Услуги в области лесного хозяйства (Грузия - Тендер #42828790)

ფოთლოვანი სახეობის მერქნული რესურსის დამზადება

დასამზადებელია ფოთლოვანი სახეობის მერქნული რესურსი (წიფელი) მოცულობით 396,14 კუბ.მ

1. გასაწევი მომსახურების აღწერა
ა) ზეზემდგომი ხის ჭრა: სამუშაო ადგილის მომზადება (ხის ირგვლივ ადგილის გასუფთავება ქვეტყისგან, ამონაყრების, ეკალ-ბარდების და ბუნებრივი ნაყრისაგან). ხის ჭრა და განსაზღვრული მიმართულებით წაქცევა. ზეზემდგომი ხის ჭრის პარალელერად უზრუნველყოფილ იქნეს მოჭრილი ხის ნარჩენების განთავსება მოქმედი კანონმდებლობის შესაბამისად.
ბ) მოჭრილი ხის ღეროდან მაქსიმალურად იქნეს ამოღებული საქმისი მერქანი - მრგვალი მორი. აგრეთვე მაქსიმალურად 5 ან 6 მეტრის სიგრძის მრგვალი ხე-ტყის მორის მიღების მიზნით შოლტების დამორვა ბენზოხერხით: ძირზე დარჩენილი ღეროს ნაწილის მოჭრა შესწორება, შოლტზე გადასაჭრელი ადგილის მონიშვნა და მოჭრა.
გ) მოჭრილი ხის ღეროდან საშეშე კატეგორიის მერქანი დაიკოტროს 35 ან 40 სმ კოტრებად.
დ) შოლტების თრევა ტრაქტორით ტყეკაფზე.
ე) ხე-ტყის დახარისხება და დაშტაბელება ზედა საწყობში, რაც მოიცავს შოლტის მიგორებას, დახარისხებას სიგრძის და ხარისხის მიხედვით, გადაჭრას სატრანსპორტო საშუალებებზე დასატვირთად, გადაჭრილი მორების ხელმეორედ დახარისხებას სიგრძისა და ხარისხის მიხედვით.
ვ) ხე-ტყის დატვირთვა ტრანსპორტზე, ტრანსპორტირება ხე-ტყის საბოლოო დასაწყობების ადგილამდე და გადმოტვირთვა.
ზ) მიმწოდებელმა მოჭრილი-დამზადებული მერქნული რესურსი უნდა დაასაწყობოს სააგენტოს ან ხელშეკრულების ფარგლებში შექმნილი ხელშეკრულების პირობების შესრულებაზე კონტროლის განმახორციელებელი ჯგუფის მიერ მითითებულ ადგილას.
თ) მიმწოდებელმა მოჭრილი-დამზადებული მერქნული რესურსი, ხე-ტყის საბოლოო დასაწყობების ადგილზე ხელშეკრულების პირობების შესრულებაზე კონტროლის განმახორციელებელი ჯგუფის მითითების მიხედვით მრგვალი ხე-ტყე დაალაგოს შტაბელებად და ასევე დაკოტრილი 35 ან 40 სმ კოტრები განათავსოს დასაწყობების ტერიტორიაზე.

2. მიმწოდებელის ვალდებულება
ა) ტყეკაფზე ხე-ტყის დამზადების შედეგად მიღებული ნარჩენები განათავსოს ხე-ტყის გამოზიდვის პარალელურად, მაგრამ არაუგვიანეს ხე-ტყის გამოზიდვის დამთავრებისას, მოქმედი კანონმდებლობის შესაბამისად.
ბ) მომსახურების გაწევის პერიოდში საჭიროების შემთხვევაში სააგენტოსთან ან/და სააგენტოს ტერიტირიულ ორგანოსთან შეთანხმებით უნდა უზრუნველყოს გამოსაყენებელი სატყეო სამეურნეო გზების რეაბილიტაცია.
გ) მომსახურების გაწევისას დაიცვას საქართველოს კანონმდებლობით (მ.შ. უსაფრთხოების ნორმები) დადგენილი მოთხოვნები;
დ) მოჭრას და დაამზადოს მხოლოდ სსიპ ეროვნული სატყეო სააგენტოს მიერ ჭრაში დანიშნული ხეები.
ე) მომსახურების გაწევის პერიოდში დამზადების პროცესის გამართულად წარმოების უზრუნველსაყოფად შეასრულოს სააგენტოს ან/და სააგენტოს ტერიტორიული ორგანოს წერილობითი მითითებები მათ შორის, ხე-ტყის დამზადების ტექნოლოგიური პროცესის შესახებ.

3. წარმოდგენილი დასამზადებელი მერქნული რესურსი საორიენტაციო ხასიათისაა და საქართველოს მთავრობის 2021 წლის 18 მაისის №221 დადგენილების 26-ე მუხლის მე-4 პუნქტის მოთხოვნებიდან გამომდინარე შემსყიდველი უფლებამოსილია არ მოახდინოს მომსახურების შესყიდვა სრული რაოდენობით.
4. ტყითსარგებლობის წესის დამტკიცების შესახებ საქართველოს მთავრობის 2021 წლის 18 მაისის №221 დადგენილებით დამტკიცებული ტყისარგებლობის წესის 28-ე მუხლის მოთხოვნათა დაცვით უზრუნველყოს ჭრის შედეგან მიღებული ნარჩენების განთავსება.
5. შემსყიდველი უფლებამოსილია მიმწოდებლის მიერ ზემოთაღნიშნული მე-4 პუნქტის დარღვევის შემთხვევაში დააკისროს გარემოსთვის მიყენებული ზიანის ანაზღაურება საქართველოს მთავრობის 2022 წლის 15 ივლისის №368 დადგენილების მე-5 მუხლისა და მე-4 დანართის მე-8 პუნქტის შესაბამისად.

