Земляное оборудование, землеройные машины и их запасные части (Грузия - Тендер #42700806)

თვლებიანი ექსკავატორი

წინამდებარე ელ. ტენდერის ფარგლებში, გამარჯვებულმა პრეტენდენტმა უნდა უზრუნველყოს შემდეგი დასახელების, რაოდენობისა და მახასიათებლების მქონე საქონლის მოწოდება:

თვლებიანი ექსკავატორი - 4 ცალი.

ძირითადი პარამეტრები:
1 გამოშვების წელი -არანაკლებ 2022
2 მდგომარეობა - ახალი, ექსპლუატაციაში არ მყოფი
3 ექსკავატორის სატრანსპორტო სიგრძე (მმ) - არაუმეტეს 9550
4 სიგანე (მმ) - არაუმეტეს 2550
5 სიმაღლე კაბინის ჭერამდე (სტატიკური სიმაღლე) (მმ) - არაუმეტეს 3320
6 წონა (კგ) - არანაკლებ 18000

ძრავი, გადაცემათა კოლოფი და ხიდი:
7 ტიპი - დიზელის ტიპის ტურბო გამაძლიერებელით წყლის გაგრილებით
8 სიმძლავრე (ცხ.ძ) - არანაკლებ 155 (ცხ.ძ)
9 გადაცემათა კოლოფი - ავტომატური არანაკლე 2 სიჩქარე წინ 2 უკან
10 ემისიის კლასი - არანაკლებ ევრო 3 ან არანაკლებ Tier 2
11 თვლების ფორმულა - 4*4*4 ან 4*4*2
12 თვლების პარამეტრები - შეწყვილებული თვლები 8-ვე ერთი ზომის საბურავით.
13 საჭე - ჰიდრავლიკური, ჰიდროგამაძლიერებლით
14 საწვავის ავზის მოცულობა ლ - არანაკლებ 240

ისარი და ციცხვი:
15 ექსაკავატორის ისარი და მკლავი - სტანდარტული
16 ციცხვი სტანდარტული კბილებიანი - არანაკლებ 0,8 კუბ/მ მოცულობის
17 ციცხვის მაქსიმალური ტვირთამწეობა, მაქსიმალურ სიმაღლეზე (კგ) - არანაკლებ 1400 კგ
18 თხრის მაქსიმალური სიგრძე (მმ) - არანაკლებ 9000
19 თხრის მაქსიმალური სიღრმე (მმ) - არანაკლებ 5900
20 მაქსიმალური მოთხრის სიმაღლე (მმ) - არანაკლებ 9300
21 საყრდენი თათები (ექსკავატორის უკან) - ჰიდრავლიკური გაშლა/აკეცვა
22 ფრონტალური დანა - ექსკავატორის წინ განთავსებული სტანდარტული ფრონტალური დანა

კაბინა:
23 კაბინის ტიპი - სრულად შემინული, ჰერმეტული, აღჭურვილი გათბობით და კონდიცირების სისტემით
24 სამუხრუჭე სისტემა - ჰიდრავლიკური

დამატებითი მოთხოვნები:
25 მოთხოვნა დამატებითი დოკუმენტაციის და ინვენტარის შესახებ - ესკავატორს თან უნდა ახლდეს კატალოგი და ექსპლუატაციის წესების სახელმძღვანელო (ინგლისურ ენაზე) ასევე 2 ერთეული შესაბამისი ზომის და ტიპის ცეცხლმაქრი, ერთი ერთეული სააფთიაქო ყუთი და ინსტრუმენტების ნაკრები.

მიმწოდებელი უზრუნველყოფს მოწოდებული ექსკავატორების გადმოფორმებას შემსყიდველის სახელზე.



დანართი N1 (ფასების ცხრილი) პრეტენდენტმა უნდა წარმოადგინოს (ატვირთოს სისტემაში) Excel ფორმატში.

ხელშეკრულების გაფორმებიდან 180 კალენდარული დღე.

ქ. თბილისი (შემსყიდველი ორგანიზაციის მითითების შესაბამისად).

