Столовые и общественное питание (Грузия - Тендер #42700756)

შესყიდვის ობიექტია ოზურგეთის მუნიციპალიტეტში მცხოვრები 180 ბენეფიციარის ყოველდღიური (დღეში ერთხელ) კვებითი მომსახურების შესყიდვა.

1. ტექნიკური დავალება
1.1. შესყიდვის ობიექტს წარმოადგენს სოციალურად დაუცველი მოსახლეობის კვებით მომსახურება.
1.2. ბენეფიციართა რაოდენობა: საორიენტაციოდ 180 ადამიანი, აღნიშნული რაოდენობა შესაძლებელია შეიცვალოს შემსყიდველის მოთხოვნის შესაბამისად, რის თაობაზეც მიმწოდებელს ეცნობება 2 (ორი) დღით ადრე მაინც.
1.3. მომსახურების ინტენსივობა და ვადა:
1.3.1. ყოველდღიური ერთჯერადი კვება დანართის სახით ატვირთული ფაილში მითითებული მენიუს, კერძების ჩამონათვალისა და შემადგენლობის (ნორმების მითითებით) შესაბამისად.
2. სანიტარულ-ჰიგიენური ნორმები
2.1. ბენეფიციართა გამოსაკვებად საჭირო პროდუქცია უნდა იყოს ახალი, გაუყინავი, არასასიამოვნო სუნის გარეშე;
2.2. კერძის მომზადებისას მკაცრად უნდა იყოს დაცული სანიტარულ-ჰიგიენური ნორმები;
2.3. საკვები პროდუქტები უნდა შეესაბამებოდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარიული წესებისა და ნორმების დამტკიცების შესახებ“ საქართველოს შრომის, ჯანმთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანების მოთხოვნებს.

3. სხვა პირობები:
3.1. ტენდერში მონაწილე პრეტენდენტმა მომსახურების გაწევა უნდა უზრუნველყოს თავის საკუთრებაში ან სარგებლობაში არსებული ფართითა და მატერიალურ-ტექნიკური ბაზით;
3.2. პრეტენდეტის სარგებლობაში არსებული ფართი უნდა კონტროლდებოდეს ვიდეო-სამეთვალყურეო სისტემით, კონტროლს უნდა ექვემდებარებოდეს როგორც გარე პერიმეტრი (შესასვლელის მხრიდან), ასევე სასადილო დარბაზი და სამზარეულო. ჩანაწერები უნდა ინახებოდეს არანაკლებ 1 თვის განმავლობაში;
3.3. პრეტენდეტმა სასადილო დარბაზში უნდა უზრუნველყოს ნორმალური ტემპერატურული რეჟიმის არსებობა (სასურველია აღჭურვილი იყოს ,,ზამთარი-ზაფხული"-ს ტიპის კონდიციონერით);
3.4. სასადილო დარბაზი უნდა მდებარეობდეს შენობის პირველ სართულზე, უნდა იყოს ადვილად და უსაფრთხოდ მისადგომი, უნდა იყოს ადაპტირებული შეზღუდული შესაძლებლობების მქონე პირთათვის.
3.5. სასადილო დარბაზი გათვლილი უნდა იყოს არანაკლებ 50 ბენეფიციარისთვის (50 ინდივიდუალური დასაჯდომით).
3.6. სასადილო დარბაზის შენობაში აუცილებლად უნდა მდებარეობდეს განცალკევებული ქალთა და მამაკაცთა საპირფარეშო ხელსაბანით.
3.7. სასადილო დარბაზი უნდა მდებარეობდეს ქ. ოზურგეთში, ცენტრალურ ნაწილში, დანართის სახით ატვირთულ ფაილში მოცემეული საზღვრების შესაბამისად.
3.8. პრეტენდენტმა დღის განმავლობაში უნდა უზრუნველყოს ბენეფიციარებისათვის განკუთვნილი საკვების ადგილზე მიტანა არაუმეტეს 5 მისამართზე (5 ოჯახში), ქ. ოზურგეთის ტერიტორიაზე (საჭიროების შემთხვევაში); ასევე, ერთი ბენეფიციარისთვის, უნდა უზრუნველყოს ოზურგეთის მუნიციპალიტეტის სოფ. ლიხაურში მისთვის განკუთვნილი ულუფის მიწოდება კვირაში სამჯერ (მიწოდების დღეები ბენეფიციართან შეთანხმებით).
3.9. პრეტენდენტმა უნდა უზრუნველყოს ბენეფიციართა ყოველდღიური აღრიცხვა ჟურნალის საშუალებით, სადაც აღნიშნული იქნება ბენეფიციარის გამოცხადების თარიღი, სახელი და გვარი, მიღებული ულუფა, ასევე სხვა დამატებითი ინფორმაცია, რის მითითებაც საჭირო გახდება მომსახურების გაწევის პერიოდში.

