Гостиничные услуги (Грузия - Тендер #42700781)

1.1.1. შესყიდვის ობიექტს წარმოადგენს: ზუგდიდის მუნიციპალიტეტში დაგეგმილი საერთაშორიშო კონფერენციის _ „ინოვაციები და გამოწვევები ეროვნული სასწავლო გეგმის დანერგვის პროცესში“, ზუგდიდის საჯარო და კერძო სკოლების და საერთაშორისო განვითარების ესტონური ცენტრის მიერ დაგროვილი წარმატებული გამოცდილების ურთიერთგაზიარება“ ჩატარებასთან დაკავშირებით, მოწვეული პედაგოგებისა და სტუმრების სასტუმროში დაბინავებისა და საკონფერენციო დარბაზით მომსახურების შესყიდვა.

ტექნიკური დავალება

განსახორციელებელი მომსახურების აღწერა

სატენდერო პირობების თანახმად, ტენდერში გამარჯვებულმა უნდა უზრუნველყოს მოწვეული სტუმრების სასტუმროში დაბინავება, კვებით (საუზმე, სადილი, ვახშამი). ასევე, საკონფერენციო დარბაზით (კონფერენციის შესვენების დროს ყავა-ჩაით) მომსახურება.

სასტუმრო უნდა აკმაყოფილებდეს შემდეგ პირობებს:

ტენდერში გამარჯვებულმა უნდა უზრუნველყოს მოწვეული სტუმრების სასტუმროში დაბინავების ორგანიზების მომსახურება, კვებით _ პირველი დღე: ვახშამი; მეორე დღე: საუზმე, სადილი, ვახშამი; მესამე დღე: საუზმე, სადილი. სტუმრები უნდა განთავსდნენ არაუმეტეს სამადგილიან ნომრებში. საწოლების რაოდენობა არ უნდა ქმნიდეს სივიწროვესა და გადაადგილების პრობლემას ოთახში. სასტუმროს ნომრები, სადაც განთავსდებიან მოწვეული სტუმრები, აღჭურვილი უნდა იყოს სველი წერტილით, ცივი და ცხელი წყლით, კონდიცირებით, 24 საათიანი ელექტრო მომარაგებით და უკაბელო ინტერნეტ-კავშირით. ნომრებში დაცული უნდა იყოს სანიტარული ნორმები, აღჭურვილი უნდა იყოს შესაბამისი რაოდენობის პირველადი ჰიგიენური საშუალებებით (საპონი, ტუალეტის ქაღალდი, პირსახოცი, შამპუნი, დასაბანი გელი და სხვ.). აგრეთვე, თეთრეულით. ნომერი უნდა დალაგდეს მინიმუმ დღეში ერთხელ.

საავტომობილო სატრანსპორტო მომსახურება

ტენდერში გამარჯვებულმა უნდა უზრუნველყოს მოწვეული სტუმრების ტრანსპორტირება შემდეგი მიმართულებით: კონფერენციის დაწყებამდე _ ზუგდიდი - ანაკლია ან/და განმუხური. კონფერენციის დასრულების შემდგომ _ ანაკლია ან/და განმუხური - ზუგდიდი. ასევე, ტენდერში გამარჯვებულმა უნდა უზრუნველყოს მოსწავლეთა შემოქმედებითი ჯგუფის ტრანსპორტირება ზუგდიდი - ანაკლია ან/და განმუხური-ზუგდიდის მიმართულებით.

საკონფერენციო დარბაზის მიმართ წაყენებული მოთხოვნები

მოწვეულმა პრეტენდენტმა უნდა განახორციელოს საკონფერენციო დარბაზის მომსახურება, შემდეგი პირობების გათვალისწინებით: ა) დარბაზი უნდა მდებარეობდეს ანაკლია/განმუხურის ადმინისტრაციულ ერთეულში (სასტუმრო და საკონფერენციო დარბაზი უნდა იყოს ერთ სივრცეში) და გათვლილი იყოს შეხვედრების, კონფერენციების, ტრეინინგ-სემინარებისა და პრეზენტაციების ჩასატარებლად, არანაკლებ 100 ადამიანისთვის; ბ) დარბაზი აღჭურვილი უნდა იყოს საჭირო კომფორტული ინვენტარით (სკამი, სამუშაო მაგიდები და ა.შ.). ასევე, უახლესი აპარატურითა და უკაბელო ინტერნეტ-კავშირით (პროექტორი, პროექტორის დაფა, ხმის გამაძლიერებელი აპარატურით). ამასთან, უნდა იყოს კონდიცირებული.