1. მიწოდებული ტექნიკა უნდა იყოს ახალი, ხარისხიანი, ექსპლუატაციაში არმყოფი და უნდა აკმაყოფილებდეს შემსყიდველის მიერ განსაზღვრულ სატენდერო დოკუმენტაციის მოთხოვნებს;
2. შესყიდვის ობიექტის საგარანტიო ვადა შეადგენს 1 (ერთი) წელს მიღება-ჩაბარების აქტის გაფორმების დღიდან, რომლის განმავლობაში რაიმე ნაკლის/დეფექტის გამოვლენის შემთხვევაში, მიმწოდებელი ვალდებულია, შეტყობინების მიღებიდან, არაუგვიანეს 15 კალენდარულ დღეში, საკუთრი სახსრებით გამოასწოროს წარმოქმნილი ნაკლოვანება/დეფექტი, შემსყიდველის მხრიდან დამატებითი დანახარჯების გაწევის გარეშე. აღნიშნული ვადის გაგრძელება შეიძლება მხოლოდ შემსყიდველის თანხმობით, შესაბამისი გონივრული დასაბუთების არსებობის შემთხვევაში;
3. გარანტია ვრცელდება მინიმუმ ძრავზე, სიჩქარეთა გადაცემის კოლოფზე და წამყვან მოწყობილობებზე და ელექტრომოწყობილობაზე;
4. გარანტია არ ვრცელდება ისეთი სახის დაზიანებებზე, რომლებიც გამოწვეულია ცვეთით, არასწორი ექსპლუატაციით, ოპერატორის უყურადღებობით, ტექნიკის კონსტრუქციაში თვითნებური ცვლილებებით, ავტოსაგზაო შემთხვევით, ხანძრით, ყინვით ან სხვა ბუნებრივი პირობების ზემოქმედებით.

მწარმოებელი და მოდელი (ივსება დანართის N2 IV სვეტში - "შემოთავაზებული საქონლის მწარმოებელი და მოდელი").

პრეტენდენტმა სატენდერო წინადადებასთან ერთად სისტემის მეშვეობით უნდა წარმოადგინოს პრეტენდენტის უფლებამოსილი წარმომადგენლის ხელმოწერით (კვალიფიციური ელექტრონული ხელმოწერა ან/და კვალიფიციური ელექტრონული შტამპი) დადასტურებული წერილობითი ინფორმაცია, რომელიც დაადასტურებს შემოთავაზებული სავაჭრო ნიშნის (ბრენდის) ექსკავატორის საერთაშორისო ბაზარზე არსებობის მინიმუმ 15 წლიან ისტორიას ან მწარმოებლის მიერ ექსკავატორის წარმოების არანაკლებ 15 წლიან ისტორიას.

პრეტენდენტი უნდა აკმაყოფილებდეს ერთ-ერთ ქვემოთ მითითებულ პირობას:
ა) გააჩნდეს შემოთავაზებული ტექნიკის მწარმოებლის მიერ ავტორიზებული არანაკლებ 1 (ერთი) სერვის ცენტრი საქართველოში, რომელიც საგარანტიო პერიოდში, საბაზრო ფასების ადეკვატური ღირებულებით, გაუწევს აღნიშნული ტენდერის ფარგლებში მიწოდებულ ტექნიკას გეგმიურ და არაგეგმიურ (ასეთის არსებობის შემთხვევაში) მომსახურებას;
ბ) წარმოადგინოს პრედენტენტსა და მწარმოებლის მიერ ავტორიზებულ სერვის ცენტრს შორის გაფორმებული წინასწარი ხელშეკრულება ან/და შეთანხმების დამადასტურებელი რაიმე სხვა სახის დოკუმენტი (შესაძლებელია წერილობითი წინასწარი თანხმობა) იმის თაობაზე, რომ აღნიშნული ტენდერის ფარგლებში მიწოდებულ ტექნიკას საგარანტიო პერიოდში გეგმიურ და არაგეგმიურ (ასეთის არსებობის შემთხვევაში) მომსახურებას გაუწევს მწარმოებელი კომპანიის ავტორიზებული სერვის ცენტრი საქართველოში. ამასთან, მომსახურების ღირებულება უნდა იყოს საბაზრო ფასების ადეკვატური.

ზემოაღნიშნული პირობების დადასტურების მიზნით პრეტენდენტმა უნდა წარმოადგინოს ინფორმაცია ერთიანი ელექტრონული სისტემის მეშვეობით.

2.7.1.1. პრეტენდენტი უნდა იყოს შემოთავაზებული ტექნიკის მწარმოებლის ოფიციალური წარმომადგენელი ან/და დილერი (იმპორტიორი) საქართველოს ტერიტორიაზე - აღნიშნულის დასადასტურებლად წარმოდგენილი უნდა იქნას მწარმოებლის მიერ გაცემული დოკუმენტი.

2.7.1.2. პრეტენდენტმა უნდა წარმოადგინოს მწარმოებლის მიერ გაცემული დოკუმენტ(ებ)ი, რომელშიც მითითებული უნდა იყოს შემოთავაზებული საქონლის სულ მცირე სატენდერო დოკუმენტაციის 1.2. პუნქტის პირველიდან 24-ე პოზიციის ჩათვლით განსაზღვრული ტექნიკური მახასიათებლები (პარამეტრი).

აღნიშნული დოკუმენტ(ებ)ი უნდა აიტვირთოს ერთიან ელექტრონულ სისტემაში ნოტარიულად დამოწმებულ ქართულ თარგმანთან ერთად.

პრეტენდენტმა წინამდებარე ელექტრონული ტენდერის ფარგლებში, სახელმწიფო შესყიდვების ერთიან ელექტრონულ სისტემაში უნდა ატვირთოს შემდეგი დოკუმენტები:
1. შევსებული დანართი N1 (წინამდებარე სატენდერო პირობების 1.3 პუნქტი) Excel ფორმატში;
2. შევსებული დანართი N2 (წინამდებარე სატენდერო პირობების 2.9 პუნქტი);
3. წინამდებარე სატენდერო პირობების 2.1.1. პუნქტით მოთხოვნილი ინფორმაცია, რომელიც დაადასტურებს შემოთავაზებული საქონლის სავაჭრო ნიშნის (ბრენდის) ექსკავატორის საერთაშორისო ბაზარზე არსებობის მინიმუმ 15 წლიანი ისტორიის ქონას ან მწარმოებლის მიერ ექსკავატორის წარმოების არანაკლებ 15 წლიანი ისტორიის ქონას;
4. მწარმოებლის მიერ გაცემული დოკუმენტი, რომელიც დაადასტურებს, რომ პრეტენდენტი არის შემოთავაზებული ტექნიკის მწარმოებლის ოფიციალური წარმომადგენელი ან/და დილერი (იმპორტიორი) საქართველოს ტერიტორიაზე (წინამდებარე სატენდერო პირობების 2.7.1.1 პუნქტი);
5. პრეტენდენტის მატერიალურ-ტექნიკურ ბაზასთან დაკავშირებული ინფორმაცია/დოკუმენტაცია (წინამდებარე სატენდერო პირობების 2.3.1 პუნქტი);
6. მწარმოებლის მიერ გაცემული დოკუმენტ(ებ)ი, რომელშიც მითითებული იქნება შემოთავაზებული საქონლის სულ მცირე წინამდებარე სატენდერო დოკუმენტაციის 1.2. პუნქტის პირველიდან 24-ე პოზიციის ჩათვლით განსაზღვრული ტექნიკური მახასიათებლები (პარამეტრი) პოზიციებით განსაზღვრული ტექნიკური მახასიათებლები (პარამეტრი). პოზიციებით განსაზღვრული ყველა ტექნიკური მახასიათებელი (პარამეტრი) (წინამდებარე სატენდერო პირობების 2.7.1.2 პუნქტი);

ფასწარმოქმნის ადეკვატურობა შესაძლებელია დასაბუთდეს აუდიტორების ან/და აუდიტორული ფირმების სახელმწიფო რეესტრში დარეგისტრირებული ან/და შესაბამის სფეროში აკრედიტირებული პირის დასკვნის საფუძველზე.

ა) ცნობა/დოკუმენტი, რომელიც ადასტურებს, რომ პრეტენდენტი არ არის რეგისტრირებული მოვალეთა რეესტრში.
ბ) ცნობა შესაბამისი ორგანოდან, რომელიც დაადასტურებს, რომ პრეტენდენტს არ ერიცხება სალდირებული დავალიანება სახელმწიფო ბიუჯეტის მიმართ.

ა) ცნობა/დოკუმენტი, რომელიც ადასტურებს, რომ პრეტენდენტი არ არის რეგისტრირებული მოვალეთა რეესტრში.
ბ) ცნობა შესაბამისი ორგანოდან, რომელიც დაადასტურებს, რომ პრეტენდენტს არ ერიცხება სალდირებული დავალიანება სახელმწიფო ბიუჯეტის მიმართ.

ა) პირადობის დამადასტურებელი დოკუმენტის ასლი
ბ) ცნობა/დოკუმენტი, რომელიც ადასტურებს, რომ პრეტენდენტი არ არის რეგისტრირებული მოვალეთა რეესტრში.

დოკუმენტები მოითხოვება, როგორც უშუალოდ ამხანაგობისთვის, ასევე, მისი თითოეული წევრისათვის:
ა) ცნობა/დოკუმენტი, რომელიც ადასტურებს, რომ პრეტენდენტი არ არის რეგისტრირებული მოვალეთა რეესტრში.
ბ) ცნობა შესაბამისი ორგანოდან, რომელიც დაადასტურებს, რომ პრეტენდენტს არ ერიცხება სალდირებული დავალიანება სახელმწიფო ბიუჯეტის მიმართ.

ა) არარეზიდენტი იურიდიული პირის შემთხვევაში, პრეტენდენტმა, გარდა 5.1.2. პუნქტის ა) და ბ) ქვეპუნქტებით გათვალისწინებული დოკუმენტებისა, უნდა წარმოადგინოს საკუთარი ქვეყნის შესაბამისი უფლებამოსილი ორგანოდან გაცემული ცნობა/ცნობები, რომ არ ხორციელდება არარეზიდენტი იურიდიული პირის რეორგანიზაცია ან ლიკვიდაცია. ყველა დოკუმენტი დამოწმებული უნდა იყოს კანონმდებლობით დადგენილი წესით (ლეგალიზებული და აპოსტილით დამოწმებული) და მათ თან უნდა ერთვოდეს ნოტარიულად დამოწმებული ქართული თარგმანი.
ბ) არარეზიდენტი ფიზიკური პირის შემთხვევაში პრეტენდნეტმა უნდა წარმოადგინოს 5.1.4. პუნქტის ა) და ბ) ქვეპუნქტებით გათვალისწინებული დოკუმენტები. ყველა დოკუმენტი დამოწმებული უნდა იყოს კანონმდებლობით დადგენილი წესით (ლეგალიზებული და აპოსტილით დამოწმებული) და მათ თან უნდა ერთვოდეს ნოტარიულად დამოწმებული ქართული თარგმანი.

წარმოდგენილ უნდა იქნას, როგორც პრეტენდენტის, ასევე, სათაო კომპანიის 5.1.2. პუნქტის ა) და ბ) ქვეპუნქტებით გათვალისწინებული დოკუმენტები. ასევე, დამატებით უნდა იქნას წარმოდგენილი სათაო კომპანიის ქვეყნის შესაბამისი უფლებამოსილი ორგანოდან გაცემული ცნობა/ცნობები, რომ არ ხორციელდება სათაო კომპანიის რეორგანიზაცია ან ლიკვიდაცია. უცხოური დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული და აპოსტილით დამოწმებული) და მათ თან უნდა ერთვოდეს ნოტარიულად დამოწმებული ქართული თარგმანი.

2 Процентов

5 Процентов

ხელშეკრულების შესრულების უზრუნველყოფის გარანტია არანაკლებ 60 კალენდარული დღით უნდა აღემატებოდეს ხელშეკრულების მოქმედების ვადას.