მომსახურების გაწევის ვადაა 2023 წლის 1 ივლისიდან 2023 წლის 31 დეკემბრის ჩათვლით
(თუ ხელშეკრულება გაფორმდება 1 ივლისის შემდგომ, მომსახურების გაწევა განხორციელდება ხელშეკრულების გაფორმების მომენტიდან, შესაბამისად, ანაზღაურებაც განხორციელდება ფაქტიურად გაწეული მომსახურების ღირებულების შესაბამისად).

1. მომსახურება უნდა განხორციელდეს ყოველდღიურად, დღეში ერთხელ.
2. მომსახურების გაწევის ადგილი შერჩეული უნდა იქნას მიმწოდებლის მიერ, იგი უნდა განხორციელდეს მიმწოდებლის საკუთრებაში ან/და სარგებლობაში არსებული ფართისა და მატერიალურ-ტექნიკური ბაზის საშუალებით.
3. მიმწოდებლის მიერ შემოთავაზებული ფართი (სასადილო დარბაზი) უნდა მდებარეობდეს ქ. ოზურგეთში, ცენტრალურ ნაწილში, 1.2 პუნქტში მოცემული საზღვრების შესაბამისად.

1. პრტენდენდტს საკუთრებაში ან/და სარგებლობაში უნდა გააჩნდეს შესაბამისი ფართი (სასადილო დარბაზი), სადაც შეძლებს ერთდროულად არანაკლებ 50 ბენეფიციარის მომსახურებას; პრეტენდეტმა აღნიშნულის დამადასტურებლად უნდა წარმოადგინოს საკუთრების ან/და სარგებლობის დამადასტურებელი დოკუმენტაცია მისამართის მითითებით; იმ შემთხვევაში, თუ მომსახურების გაწევისათვის საჭირო ფართი არ იმყოფება პრეტენდეტის საკუთრებაში, მან უნდა წარმოადგინოს სარგებლობის დამადასტურებელი დოკუმენტი, რომლის მოქმედების ვადა იქნება არანაკლებ 2023 წლის 31 დეკემბრის ჩათვლით.
2. პრეტენდეტმა ელექტრონულ სისტემაში უნდა ატვირთოს ასევე შემოთავაზებული ფართის ფოტოსურათები, გადაღებული სხვადასხვა რაკურსით (შემოსასვლელის მხრიდან, სასადილო დარბაზი, სამზარეულო და საპირფარეშო).

1. პრეტენდენტი დისკვალიფიცირებული იქნება ტენდერიდან დაზუსტების გარეშე ფასების ცხრილის წარმოუდგენლობის შემთხვევაში ან თუკი მასში განუფასებელი პოზიციების რაოდენობა აღემატება 1%-ს.

2. წარმოდგენილი დოკუმენტი, რომელიც საჭიროებს პრეტენდეტის მხრიდან ხელმოწერით დადასტურებას, დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული გასაწევი მომსახურების მიწოდების შესაძლებლობა.

1. ანგარიშსწორება განხორციელდება ეროვნულ ვალუტაში (ლარში) უნაღდო ანგარიშსწორების ფორმით.
2. ანგარიშსწორება განხორციელდება ეტაპობრივად, ყოველთვიურად (მიმწოდებლის მოთხოვნის შემთხვევაში, არაუმეტეს თვეში ორჯერ), შესაბამისი დოკუმენტაციის წარმოდგენის შემდგომ.

შესაბამისი დოკუმენტაციის წარმოდგენიდან 10 სამუშაო დღის ვადაში.

დავით ღლონტი, 579100391, oz.sheskidvebi@gmail.com