კვებითი მომსახურება

ა) სასტუმროში გათავსებული სტუმრები, ღონისძიების მიმდინარეობის პერიოდში, უზრუნველყოფილი უნდა იყვნენ სამჯერადი კვებით _ საუზმით, სადილითა და ვახშამით. კვებითი მომსახურება უნდა განხორციელდეს ერთ სასტუმრო კომპლექსში;
ბ) სასტუმროს, კვებითი მომსახურების განხორციელებისათვის უნდა გააჩნდეს აუცილებელი ტექნიკური შესაძლებლობები (პერსონალისა და ინფრასტრუქტურის გათვალისწინებით);
გ) კვებითი მომსახურება (სასტუმრო და რესტორანი უნდა იყოს ერთ სივრცეში) უნდა განხორციელდეს წარმოდგენილი მენიუს შესაბამისად;
დ) რესტორანი უნდა იყოს კეთილმოწყობილი ინტერიერითა და ტექნიკურად გამართული გარემოთი (განათება, გათბობა, ვენტილაცია), არანაკლებ 100 პერსონის ტევადობის დარბაზით, გამოცდილი და კვალიფიციური პერსონალით;
ე) კერძები უნდა იყოს ახლად მომზადებული, წინასწარ შეთანხმებული მენიუს შესაბამისად. საკვები უნდა იყოს ეკოლოგიურად სუფთა და ვიზუალურად გაფორმებული, მიღებული სტანდარტების შესაბამისად, შესაბამისი ტემპერატურის დაცვით;
ვ) შემოთავაზებული საკვების საგემოვნო თვისებები, კვებითი ღირებულება და ვიზუალური მხარე უნდა შეესაბამებოდეს ამ სფეროში არსებულ სტანდარტებსა და ნორმებს;
ზ) საკვების საგემოვნო თვისებები, კვებითი ღირებულება და ვიზუალური მხარე უნდა შეესაბამებოდეს ამ სფეროში არსებულ სტანდარტებსა და ნორმებს, დაუშვებელია ვადაგასული და საკვებად უვარგისი პროდუქტების მიწოდება.

მენიუ

პირველი დღე:
6 მონაწილეზე ვახშამი:
პური; მჭადი; ყველი; ხაჭაპური; ხორციანი ბლინი; ელარჯი; ნიგვზიანი ხარჩო; შემწვარი ქათამი; ნამცხავრი (ეკლერი, შუ); ყავა; ჩაი.
მეორე დღე:
60 მონაწილეზე საუზმე:
პური; კარაქი; თაფლი; არაჟანი; სოსისი; ყველიანი კვერი; ხაჭოიანი ბლინი; მოხარშული კვერცხი; ნამცხავრი (ეკლერი, შუ); ყავა; ჩაი.
60 მონაწილეზე სადილი:
პური; მჭადი; ყველი; ხაჭაპური; კიტრი-პომიდვრის სალათი; ბადრიჯანი და ბულგარული ნიგვზით; ქათმის მწვადი; წვნიანი საქონლიოს ხორცით; ქათმის სალათი; ნამცხავრი (ეკლერი, შუ); ყავა; ჩაი; ხილის ასორტი; ლიმონათი; სასმელი წყალი.
60 მონაწილეზე ვახშამი:
პური; მჭადი; ყველი; ხაჭაპური; ხორციანი ბლინი; ელარჯი; ნიგვზიანი ხარჩო; შემწვარი ქათამი; ნამცხავრი (ეკლერი, შუ); ყავა; ჩაი.
მესამე დღე:
60 მონაწილეზე საუზმე:
პური; კარაქი; თაფლი; არაჟანი; სოსისი; ყველიანი კვერი; ხაჭოიანი ბლინი; მოხარშული კვერცხი; ნამცხავრი (ეკლერი, შუ); ყავა; ჩაი.
60 მონაწილეზე სადილი:
პური; მჭადი; ყველი; ხაჭაპური; კიტრი-პომიდვრის სალათი; ბადრიჯანი და ბულგარული ნიგვზით; ქათმის მწვადი; წვნიანი საქონლიოს ხორცით; ქათმის სალათი; ნამცხავრი (ეკლერი, შუ); ყავა; ჩაი; ხილის ასორტი; ლიმონათი; სასმელი წყალი.

