Услуги по очистке и санации (Грузия - Тендер #42828770)

სპეციალური პენიტენციური სამსახურის პენიტენციურ დაწესებულებებში და სხვა შენობა-ნაგებობებში სადეზინფექციო მომსახურების შესყიდვა

1. თითოეულ ობიექტებზე უნდა დამუშავდეს ყველა ზედაპირი, რომელთანაც გააჩნიია შეხება ადამიანს, სადეზინფექციო ანტივირუსული ხსნარით იატაკის და კედლების ჩათვლით. განსაკუთრებულად უნდა დამუშავდეს მაღალი რისკის ზედაპირები: მაგიდები, სკამები, კომპიუტერის კლავიატურა, მოქალაქეთა მიმღები დახლები და სხვა.

2. მომსახურება უნდა განხორციელდეს ამ სფეროში არსებული სტანდარტებისა და ნორმების სრული დაცვით.

3. მიმწოდებელი ვალდებულია მომსახურების გაწევისას მკაცრად დაიცვას უსაფრთხოების ნორმები.

1.4.1. მომსახურების გაწევა უნდა განხორციელდეს ხელშეკრულების გაფორმების შემდგომ 2 (ორი) ეტაპად. მიმწოდებელი ვალდებულია შემსყიდველის მოთხოვნიდან არაუგვიანეს 3 (სამი) კალენდარული დღის ვადაში დაიწყოს მომსახურების გაწევა და დაასრულოს არაუგვიანეს 10 (ათი) კალენდარული დღის ვადაში.

1.4.2. შემსყიდველი უფლებამოსილია მოთხოვნა განახორციელოს 2023 წლის 31 დეკემბრის ჩათვლით.

მომსახურების გაწევის ადგილია სპეციალური პენიტენციური სამსახურის პენიტენციური დაწესებულებები და სხვა შენობა-ნაგებობები:

1. N2 პენიტენციური დაწესებულება /ქ. ქუთაისი, ხარებავას ქ. ბოლო მონაკვეთი/ - საორიენტაციო ფართი 17879 კვ.მ.
2. N3 პენიტენციური დაწესებულება /ქ. ბათუმი, თევდორე მღვდლის ქ. №27/ - საორიენტაციო ფართი 3718 კვ.მ.
3. N5 პენიტენციური დაწესებულება /გარდაბნის მუნიციპალიტეტი სოფელი მთისძირი/ - საორიენტაციო ფართი 13555 კვ.მ.
4. N6 პენიტენციური დაწესებულება /გარდაბნის მუნიციპალიტეტი სოფელი მთისძირი/ - საორიენტაციო ფართი 15567 კვ.მ.
5. N8-18 პენიტენციური დაწესებულება /ქ. თბილისი, გლდანის მე-7 მკრნ, მე-2 კმ, თბილისი, აბუსერიძე-ტბელის ქ. N11/ - საორიენტაციო ფართი 40764 კვ.მ.
6. N8 პენიტენციური დაწესებულების ნაწილი ქ.თბილისი, აბუსერიძე-ტბელის 11, საორიენტაციო ფართი 3568 კვ.მ.
7. N10 პენიტენციური დაწესებულება /ქ. მცხეთის მუნიციპალიტეტი დაბა ქსანი/ - საორიენტაციო ფართი 13289.00 კვ.მ.
8. N11 პენიტენციური დაწესებულება დაწესებულება/ქ. თბილისი გრ. ხანძთელის ქ. N3/ - საორიენტაციო ფართი 2,930.00 კვ.მ
9. N12-16 პენიტენციური დაწესებულება - /ქ. რუსთავი მშენებელთა ქ. N60/ - საორიენტაციო ფართი 20159.00 კვ.მ.
10. N14 პენიტენციური დაწესებულება / ქ. წყალტუბო, სოფელ გეგუთის საკრებულო/ - საორიენტაციო ფართი 13595.00 კვ.მ.
11. N15 პენიტენციური დაწესებულება /მცხეთის მუნიციპალიტეტი, სოფელი ქსანი/ - საორიენტაციო ფართი 14533.00 კვ.მ.
12. N17 პენიტენციური დაწესებულება / ქ. რუსთავი მშენებელთა ქ. N64/ - საორიენტაციო ფართი 13102.00 კვ.მ
13. გარე დაცვის მთავარი სამმართველოს წვევანდელთა მომზადების განყოფილება / ქ.რუსთავი მშენებელთა ქ.N60/ - საორიენტაციო ფართი 2879.00 კვ.მ.
14. ადმინისტრაციული შენობა, ქ. თბილისი ზ.ანჯაფარიძის ქ. N18 - საორიენტაციო ფართი 6,435.00 კვ.მ.
15. ესკორტირებისა და სპეციალური ღონისძიებების მთავარი სამმართველო /ქ. თბილისი, ომარ ხიზანიშვილის ქ.N260 - 1316.00 კვ.მ.
16. ცენტრალური საწყობი, ქ.თბილისი, ჟორესის ქ.10 საორიენტაციო ფართი 542 კვ.მ.

2.2.1.1პრეტენდენტს 2020 წლის 1 იანვრიდან ტენდერის გამოცხადების დღემდე უნდა გააჩნდეს სადეზინფექციო მომსახურების მიწოდების გამოცდილება.

2.2.1.2. პრეტენდენტმა შესყიდვების ერთიან ელექტრონულ სისტემაში უნდა ატვირთოს 2.2.1.1. პუქნტით მოთხოვნილი გამოცდილების დამადასტურებელი დოკუმენტები - ხელშეკრულება/ხელშეკრულებები, ამ ხელშეკრულების საფუძველზე გაფორმებული მიღება-ჩაბარების აქტ(ებ)ი ან/და სხვა დოკუმენტაცია, რომლითაც დადასტურდება პრეტენდენტის გამოცდილება.

შენიშვნა: იმ შემთხვევაში, თუ მოთხოვნილი გამოცდილების დამადასტურებელი ხელშეკრულება და მიღება-ჩაბარების აქტები სრულად არის ატვირთული შესყიდვების ერთიან ელექტრონულ სისტემაში, საკმარისია შესაბამისი SPA/NAT/CMR ან სხვა ნომრის მითითება. ,

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

ანგარიშსწორება მოხდება უნაღდო ანგარიშსწორებით ლარში.

მიმწოდებელთან ანგარიშსწორება განხორციელდება ფაქტობრივად გაწეული მომსახურების ღირებულების მიხედვით. მიღება–ჩაბარების აქტის ხელმოწერის,ინსპექტირების აქტის, საგადასახადო ანგარიშ-ფაქტურის და სასაქონლო ზედნადების (კანონმდებლობით დადგენილ შემთხვევებში) წარმოდგენის საფუძველზე, არაუგვიანეს 10 (ათი) სამუშაო დღის ვადაში.

თათია ყურაშვილი, 595075289, tkurashvili@sps.gov.ge ტექნიკურ საკითხებთან დაკავშირებით დაუკავშირდით გიორგი ფალიანს - 5 99 052 626

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.4 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 მიმწოდებელი ვალდებულია გაუწიოს შემსყიდველს უფლებრივად და ნივთობრივად უნაკლო მომსახურება.
10.1.8 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.