მოსამზადებელი სამუშაოების და ხე-ტყის დამზადების ვადა განისაზღვროს 2024 წლის 30 სექტემბრის ჩათვლით. წარმოდგენილი მოცულობის ათვისების პერიოდი განისაზღვროს 2023 წლის 10 დეკემბრამდე მინიმუმ 180კბმ-ით, ხოლო 2023 წლის 10 დეკემბრიდან 2024 წლის 30 სექქტემბრის ჩათვლით 216,14კბმ-ით.

ახმეტის სატყეო უბანი, ახმეტის სატყეო, კვარტალი 47, ლიტერი 45. 396,14
ტყეკაფის №009-07-0043225
კვარტალ 47-ში მისასვლელი სატყეო სამეურნეო გზა გაყვანილია, საშუალო მანძილი ტყეკაფიდან დამზადებული ხე-ტყის დასაწყობების ადგილამდე არის დაახლოებით 15 კილომეტრი (ქ.ახმეტის N009-000-000019 საქმიან ეზო.

1. ხე-ტყის დამამზადებელს უნდა ჰყავდეს მინიმუმ 1 სამუშაო ჯგუფი, რომელიც უნდა შედგებოდეს არანაკლებ 6 ადამიანისაგან, დამამზადებელს უნდა ჰყავდეს ერთი დიპლომირებული მეტყევე სპეციალისტი (რაზედაც უნდა წარმოადგინოს დიპლომის ასლი).

თითოეული ჯგუფისათვის საჭირო მინიმალური ტექნიკა:
1. მაღალი გამავლობის სატვირთო ავტომანქანა (საბოლოო დასაწყობების ადგილამდე მორების გამოსაზიდად)-2 ც.
2. სპეც/ტექნიკა (მორმთრევი ან სხვა სპეც/ტექნიკა) მორების გამოსათრევად- 1 ც.
3. სპეც/ტექნიკა (ბულდოზერი ან სხვა სპეც/ტექნიკა) სატყეო სამეურნეო გზების რეაბილიტაციისათვის-1 ც.

2. პრეტენდენტმა უნდა წარმოადგინოს ტექნიკის არსებობის (პრეტენდენტს დროებით ან მუდმივ სარგებლობაში უნდა გააჩნდეს) დამადასტურებელი დოკუმენტი (ტექ/პასპორტი და ქირავნობის ან თხოვების ხელშეკრულება, ან სხვა რაიმე დამადასტურებელი დოკუმენტი, ხოლო თუ ტექნიკა მიმწოდებლის საკუთრებაა მხოლოდ ტექ/პასპორტი).

სატენდერო პროცედურების მიმდინარეობის ეტაპზე ქვეკონტრაქტორ(ებ)ის არსებობის შემთხვევაში სახელმწიფო შესყიდვების ერთიან ელექტრონულ სისტემაში უნდა აიტვირთოს პრეტენდენტსა და ქვეკონტრაქტორ(ებ)ს შორის გაფორმებული ხელშეკრულებ(ები)ა. ასევე, უნდა აიტვირთოს ქვეკონტრაქტორის შესახებ ყველა ის ინფორმაცია და დოკუმენტი, რომლებიც მოეთხოვება პრეტენდენტს.

1.პრეტენდენტმა სატენდერო წინადადების ფასი უნდა წარმოადგინოს 1.3 პუნქტის დანართის (ფასების ცხრილის) მიხედვით.
2.სატენდერო წინადადებაში საერთო და ერთეულის ფასი გამოსახული უნდა იყოს ლარში დღგ-ს გარეშე. იმ შემთხვევაში, თუ ხელშეკრულების გაფორმების ეტაპზე მიმწოდებელი იქნება დღგ-ს გადამხდელი, ხელშეკრულების ღირებულებაში გათვალისწინებული იქნება დღგ-ს შესაბამისი ოდენობა.

იმ შემთხვევაში, თუ პრეტენდენტის მიერ ერთიან ელექტრონულ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია. პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ამასთან, ფასწარმოქმნის ადეკვატურობის დამადასტურებელი დოკუმენტებით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

1.ანგარიშსწორება განხორციელდება ეტაპობრივად, ფაქტობრივად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის ან/და საგადასახადო ანგარიშფაქტურის (კანონმდებლობით დადგენილ შემთხვევაში) საფუძველზე.
2.იმ შემთხვევაში თუ მიმწოდებელს წარმოქმნილი აქვს რაიმე სახის დავალიანება შემსყიდველთან, ის უფლებამოსილია დავალიანების სრულად დაფარვამდე არ განახორციელოს ანგარიშსწორება.

10 სამუშაო დღე

ოთარ გარდაფხაძე, 551337737, otar.gardapkhadze@forestry.gov.ge

პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (ფასების ცხრილი (გარდა excel ფორმატში წარმოდგენილი ფასების ცხრილისა), ინფორმაცია საკუთარი გამოცდილების შესახებ, საგარანტიო პირობები და ა.შ.) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
სატენდერო პირობებით მოთხოვნილ სხვა დამატებით ინფორმაციას (გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და ა.შ) მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი.