Инженерные услуги (Грузия - Тендер #42790972)

ორჯაჭვიანი 110 კვ. ეგხ „თონეთი-1,2“-ის #377-381 საყრდენების ანტიკოროზიული დაცვის და შეღებვითი სამუშაოების მიმდინარეობაზე ზედამხედველობის და შესრულებული სამუშაოების ტექნიკურ დავალებასთან შესაბამისობის საექსპერტო მომსახურების შესყიდვა

სატენდერო წინადადების წარდგენით, პრეტენდენტი ავტომატურად გამოხატავს თანხმობას ამ ველში მოცემულ "ტექნიკური დავალების" დოკუმენტზე და მიმაგრებულ (ორჯაჭვიანი 110 კვ. ეგხ „თონეთი-1,2-ის“ # 377-#381 საყრდენების ანტიკოროზიული დაცვის და შეღებვის სამუშაოების "ტექნიკური დავალება" და 110კვ ეგხ თონეთი-2-ს საყრდენების განლაგების სიტუაციური გეგმა) ფაილებზე, რაც უცვლელად, დანართად დაერთვება გასაფორმებელ ხელშეკრულებას.

I.ჩატარებული ორჯაჭვიანი 110 კვ. ეგხ „თონეთი-1,2-ის“ #377-#381 საყრდენების ანტიკოროზიული დაცვის და შეღებვის სამუშაოების ტექნიკურ პირობებთან შესაბამისობის ექსპერტიზის (ინსპექტირების) "ტექნიკური დავალება":

1.სამუშაოს შემსრულებელი უნდა იყოს, სსიპ- აკრედიტაციის ერთიანი ეროვნული ორგანოს, აკრედიტაციის ცენტრის მიერ აკრედიტირებული „Aტიპის ინსპექტირების ორგანო“, რომელსაც აქვს უფლება გაუწიოს ზედამხედველობა ეგხ-ბზე მიმდინარე სამუშაოებს და აწარმოოს მაღალი ძაბვის ელექტროგადამცემ ხაზებზე შესრულებული სამუშაოების ინსპექტირება, საქართველოს მთავრობის 31.05.2019 წ #257 დადგენილებით.

2.ობიექტის დასახელება, რომელზეც გაცემული უნდა იქნეს დასკვნა:
ორჯაჭვიანი 110 კვ. ეგხ „თონეთი-1,2-ის“ # 377-#381 საყრდენების ანტიკოროზიული დაცვის და შეღებვის სამუშაოები.

3.ანტიკოროზიული დაცვის სამუშაოების ძირითადი ეტაპებია:

- ანძების ელემენტების გარე და შიდა ზედაპირების გაწმენდა ჟანგისა და ხენჯისგან;
- გაწმენდილი ზედაპირების დაგრუნტვა;
- დაგრუნტული ზედაპირის შეღებვა ორ კომპონენტიანი ანტი კოროზიული საღებავით;
-შეღებილ საყრდენებს დგარებზე ეგხ-ების დასახელებისა დ ნუმერაციის დატანა(თეთრ ფერში).
- გარეგნული დახასიათება ნახევრად პრიალა.
- შრობის დრო 100 მკ 4 სთ.
- შეხებაზე მყარია 4 სთ.
- ბოლომდე მშრალია 12 სთ.
- ტემპერატურა მედეგი -15 C - =120 C.
- ღებვის დროს ტემპერატურა არა უმეტეს 35 C.
- გრუნტის და საღებავის ვარგისიანობის ვადა უნდა დასტურდებოდეს დოკუმენტალურად.
-გრუნტი და ლაქ-საღებავი უნდა წარმოადგენდეს ერთმანეთთან თავსებად ორ კომპონენტიან მასალებს.
-გრუნტის და საღებავის მასალების თავსებადობა უნდა დადასტურდეს მწარმოებლის შესაბამისი სერთიფიკატით. წარმოდგენილი უნდა იყოს ასევე გამოყენებული მასალების წარმოშობისა და ხარისხის სერთიფიკატები.
-გრუნტის ფენის სისქე უნდა იყოს არაუმცირეს 40 მკმ-სა, საღებავის ფენისა - არა უმცირეს 100 მკმ-სა.

4.სამუშაოები ხორციელდება ხაზზე არსებულ საყრდენებზე.

5.„Aტიპის ინსპექტირების ორგანოს“ სპეციალისტმა ან/და სპეციალისტებმა ზედამხედველობა უნდა გაუწიონ ორჯაჭვიან 110 კვ. ეგხ „თონეთი-1,2“-ზე არსებული #377-#381 საყრდენების ანტიკოროზიული დაცვის და შეღებვის სამუშაოების მიმდინარეობას და მიმწოდებელმა სამუშაოების დასრულების შემდეგ უნდა წარმოადგინოს ინსპექტირების ანგარიში.

6.ინსპექტირების ანგარიში (ექსპერტის დასკვნა) უნდა გაიცეს ელექტროგადამცემი ხაზის საყრდენებზე ჩატარებული ანტიკოროზიული და შეღებვის სამუშაოების ტექნიკურ პირობებთან შესაბამისობაზე.

7. საექსპერტო დასკვნის სრული პაკეტი წარმოდგენილი უნდა იქნეს მისამართზე: ქ. თბილისი, ბარათაშვილის ქ. №2. სს ,,სსე“-ს სათაო ოფისი, ქართულ ენაზე შედგენილი. 1 ეგზემპლარი ნაბეჭდი სახით, ხელმოწერილი და ბეჭდით დადასტურებული და ელექტრონული სახით;

II.ორჯაჭვიანი 110 კვ. ეგხ „თონეთი-1,2-ის“ # 377-#381 საყრდენების ანტიკოროზიული დაცვის და შეღებვის სამუშაოების "ტექნიკური დავალება", "110კვ ეგხ თონეთი-2-ს საყრდენების განლაგების სიტუაციური გეგმა" და "#377- #381 ანძების სურათები" მოცემულია მიმაგრებულ ფაილებში.

მომსახურების გაწევის ვადაა ორჯაჭვიანი 110 კვ. ეგხ „თონეთი-1,2-ის“ # 377-#381საყრდენების ანტიკოროზიული დაცვის და შეღებვის სამუშაოების დასრულებიდან 10 (ათი) კალენდარული დღის განმავლობაში.

1.გაწეულ მომსახურებაზე საექსპერტო დასკვნის (სრული პაკეტი) მოწოდების ადგილია: ქ, თბილისი, ბარათაშვილის ქ. #2. სსე–ის სათაო ოფისი.

*საექსპერტო დასკვნის (სრული პაკეტი) მიწოდება უნდა განხორციელდეს სამუშაო დღეებში და საათებში (ორშაბათიდან პარასკევის ჩათვლით, 09:00 - 18:00 სთ., ოფიციალური უქმე დღეების გარდა). თუ საექსპერტო დასკვნის (სრული პაკეტი) მიწოდება დაემთხვა არასამუშაო დღეს, მიმწოდებელმა მიწოდება უნდა უზრუნველყოს მომდევნო სამუშაო დღეს.

2.ობიექტის მისამართია: წყნეთის გზატკეცილის მიმდებარე ტერიტორია.

(!)

"პრეტენდენტმა" სატენდერო წინადადებით უნდა წარმოადგინოს (ატვირთოს) სსიპ "აკრედიტაციის ერთიანი ეროვნული ორგანო - აკრედიტაციის ცენტრი"-ს მიერ გაცემული მოქმედი აკრედიტაციის მოწმობა - „A ტიპის ინსპექტირების ორგანო“, რომელსაც აქვს უფლება გაუწიოს ზედამხედველობა ეგხ-ბზე მიმდინარე სამუშაოებს და აწარმოოს მაღალი ძაბვის ელექტროგადამცემ ხაზებზე შესრულებული სამუშაოების ინსპექტირება, საქართველოს მთავრობის 31.05.2019 წ #257 დადგენილებით.

(!)

"პრეტენდენტმა" სატენდერო წინადადებით უნდა წარმოადგინოს(ატვირთოს) სატენდერო დოკუმენტაციის კითხვარის 1.3 ველში მოცემული სრულად შევსებული "ფასების ცხრილი".

ფასწარმოქმნის ადეკვატურობის მოთხოვნასთან დაკავშირებით კომისია ყურადღებას ამახვილებს შემდეგ ფაქტობრივ გარემოებაზე:

- „თავისუფალი ვაჭრობისა და კონკურენციის შესახებ“ საქართველოს კანონის უმთავრესი მიზანია საქართველოში თავისუფალი ვაჭრობისა და კონკურენციისათვის ბარიერების მოხსნა. დღეის მდგომარეობით, ეკონომიკური აგენტები თავისუფალნი არიან საქონლის/მომსახურების/სამუშაოს ფასწარმოქმნის ჯაჭვის ფორმირებისას. ვინაიდან მოქმედი სამართლებრივი აქტებით არ არის განსაზღვრული/რეგულირებული შესაბამისი კრიტერიუმები, თუ რა საფუძვლით უნდა განხორციელდეს ფასის ფორმირება, მიგვაჩნია, რომ ფასწარმოქმნის ადეკვატურობის დასაბუთების შეფასება ობიექტურ კრიტერიუმებზე დაყრდნობით შეუძლებელია.
- კომისიას მიაჩნია, რომ კონკურენტუნარიანი ბაზრის განვითარებისთვის, მინიმუმამდე უნდა იქნეს დაყვანილი ადმინისტრაციული ბარიერები. ამასთან, ეკონომიკური აგენტებისათვის კონკურენციის არამართლზომიერი შეზღუდვის დაწესება დაუშვებელია.

ყოველივე ზემოაღნიშნულიდან გამომდინარე, დისკრეციული უფლებამოსილების ფარგლებში, სატენდერო კომისია მიიჩნევს, რომ 110 კვ. ეგხ „თონეთი-1,2-ის“ #377-#381 საყრდენების ანტიკოროზიული დაცვის და შეღებვის სამუშაოების საექსპერტო მომსახურების ამ კონკრეტულ შესყიდვაში არ გამოიყენოს ფასწარმოქმნის ადეკვატურობის დასაბუთება სსიპ სახელმწიფო შესყიდვების სააგენტოს თავმჯდომარის 2017 წლის 14 ივნისის N12-ე ბრძანების „ელექტრონული ტენდერის ჩატარების წესის დამტკიცების შესახებ“ მე-18 მუხლის მე-5 პუნქტის საფუძველზე.

-იმ შემთხვევაში თუ ხელშეკრულების მიმდინარეობისას მიმწოდებლის მიერ მოთხოვნილი იქნა საავანსო გადახდა, შემსყიდველი მიმწოდებელს უხდის საავანსო თანხას (სახელშეკრულებო ღირებულების არაუმეტეს 30%) მიმწოდებლის მხრიდან შესაბამისი ოდენობის უპირობო და გამოუთხოვადი სავანსო-საბანკო გარანტიის შემსყიდველ ორგანიზაციაში მატერიალური სახით წარმოდგენის შემთხვევაში, საავანსო-საბანკო გარანტიის წარმოდგენიდან 5 (ხუთი) სამუშაო დღის განმავლობაში;
- მიმწოდებლის მიერ წარმოდგენილი უპირობო და გამოუთხოვადი საავანსო-საბანკო გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას;
- იმ შემთხვევაში თუ მიმწოდებელი არის დღგ-ს გადამხდელი, საავანსო-საბანკო გარანტიის შესაბამისი ანგარიშფაქტურა წარმოდგენილი უნდა იყოს ავანსის გადახდიდან 2 (ორი) სამუშაო დღეში;
- არარეზიდენტი მიმწოდებლის მიერ საავანსო-საბანკო გარანტიის ინვოისი წარმოდგენილი უნდა იყოს საავანსო-საბანკო გარანტიის წარმოდგენიდან 2 (ორი) სამუშაო დღეში;
- ავანსად გაცემული თანხა ჩაითვლება საბოლოო ანგარიშსწორებისას;
- უპირობო და გამოუთხოვადი საავანსო-საბანკო გარანტია წარმოდგენილი უნდა იყოს ქართულ ენაზე. უცხო ენაზე წარმოდგენის შემთხვევაში, თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით);
- რეზიდენტი მიმწოდებლის მიერ უპირობო და გამოუთხოვადი საავანსო-საბანკო გარანტია წარმოდგენილი უნდა იყოს, საქართველოს ეროვნული ბანკის მიერ ლიცენზირებული საბანკო დაწესებულებიდან გაცემული შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი და/ან ბეჭედდასმული;
- არარეზიდენტი მიმწოდებლის მიერ უპირობო გამოუთხოვადი საავანსო-საბანკო გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან საავანსო-საბანკო გარანტიის უცხოური ბანკიდან წარმოდგენის შემთხვევაში, მიმწოდებელმა მასთან ერთად უნდა წარმოადგინოს ზემოაღნიშნული საავანსო-საბანკო გარანტიის საფუძველზე, საქართველოს ეროვნული ბანკის მიერ ლიცენზირებული საბანკო დაწესებულების გაცემული უპირობო გამოუთხოვადი „კონტრ გარანტია" შემდეგი ფორმის დაცვით: „კონტრ გარანტიის" გამცემი დაწესებულების ტიტულიან ფურცელზე (ბლანკი), ხელმოწერილი ან/და ბეჭედდასმული.

ანგარიშსწორება განხორციელდება სრულად გაწეულ მომსახურებაზე ან/და მომსახურების გაწევის დასრულებისას ფაქტიურად გაწეულ მომსახურებაზე, საბოლოო მიღება-ჩაბარების აქტის გაფორმებისა და ანაზღაურებისათვის საგადასახადო ანგარიშფაქტურის საფუძველზე, უნაღდო ანგარიშსწორების ფორმით ლარში.

ანგარიშსწორება განხორციელდება სრულად გაწეულ მომსახურებაზე ან/და მომსახურების გაწევის დასრულებისას ფაქტიურად გაწეულ მომსახურებაზე, მიღება-ჩაბარების აქტის გაფორმებისა და ანაზღაურებისათვის საგადასახადო ანგარიშფაქტურის წარმოდგენის შემდეგ არაუგვიანეს 8 (რვა) სამუშაო დღის განმავლობაში.

მაია ხაბეიშვილი, 577240458, maia.khabeishvili@gse.com.ge

1. ალტერნატიული სატენდერო წინადადება არ მიიღება;

2.სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

3. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;

4. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

5. ფასების ცხრილის წარმოუდგენლობის ან განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას.

6.სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

7. სატენდერო წინადადების საერთო ფასის წარმოდგენა დასაშვებია მხოლოდ ეროვნულ ვალუტაში - ლარში;

8.პრეტენდენტები ვალდებულები არიან, ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.