სამგზავრო ავტოსატრანსპორტო საშუალების მიმართ წაყენებული მოთხოვნები

1) სამგზავრო ავტოსატრანსპორტო საშუალების ტექნიკური და სანიტარიულ-ჰიგიენური მდგომარეობა უნდა შეესაბამებოდეს მოქმედი საგზაო მოძრაობის წესებით, დამამზადებლის ინსტრუქციებით, სტანდარტებითა და საქართველოს კანონმდებლობით მათ მიმართ დადგენილ მოთხოვნებს;
2) ავტობუსი უნდა იყოს ტექნიკურად გამართული, დასუფთავებული, კომფორტული სალონითა და სტანდარტული დასაჯდომი ადგილებით (სავარძლებით); აღჭურვილი გათბობა-გაგრილებისა და ვენტილაციის სისტემით;
3) ავტოსატრანსპორტო საშუალებები უნდა მუშაობდეს მწარმოებლის მიერ ქარხნულად გათვალისწინებულ საწვავზე.
სხვა დამატებითი ინფორმაცია

შენიშვნა: 1) ტექნიკური დავალება შემდგომ განიხილება, როგორც გასაფორმებელი სახელმწიფო შესყიდვის შესახებ ხელშეკრულების განუყოფელი ნაწილი; 2) შემსყიდველი იტოვებს უფლებას სრულად არ აითვისოს სატენდერო დოკუმენტაციაში მოცემული შესყიდვის ობიექტის რაოდენობა და შესაბამისად სახელშეკრულებო ღირებულების სრული ანაზღაურება (შესყიდვის ობიექტის ღირებულება შემცირდება ფაქტობრივად გაწეული მომსახურების მიხედვით).

1.4.1. ტენდერში გამარჯვებულმა მომსახურების გაწევა უნდა უზრუნველყოს ხელშეკრულების დადებიდან 2023 წლის 31 დეკემბრამდე პერიოდში (კონფერენციის ჩატარების თარიღი დადგინდება ურთიერთშეთანხმებით).

1.5.1. მომსახურების გაწევის დაწყებისა და დასრულების, მათ შორის სასტუმროში სტუმრების მიღების და სასტუმროდან გამომგზავრების დროის შესახებ ტენდერში გამარჯვებულს ეცნობება, მომსახურების გაწევამდე 5 (ხუთი) დღით ადრე.
1.5.2. მომსახურების გაწევის ადგილია: ზუგდიდის მუნიციპალიტეტის ანაკლიის ან/და განმუხურის ადმინისტრაციული ერთეული.

2.9.1. სატენდერო წინადადების ღირებულება წარმოდგენილი უნდა იყოს მომსახურების სრულყოფილად გაწევასთან დაკავშირებული ყველა ხარჯისა და საქართველოს კანონმდებლობით დადგენილი გადასახადების გათვალისწინებით.

1) თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (დასკვნასთან ერთად ასევე, წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას.
2) ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებული წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.
3) ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს, ფაქტობრივად გაწეული მომსახურების გათვალისწინებით, შესაბამისი მიღება-ჩაბარების აქტის საფუძველზე.

7.3.1. ანგარიშსწორება განხორციელდება ფაქტობრივად გაწეული მომსახურების გათვალისწინებით შესაბამისი მიღება-ჩაბარების აქტის ხელმოწერიდან დადასტურებიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ამ შემთხვევაში მოცემული სატენდერო წინადადების ინტერპრეტაციის დროს, უცხოენოვან დოკუმენტსა და მის ქართულ ენაზე შესრულებულ თარგმანს შორის უპირატესობის მინიჭების საკითხს წყვეტს სატენდერო კომისია.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
5) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
6) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.