: ქ. ბათუმი, მემედ აბაშიძის ქუჩა N16-18 , სსიპ საზოგადოებრივი მაუწყებლის აჭარის ტელევიზიის და რადიოს ადმინისტრაციულ შენობაში სატელევიზიო გადაცემების სტუდია.
1.5.2 მიმწოდებელი ვალდებულია სამუშაოები აწარმოოს საქართველოში მოქმედი სამშენებლო ნორმებისა და წესების დაცვით, აგრეთვე დაიცვას უსაფრთხოების წესები. სამუშაო ადგილის ფარგლებში მინიმუმამდე დაიყვანოს გარემოზე ეკოლოგიური ზემოქმედება, მუშაობით გამოწვეული ხმაურის, ვიბრაციის და მტვრის გავლენა.

1.6.1. შესრულებული სამუშაოს ხარისხის საგარანტიო ვადად განისაზღვრება საბოლოო მიღება-ჩაბარების აქტის გაფორმებიდან 1 (ერთი) წელი, იმ შემთხვევაში, თუ შესრულებულ სამუშაოებს, დეკორაციას ან/და სტუდიურ რეკვიზიტებს სწორი ექსპლუატაციის პირობებში აღმოაჩნდება გარკვეული ხარვეზები, მიმწოდებელი ვალდებულია შემსყიდველის შეტყობინების მიღებიდან აღნიშნული დეფექტი აღმოფხვრას 3 (სამი) დღის განმავლობაში.
შენიშვნა:
პრეტენდენტი ტენდერში მონაწილეობით ავტომატურად აცხადებს თანხმობას სამუშაოს საგარანტიო ვადებთან და პირობებთან დაკავშირებით, რომელიც შემდგომში წარმოადგენს ხელშეკრულების განუყოფელ ნაწილს.

2.2.1. პრეტენდენტს 2020 წლის 01 იანვრიდან – წინამდებარე ტენდერის გამოცხადებამდე პერიოდში ჯამურად უნდა ჰქონდეს შესრულებული არანაკლებ 51 510 ლარის ღირებულების ოდენობის ანალოგიური ხასიათის, სირთულის და შინაარსის სამუშაოები. პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის (დეკორაციული სამუშაოები), სირთულის და შინაარსის სამუშაოების დასრულების დამადასტურებელი დოკუმენტის ასლები (სამუშაოების შესრულების აქტი, ან/და შესრულებული სამუშაოების მიღება-ჩაბარების აქტი, ან/და დამკვეთის მიერ გაცემული შესრულებული სამუშაოების დამადასტურებელი ცნობა).
სახელმწიფო შესყიდვების ერთიან სისტემაში ატვირთული ხელშეკრულებების შემთხვევაში, დასაშვებია CMR ან სატენდერო განცხადების ნომრის წარმოდგენა..
2.2.2.ინფორმაცია წარმოდგენილი უნდა იქნას ჩამონათვალის სახით (არსებობის შემთხვევაში CMR/SPA/NAT ნომრის მითითებით) დანართის მიხედვით (იხ. დანართი), რომელსაც თან უნდა ერთვოდეს აღნიშნულის დამადასტურებელი დოკუმენტები.
2.2.3. იმ შემთხვევაში, თუ გამოცილდების დამადასტურებელი დოკუმენტები ატვირთულია ერთიან ელექტრონულ სისტემაში (შესყიდვების ოფიციალური პორტალი https://tenders.procurement.gov.ge), საკმარისია მხოლოდ მითითება შესაბამის რეგისტრაციის ნომრებზე (მაგ: NAT/CMR/SPA და ა.შ).

თუ წარმოდგენილ დოკუმენტებზე ხელს არ აწერს ხელმძღვანელობასა და წარმომადგენლობაზე უფლებამოსილ პირი (რეგისტრირებული ასეთად), ხელმომწერი პირი ვალდებულია წარმოადგინოს შესაბამისი უფლებამოსილების დამადასტურებელი დოკუმენტი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

1. ანგარიშსწორება მოხდება მხარეთა შორის მიღება-ჩაბარების აქტის (საბოლოო) გაფორმების შემდგომ.
2.მიღება-ჩაბარების აქტის (საბოლოო) ფორმდება წინამდებარე სატენდერო დოკუმენტაციის 1.4. პუნქტით გათვალისწინებული "შესრულებული სამუშაოების ხარჯთაღრიცხვასთან და პროექტთან შესაბამისობის" ექსპერტიზის დადებითი დასკვნის წარმოდგენის შემდგომ.

ანგარიშსწორება მოხდება მიღება-ჩაბარების აქტის (საბოლოო) გაფორმებიდან არაუგვიანეს 10 (ათი) სამუშაო დღის ვადაში.

ია გოგოლაშვილი, 595028001, gogolashvili.iako.tv@gmail.com

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.
2. მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.
3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.
4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.
7. პრედენდენტს არა აქვს უფლება წარმოადგინოს ალტერნატიული სატენდერო წინადადება.
8. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯისა და გადასახადის ჩათვლით.
9. პრეტენდენტის მიერ ერთიანი ელექტრონული სისტემის მეშვეობით ხარჯთაღრიცხვის წარმოუდგენლობა, ან წარმოდგენილ ხარჯთაღრიცხვაში 1%-ზე მეტი განუფასებელი პოზიცი(ებ)ის შემთხვევაში მოხდება მისი დისკვალიფიკაცია დაზუსტების გარეშე.
10. ხარჯთაღრიცხვის ფორმაში დაუშვებელია სამუშაოების დასახელების, განზომილების, რაოდენობების და გაუთვლისწინებელი ხარჯების %-ის ცვლილება. ერთნაირი დასახელების სამუშაოზე გათვალისწინებული უნდა იყოს ერთნაირი ფასი.

12. პრეტენდენტის მიერ სავალდებულოდ წარმოსადგენი დოკუმენტებია:
12.1. სატენდერო დოკუმენტაციის 1.3. პუნქტის თანახმად - ხარჯთაღრიცხვა ;
12.2. სატენდერო დოკუმენტაციის 1.6. პუნქტის თანახმად - ინფორმაცია საგარანტიო პირობების შესახებ;
12.3. სატენდერო დოკუმენტაციის 2.2.1. პუნქტის თანახმად - ინფორმაცია პრეტენდენტის გამოცდილების შესახებ;