Садоводческая и сельскохозяйственная продукция (Грузия - Тендер #41699815)

03100000 - სოფლის მეურნეობისა და ბაღჩეული პროდუქტების შესყიდვა.

ყოველი მოწოდებული პარტიის კვერცხი უნდა იყოს დაზიანების გარეშე, ნაჭუჭი სუფთა, გლუვი, ხორკლების გარეშე, სათანადოდ მარკირებული (საბოლოო მომხმარებლისთვის მისაწოდებლად განკუთვნილ კვერცხზე უნდა აღინიშნოს კვერცხის წარმოშობის ქვეყანა და დადების თარიღი). სუნისა და ლაქების გარეშე;
• ე.წ. შერჩეული კატეგორიის, O კატეგორიის ქათმის კვერცხი (თოთო კვერცხის მასა 65-74,9 გრ;
• ფერი თეთრი ან მოყავისფრო, დამახასიათებელი შესაბამისი პროდუქტისთვის;
• დაფასოებული მუყაოს ყუთებში;
• პროდუქტის სიძველე არაუმეტეს 3 (სამი) დღისა.

სურსათი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის:

სურსათის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედ სტანდარტებს.

უნდა იყოს ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად.

უნდა აკმაყოფილებდეს საქართველოს მთავრობის 2015 წლის 10 ნოემბრის N581 დადგენილებით დამტკიცებული „სურსათის მიკრობიოლოგიური მაჩვენებლების შესახებ“ ტექნიკური რეგლამენტით დადგენილ მოთხოვნებს, ადამიანის სიცოცხლისა და ჯანმრთელობის უზრუნველყოფის მიზნით, სურსათის უვნებლობასთან და მიკრობიოლოგიურ რისკებთან მიმართებაში.

მოწოდებული სურსათი უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ (დამტკიცებული საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანებით) განსაზღვრულ სანიტარულ მოთხოვნებს საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას);

უნდა აკმაყოფილებდეს საქართველოს მთავრობის 2012 წლის 7 მარტის N90 დადგენილებით დამტკიცებულ „ცხოველური წარმოშობის სურსათის ჰიგიენის სპეციალური წესით“ დადგენილ მოთხოვნებს ბიზნესოპერატორისათვის, რომელიც ეწევა ცხოველური წარმოშობის სურსათის წარმოებას, გადამუშავებასა და დისტრიბუციას.

ქათმის კვერცხი არ უნდა შეიცავდეს საქართველოს მთავრობის 2015 წლის 18 დეკემბრის N639 დადგენილებით „ფარმაკოლოგიურად აქტიური ნივთიერებების, მათი კლასიფიკაციისა და ცხოველური წარმოშობის სურსათში ნარჩენების მაქსიმალური ზღვრის შესახებ“ ტექნიკური რეგლამენტით განსაზღვრულ აკრძალულ ნივთიერებებს.


ა(ა)იპ - პროფესიული უნარების სააგენტოს გენერალური დირექტორის 2022 წლის 26 დეკემბრის N1653889 ბრძანებით დამტკიცებული „კვლევის, სტუდენტური სერვისებისა და ინკლუზიური განვითარების ხელშეწყობის ქვეპროგრამის“ (პროგრამული კოდი 32 03 02 02), საჯარო სკოლებში პროფესიული განათლების განვითარების ხელშეწყობის კომპონენტის ფარგლებში.

მიმწოდებელმა, შემსყიდველის მხრიდან გაკეთებული დაკვეთიდან არაუგვიანეს 3 კალენდარული დღისა უნდა უზრუნველყოს წინამდებარე ტენდერით განსაზღვრული პროდუქტის მიწოდება საკუთარი ხარჯებით დამკვეთის მისამართზე თბილისი მარშალ გელოვანის N4, კოლეჯი იკაროსი. (მიწოდება უნდა განხორციელდეს სამუშაო საათებში დილის 9:00-18:00)

შესყიდვის ობიექტის მიწოდება განხორციელდება ხელშეკრულების გაფორმებიდან ეტაპობრივად, 2023 წლის 16 ივლისის ჩათვლით.

მიმწოდებელმა საკუთარი ხარჯებით უნდა უზრუნველყოს შესყიდვის ობიექტის მიწოდება ქ.თბილისი მარშალ გელოვანის #4, ა(ა)იპ კოლეჯი "იკაროსის" შენობა

საქონლის დასახელება, აღწერილობა, წარმოშობის ქვეყანა და მწარმოებელი (ფირმა/ფიზიკური პირი/ბრენდი) (ასეთის არსებობის შემთხვევაში)
ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების 27-ე მუხლის მე-3 პუნქტის შესაბამისად, დაზუსტებას არ ექვემდებარება ტექნიკური დოკუმენტაცია, თუ არ იქნება წარმოდგენილი ინფორმაცია შესყიდვის ობიექტის წარმოშობის ქვეყნისა და მწარმოებლის (ფირმა/ფიზიკური პირი/ბრენდი) შესახებ.

ფასების ცხრილში, ეტიკეტირებული პროდუქტის გარდა, მწარმოებელი ფირმის არ არსებობის შემთხვევაში პრეტენდენტი ვალდებულია ფასების ცხრილში პოზიციების შესაბამისად, მიუთითოს ინფორმაცია - „მწარმოებელი ფირმა არ არსებობს“

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.
ექსპერტიზის ან აუდიტორის დასკვნასთან ერთად წარმოდგენილი უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი (სერთიფიკატი და სხვა) ან სახელმწიფოს მიერ აღიარებული სხვა დამადასტურებული დოკუმენტი.
ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექპერტო დასკვნის წარმოდგენა.
პრეტენდენტის მიერ წარმოდგენილ ექსპერტიზის დასკვნას თან უნდა ახლდეს ბაზრის კვლევისას გამოყენებული დოკუმენტაცია (მაგ., ანგარიშფაქტურა/ინვოისი, ხელშეკრულება და სხვა).

ანგარიშსწორება მიმწოდებელთან განხორციელდება უნაღდო ანგარიშსწორებით ყოველთვიურად, საანგარიშო თვის განმავლობაში მიწოდებული საქონლის რაოდენობის შესაბამისად.

ანგარიშსწორება მიმწოდებელთან განხორციელდება ეტაპობრივად, უნაღდო ანგარიშსწორებით ყოველთვიურად, საანგარიშო თვის განმავლობაში მიწოდებული საქონლის რაოდენობის შესაბამისად, ინსპექტირებაზე უფლებამოსილი პირ(ებ)ი დადებითი დასკვნის, მიმწოდებლის მიერ საქართველოს კანონმდებლობით დადგენილი შესაბამისი დოკუმენტების (მათ შორის საგადასახადო ანგარიშ-ფაქტურა) საფუძველზე შედგენილი მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

ოთარ დაბრუნდაშვილი, 577900411, otardabrundashvili@gmail.com