1. საბანკო გარანტია წარმოდგენილი უნდა იყოს საქართველოს კანონმდებლობის შესაბამისად ლიცენზირებულ საბანკო/სადაზღვევო დაწესებულებიდან. შესაძლებელია ასევე წარმოდგენილ იქნას უცხო ქვეყნის საბანკო დაწესებულების მიერ გაცემული საბანკო გარანტია, რომელიც გადაზღვეული იქნება საქართველოს ეროვნული ბანკის მიერ ლიცენზირებული საბანკო დაწესებულების მიერ.
2. საბანკო გარანტია უნდა იყოს უპირობო და შემსყიდველს უფლებას აძლევდეს, საბანკო გარანტიის გამცემი დაწესებულებისგან პირველივე მოთხოვნისთანავე, შემსყიდველის მხრიდან ყოველგვარი დასაბუთებისა და დოკუმენტაციის წარდგენის გარეშე, მიიღოს საბანკო გარანტიით განსაზღვრული სრული თანხა.
3. ხელშეკრულების შესრულების უზრუნველყოფის საბანკო გარანტია გამოიყენება მიმწოდებლის მიერ ხელშეკრულებით ნაკისრი ვალდებულებების შეუსრულებლობის ან არაჯეროვანი შესრულების რისკის თავიდან ასაცილებლად, ასევე, აღნიშნული ქმედებით გამოწვეული ნებისმიერი ზიანის ანაზღაურების მიზნით. აღნიშნულის გათვალისწინებით, ხელშეკრულების შესრულების უზრუნველყოფის საბანკო გარანტიით განსაზღვრული თანხის შემცირება არ განხორციელდება ხელშეკრულებით თანახმად დაკისრებული პირგასამტეხლოების თანხის პროპორციულად, პირგასამტეხლოს გადახდას (ასეთის არსებობის შემთხვევაში) მიმწოდებელი უზრუნველყოფს დამატებით.
4. მიმწოდებლის მიერ ხელშეკრულებით ნაკისრი ვალდებულების სრულად შესრულების და შემსყიდველის მიერ ამ შესრულების მიღების შემდეგ, ასევე, ფორს-მაჟორული გარემოებების გამო ხელშეკრულების შეწყვეტის შემთხვევაში, შემსყიდველი ვალდებულია დაუბრუნოს მიმწოდებელს ხელშეკრულების შესრულების უზრუნველყოფის საბანკო გარანტია.
5. მიმწოდებლის მიერ ხელშეკრულების შეწყვეტის შემთხვევაში, შემსყიდველი უფლებამოსილია აამოქმედოს ხელშეკრულების შესრულების უზრუნველყოფის საბანკო გარანტია.
6. შემსყიდველის მიერ, ხელშეკრულების 8.2. პუნქტით გათვალისწინებულ შემთხვევაში ხელშეკრულების ცალმხრივად შეწყვეტისას, შემსყიდველი უფლებამოსილია მიმართოს საბანკო გარანტიის გამცემ დაწესებულებას საბანკო გარანტიით გათვალისწინებული თანხის სრულად გამოთხოვის თაობაზე. ამ შემთხვევაში მიმწოდებელი არ თავისუფლდება შემსყიდველისათვის მიყენებული ზიანის ანაზღაურებისაგან, იმ სხვაობის ფარგლებში, რითაც აღემატება მიყენებული ზიანი ხელშეკრულების შესრულების უზრუნველყოფის საბანკო გარანტიის ოდენობას.
7. ხელშეკრულების მოქმედების ვადის გაგრძელების შემთხვევაში, მიმწოდებელი ვალდებულია წარმოადგინოს ვადაგაგრძელებული ან ახალი საბანკო გარანტია, რომელიც 60 დღით უნდა აღემატებოდეს ხელშეკრულების გაგრძელებულ ვადას. იმ შემთხვევაში, თუ მიმწოდებელი არსებული საბანკო გარანტიის ვადის გაგრძელების შესახებ შეთანხმების გაფორმებიდან 10 (ათი) სამუშაო დღეში არ ან ვერ უზრუნველყოფს ვადაგაგრძელებული ან ახალი საბანკო გარანტიის წარმოდგენას, შემსყიდველი უფლებამოსილია მიმართოს საბანკო გარანტიის გამცემ დაწესებულებას საბანკო გარანტიით გათვალისწინებული თანხის სრულად გამოთხოვის თაობაზე.

1. ანგარიშსწორება განხორციელდება უნაღდო ანგარიშსწორების ფორმით ლარში, ფაქტიურად მიწოდებული საქონლის მოცულობის შესაბამისად, მიმწოდებლის საბანკო ანგარიშზე.
2. შემსყიდველი უფლებამოსილია, ხოლო მიმწოდებელი თანახმაა ხელშეკრულების 9.3 და 9.5 პუნქტებით დაკისრებული პირგასამტეხლოს თანხა (ასეთის არსებობის შემთხვევაში) გამოქვითოს მიღება-ჩაბარების აქტის შესაბამისი, მიმწოდებელზე გადასარიცხი თანხიდან.
3. საქართველოს კანონმდებლობით გათვალისწინებული ყველა გადასახადის გადახდაზე პასუხისმგებელია მიმწოდებელი.

ანგარიშსწორება განხორციელდება 10 სამუშაო დღის განმავლობაში, გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენის საფუძველზე.

ანა გოგეშვილი, 599850515, ana.gogeshvili@ag.ge

- დაზუსტებას არ ექვემდებარება ტექნიკური დოკუმენტაცია, თუ არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს. ასეთ შემთხვევაში, სატენდერო კომისია ახდენს პრეტენდენტის დისკვალიფიკაციას.

- დაზუსტებას არ ექვემდებარება ტექნიკური დოკუმენტაცია, თუ მასში არ არის მითითებული ინფორმაცია შესყიდვის ობიექტის მწარმოებლისა და მოდელის შესახებ. ასეთ შემთხვევაში, სატენდერო კომისია ახდენს პრეტენდენტის დისკვალიფიკაციას.

- ყველგან, თუკი სადმე მითითებულია სასაქონლო ნიშანი, მოდელი ან მწარმოებელი იგულისხმება ,,მსგავსი“ ან ,,ექვივალენტური“. ასევე, თუ მოთხოვნილია სტანდარტთან შესაბამისობა, იგულისხმება მითითებული ან მისი ექვივალენტური სტანდარტი.

- 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ, მის მიერ შექმნილ, ელექტრონულ დოკუმენტებზე შეასრულონ უფლებამოსილი პირის კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით, გარდა საქართველოს კანონმდებლობით გათვალისწინებული შემთხვევებისა (იხილეთ სახელმძღვანელო ინსტრუქცია).

- სატენდერო წინადადება და მასთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.